臺虎精釀 啜飲室大安

營業中

休息中

對於沉迷精釀啤酒嘅我，旅行去搵不同嘅精釀聖地都好基本。  啜飲室以前舊店都係台北每次必去嘅地方，今次終於嚟新店喇。   新店嘅門口唔算顯眼，第一次嚟經過左見唔到其實唔奇， 啤酒方面除左 臺虎 嘅酒都仲有其他廠或者其他國家嘅精釀選擇。 餐牌背面整左個好靚嘅漢堡包分解圖，跟住望下隔離左右嘅人食緊嘅漢堡都好似好正，於是就叫嚟試下，先叫左個「The Motz」，我自己就覺得佢應該係向 George  Motz 致敬，用加左洋蔥嘅patty 做嘅 smashed cheeseburger， 有驚喜～！   無諗過嚟啜飲室可以食到咁有質素嘅漢堡！ 另外再叫左個「The McStack」，顧名都思義知道佢係向咩致敬喇～  完全係一個昇華版嘅老麥，成單野好老麥但係又所有野都升左 level ，感覺好好笑。特別要提，佢嘅 sides 係有得叫煙肉片，實在係太正喇～！ （雖然食得多有啲咸），另外仲叫左雞軟骨，台灣食嘅炸雞軟骨係有啲唔同，係大舊啲同埋真係「雞軟骨」啲嘅。除左飲酒， 呢度絕對係下次想再嚟食野嘅地方。