1
0
0
捷運雙連站出口1, 步行約6分鐘 繼續閱讀
電話號碼
+886225511111 分機 2175-2178
附加資料
https://www.ambassador-hotels.com/tc/taipei/events/capacity#ping
座位數目
264
其他資料
座位
白天營業
晚上營業
冷氣空調
食記 (1)
等級2 2018-09-07
90 瀏覽
小表弟迎娶嬌妻,舅父特選於「台北國賓大飯店」擺酒大宴親朋。婚宴設於酒店十二樓之「樓外樓」宴會廳,環境高雅得很,四周以鮮花點綴,散發著芬芳及雅致。除咗靚花擺設及菜譜之外,每席都有糖果及馬仔,寓意甜甜蜜蜜。每位賓客更有鳳梨酥及精美「囍」蜜糖帶回家,一同分享此份甜蜜喜悅。晚宴共有十二道菜,確真豐富。和風龍蝦沙拉:以蕃茄墊底o既沙律清新潤甜,喺面疊上爽脆o既龍蝦及沙律醬,紅當當o既組合好睇又好食。六喜碟:由服務生續一分配o既潮派六味喜碟分別為雞件、薄餅捲蛋、炸蠔、銀杏、腐皮卷、及炒年糕,顏色鮮橙奪目,食落均香濃惹味。花好月圓:意頭咁好,餸名又靚o既「花好月圓」原來係炸湯丸仔,煙煙韌韌都幾得意。珊瑚魚翅盅:嘩,魚翅每盅都咁大碗同咁足料,啲翅成梳喺湯面可謂睇頭十足,認真唔講得笑!靚翅厚而爽潤,湯底亦濃而不俗,爆!麻醬鮮鮑:清蒸鮮鮑就食得多,以麻醬作鮮鮑o既調味都係第一次食。鮑魚質感雖則軟腍,無奈麻醬o既味道實在太搶,所以就唔係好食得出任何鮑魚o既鮮甜味。掛爐烤雞:意外地,烤雞外表肥厚,但香脆o既雞皮下並無太多脂肪,就連雞胸肉都一啲都唔嚡,肉質軟嫩可口。茄汁蝦球佐花卷:甜酸蝦球一人一大隻,體積絕對夠哂大體!咬落層炸皮鬆化乾脆,蝦身更加係爽厚潤甜,個個食到嗦嗦聲,冇得頂呀!清蒸老虎斑:老虎斑魚肉幼嫩滑溜,鮮味無窮。貝酥油飯:原來「貝酥」乃乾瑤柱個靚名,細佬又上咗一課。油飯粒粒晶瑩飽滿,油潤有光澤,伴上脆身惹味o既貝酥猶如畫龍點睛,更上一層樓。鴛鴦美點:甜品環節家人都忙於拍大合照,小肥就襯排隊時不停偷食超級香口而且唔係太甜o既紅豆薄罉。XO仔首次於台灣參加婚宴,有幸於名酒店「台北國賓大飯店」o既「樓外樓」宴會廳見識到台式婚禮多麼高貴又溫馨,氣氛好好,當中潮派中菜美觀又美味,實在令人難忘。再次恭喜小表弟成家立室,舅父多咗個好媳婦! 繼續閱讀
(以上食記乃用戶個人意見,並不代表OpenRice之觀點。)