OpenRice 主頁
  
Handsome XO
食記會員 5次成為首位寫食記會員
食記數目 食評數目 27
編輯推薦數目 編輯推薦數目 3
食記被推次數 會員推薦次數 53
人氣指數 人氣指數 543
討論區留言 留言數目 0
上傳照片 上傳照片 489
上傳影片 上傳影片 2
我的推薦食記 我推薦的食記 27
我的餐廳 我的餐廳 24
關注 關注 35
粉絲 粉絲 2821
Handsome XO  等級2
關注 關注  留言 留言給此食家 
排序方法:  日期 笑臉 笑臉 哭臉 哭臉  編輯推薦  餐廳總分 
 
 
 
 
 
  文章形式 文章形式   |   地圖形式 地圖形式
共 27 篇台灣及鄰近地區的食記,正顯示第 21 至 25 篇的食記
2016-07-07
Share on TwitterShare on Facebook
類別 : 台灣菜中餐廳海鮮喝飲聊天

媽咪四姊妹最鍾意食海鮮,當中尤其愛食蟹 love 。佢地家中有位小表妹因工作關係經常往返台北,雖然今次未能夾啱時間相約一聚,不過深知表姐們o既飲食喜好,故亦特意推薦一試以其「處女蟳」(螃蟹o既一種)聞名o既「台南三哥海鮮star
台南三哥海鮮

台南三哥海鮮

 
位於中山區o既「台南三哥海鮮」為地舖,面積唔算好大,一眼望哂。廳內o既散座全為大小圓枱,街坊格局,家庭式作業,氣氛融洽,輕鬆自然。店子最入位置有個半開放式廚房,食客可以睇住師傅炒煮菜式,透明度極高。由於餐店並無印製餐牌,言語唔多通的話,點餸就要靠用手指指出玻璃雪櫃及廚房陳列出o既海鮮食材,幸好姨姨哥哥們都極之友善客套,大家溝通上都冇乜大問題 smile
台南三哥海鮮

台南三哥海鮮

 
點好菜,六人就決定啤一啤佢,姨姨見狀,更隨即呈上三款小食俾我地送酒添。XO仔因敏感問題冇食到花生;麻醬青瓜香脆爽甜;不過最 wow 都係碟自家醃製蜆仔,濃味得黎又不失鮮甜,冇得頂呀!
小食、餐具、啤酒

小食、餐具、啤酒

 
chopstick 炒蛤仔(NT 350/中):小肥啲普通話實在太過普通,要菜式上枱時先知「蛤仔」其實即係。第一道炒蛤仔少辣惹味,嫩滑無比,團友們無一不讚,實屬必吃推介也 like
炒蛤仔(NT 350/中)

炒蛤仔(NT 350/中)

 
chopstick 五味軟絲(NT 450/中):細佬見識少,當真從未聽過「軟絲」依味海產 really軟絲形似魷魚,上網查証過先知兩者只可算為遠親關係。凍食o既軟絲爽厚脆滑,口感跟魷魚極其相似,個人覺得不需點上醬汁已夠鮮味。
五味軟絲(NT 450/中)

五味軟絲(NT 450/中)

 
chopstick 白鯧米粉(NT 1000/大):湯米粉原煲連火爐上,夠哂滾熱辣。米粉軟腍入味,魚湯內含芋頭及炸過o既白鯧魚件,濃甜暖胃,不過除非唔點其他小菜,唔係要六個人食哂一大鍋確有難度。
白鯧米粉(NT 1000/大)

白鯧米粉(NT 1000/大)

 
chopstick 鹹菜魚肚(NT 350/中):魚肚肥滑爽脆,無奈XO仔怕咸又怕酸,以鹹菜炒製只可以話唔係自己杯茶囉 ghost
鹹菜魚肚(NT 350/中)

鹹菜魚肚(NT 350/中)

 
chopstick 清炒八蓮菜(NT 200/中):女士們要食青菜,肥哥哥就介紹我地食時令o既八蓮菜。幼幼o既八蓮菜不但外表翠綠,簡單清炒已夠清脆清甜 balloon
清炒八蓮菜(NT 200/中)

清炒八蓮菜(NT 200/中)

 
chopstick 蒜泥蚵仔(NT 400/中):單憑靚相可見菜式光滑亮澤,咬落更覺蚵仔鮮甜肥美,蒜香濃而不俗,效果猶如畫龍點睛 excited ,實在非筆墨能形容般美味可口,大家千祈咪走寶!
蒜泥蚵仔(NT 400/中)

蒜泥蚵仔(NT 400/中)

 
chopstick 處女蟳(NT 900/隻):壓軸上枱o既主角處女蟳外觀震撼非常!
處女蟳(NT 900/隻)

處女蟳(NT 900/隻)

 
蟹隻橙黃色o既外殼已夠吸睛,殼下鮮黃色o既蟹膏豐厚濃潤,蟹肉幼嫩香甜,果然有姿勢、有實際 king
處女蟳(NT 900/隻)

處女蟳(NT 900/隻)

 
多得表姨咁識食,六人今次短遊台北都有緣遇上「台南三哥海鮮」,品嚐到一頓地道o既海鮮大餐。小店選材鮮美,師傅廚藝了得,價廉物美,有心食肆絕對值得支持! music music
單據

單據

 
內用候位時間: 0 分鐘
用餐日期: 2015-11-20        
此次消費: 每人約$865 (午餐)

評分: 味道 5   環境 3   服務 5   衛生 4   CP值 5

推薦此食記

3
 
 
你覺得這篇食記:
鼓勵
期待
有趣
感動
羨慕
好圖

共有2 人投票
查看結果

2016-06-24
Share on TwitterShare on Facebook
類別 : 江浙菜中餐廳飯店餐廳精緻料理浪漫情調

今次媽咪四姊妹們訪台最主要o既目的其實係要探望居台o既兩位長輩 smileheart 。舅父仔同舅公年紀輕輕,輩份高,二人不但送贈大袋細袋o既手信禮品,仲專程由淡水開車到信義區「台北寒舍艾美酒店」 shocked ,接送六人往返中山區「亞都麗緻大飯店」,喺「天香樓」度食高級杭州菜。
亞都麗緻大飯店

亞都麗緻大飯店

 
酒店每個角落都有鮮美o既靚花 flower ,華麗悅目。酒店中菜廳「天香樓」正門有小橋流水,襯托埋四周木造o既橫樑,裝潢雅致得黎極富傳統中國色彩,氣派十足。
天香樓

天香樓

 
舅公認真客氣,除咗點選咗晚宴套餐之外,仲額外叫多咗幾味前菜、鮑魚、蟹粉東坡肉,更一人附送一本中、英文版任揀o既「杭州菜的故事」添 star
晚宴套餐

晚宴套餐

 
chopstick 蕃茄前菜(價錢不詳):此味蕃茄前菜喺餐牌上搵唔到,亦要由舅父仔同舅公示範,先知原來係要用匙羮連汁「筆」黎食。蕃茄粒好爽滑,姨媽同舅公就覺得醒胃,不過小肥就覺得好似聽到嫲嫲叫咁,好「孫」(酸) really
蕃茄前菜

蕃茄前菜

 
chopstick 拌萬年青(NT 250):薄薄o既蓮藕片同幼幼o既荀絲清香脆口,輕盈健康。
拌萬年青(NT 250)

拌萬年青(NT 250)

 
chopstick 龍井白蝦仁(NT 780/例牌):細閱「杭州菜的故事」後,方才知道龍井被乾隆皇o既皇太后封為「貢品」。故事講述一位杭州廚師從蘇東坡o既一句「休對故人思故國,且將新火試新茶,詩酒趁年華。」領悟出龍井最鮮嫩o既時候正正就係河蝦最肥美o既季節,兩者雙合即創出杭州名菜「龍井蝦仁」。可能十一月並非河蝦o既季節,「天香樓」o既蝦仁質感雖然好爽脆,但就好似差咗陣鮮,加上炒製時落多咗粉 ghost ,蝦仁就變得過黏,幸好龍井o既茶香清麗脫俗,為菜式挽回不少分數。
龍井白蝦仁(NT 780/例牌)

龍井白蝦仁(NT 780/例牌)

 
chopstick 宋嫂鮮魚羮(NT 300/位):顧名思義,「宋嫂魚羮」乃宋(五)嫂所創出。宋嫂其實係一名逃難老婦,與其叔仔喺杭州落腳後就單靠捕魚為生。機緣巧合下,一次為照顧病重o既叔仔時,就善用賣剩咗o既鮮魚,混入令人開胃o既薑、醋、酒、椒等刺激食慾o既調味,煲煮出一碗魚羮;叔仔食後,胃口大開,並迅速痊癒 like 。故仔傳到去南宋淳熙帝耳邊,為求一嚐魚羮即召見宋嫂,親証過「宋嫂魚羮」如何鮮美後當然係重重有賞啦,宋嫂就順應各方要求,開設小店,為名菜發揚光大。「天香樓」o既宋嫂鮮魚羮以瓦煲及名火滾住上,夠哂新鮮滾熱辣,魚羮鮮濃嫩滑,其薑、醋、酒味當真極其醒胃 cry
宋嫂鮮魚羮(NT 300/位)

宋嫂鮮魚羮(NT 300/位)

 
chopstick 牛扒鮑魚(價錢不詳):正當大家都沉醉於幾款傳統杭州菜o既典故時,面前突然出現一碟中西合璧o既海陸組合,牛扒配鮑魚。中餐食鮑魚已經夠矜貴,但係用牛扒墊底都係第一次見,似乎大廚係要証明俾大家睇佢都有藝術細飽同創作天份 lol 。牛扒係XO仔最愛o既三成熟,軟身得黎好夠肉汁,不過個人略嫌唔夠咸;鮑魚亦好腍滑。一口牛扒、一口鮑魚,口中o既肉香剛好吊出鮑魚o既鮮甜,配搭好有特色。席上幾位美女廚神卻因兩種食材有啲微微硬碰硬o既口感評咗兩句,更提出師傅可考慮將鮑魚換上一梳魚翅 star ,相信會為視覺及味覺帶黎更豐沛o既享受。
牛扒鮑魚

牛扒鮑魚

 
chopstick 左宗棠雞球(單點價不詳):微辣帶甜o既左宗棠雞球偏乾同嚡,可算為整頓晚餐中最為遜色o既一道 upset
左宗棠雞球

左宗棠雞球

 
chopstick 蟹粉豆苗嫩白玉(單點價不詳):適逢蟹季,舅公亦刻意加插咗一味蟹粉菜。金黃色o既蟹粉鮮甜無比,配角o既兩、三條豆苗亦翠綠嫩口。碗中o既兩球「白玉」其實係豆腐丸,其外表白滑,質感柔潤,塗上蟹粉食則更覺鮮美 balloon
蟹粉豆苗嫩白玉

蟹粉豆苗嫩白玉

 
chopstick 花雕東坡肉(NT 320/位):唔經唔覺已經食咗五款大菜,女士們都已經開始叫飽,估唔到壓軸每人仲有一小盅東坡肉送白飯!半肥瘦o既東坡肉軟腍滑溜,醇厚香濃,半溶於口中可以話係食豬肉最高o既境界 king !四大才子之一蘇東坡不但詩詞書畫樣樣精,電視劇都有提到其廚藝其實一樣咁耍家,其中「東坡肉」明顯亦取自其名。據書中記載,蘇東坡上任後即為西湖修提,為其重展容貌,好官形象深入民心,老百姓為表答謝都紛紛於春節送上其最愛食o既豬肉。由於豬肉實在過多,蘇東坡就命人切成小小方塊,再以其獨門秘方燒煮,並「連酒一起送」派俾每家每戶o既人民,怎料此句卻被誤聽成「連酒一起燒」,紅燒肉o既調味料中就加入咗酒,效果變得比普通紅燒肉更為甘香醇美 cry ;從此以後,此菜就被稱為「東坡肉」。
花雕東坡肉(NT 320/位)

花雕東坡肉(NT 320/位)

 
chopstick 桔香酒釀甜湯丸(NT 160/位):酒釀湯丸煙韌輕巧,桂花甘香撲鼻,酒味清秀淳樸,湯中鮮橙色o既柑肉更甜而不溜,飯後一小碗確令腸胃舒暢不少。
桔香酒釀甜湯丸(NT 160/位)

桔香酒釀甜湯丸(NT 160/位)

 
舅父仔同舅公為訪台o既六位後輩洗塵,於「天香樓」請食高級杭州菜。酒店餐廳環境雅麗衛生,服務稱心又貼身,用餐時更可從小冊子學到多款杭州名菜背後o既一段故及烹調秘訣,極有意思 smileheart 。師傅除咗懂得烹煮傳統杭菜,亦有顯示出自己o既新派作品,菜餚大多美味精彩,但都有需要改進o既地方,XO仔o既總評其實係OK與笑臉之間,希望最終決定給予笑臉可被視為小小鼓勵 smile
內用候位時間: 0 分鐘
用餐日期: 2015-11-19        

評分: 味道 3   環境 5   服務 5   衛生 5   CP值 4

推薦此食記

3
 
 
你覺得這篇食記:
鼓勵
期待
有趣
感動
羨慕
好圖

共有4 人投票
查看結果

2016-06-22
Share on TwitterShare on Facebook
類別 : 歐陸菜咖啡店麵包/西點輕食甜點/蛋糕

XO仔係五月天o既小粉絲,得知所入住o既「台北寒舍艾美酒店」旁o既「新光三越A11館」內就有樂隊主音阿信所開設o既「StayReal」商店,當然係要逛個夠本啦! music music
StayReal 商店

StayReal 商店

 
買到太陽差不多落山時,大家o既咖啡癮終於發作!由於手持多袋戰利品,所以就索性喺「StayReal」隔壁,連旅遊書都有介紹o既「米朗琪咖啡」度歇一歇腳,飲個下午茶。
旅遊書介紹咖啡店

旅遊書介紹咖啡店

 
咖啡屋門面光鮮潔亮 star
米朗琪咖啡 MELANGE CAFÉ

米朗琪咖啡 MELANGE CAFÉ

 
間隔亦開揚通爽,衛生企理。
間隔開揚通爽,衛生企理

間隔開揚通爽,衛生企理

 
店子中央簡單以蒸餾咖啡器裝飾 excited ,貼切又到題。
蒸餾咖啡器

蒸餾咖啡器

 
入座後,溫婉有禮o既姐姐仔先放低清水同餐牌,等大家慢慢參閱。
咖啡餐單

咖啡餐單

 
靚靚媽咪同姨媽可謂姊妹情深 balloon ,異口同聲地每人點咗杯「拿鐵咖啡」(Café Latte,NT 130/杯)。
拿鐵咖啡(NT 130)

拿鐵咖啡(NT 130)

 
小肥就為食啲 tongue ,要咗杯「義式濃縮咖啡」(NT 110/double),另加「法式捲餅」一客。
義式濃縮咖啡(NT 110/double),法式捲餅(NT 90)

義式濃縮咖啡(NT 110/double),法式捲餅(NT 90)

 
自助式餐具已預先擺放喺餐桌上。
自助式餐具

自助式餐具

 
法式捲餅(NT 90):甜品實物跟餐牌上o既彩圖冇十成都有九成九相似 smileheart
法式捲餅(NT 90)

法式捲餅(NT 90)

 
奶黃色o既捲餅皮層軟薄,內裡o既吉士餡心則柔滑香濃,點上忌廉煉奶後,再連同橙黃色o既水蜜桃食,更覺清新甜潤,美味可口,實屬超值之選 king
法式捲餅(NT 90)

法式捲餅(NT 90)

 
遊客喺「新光三越A11館」購物後可憑護照及單據即場退稅,XO仔就運用所退回o既稅款請家人於商場入面o既「米朗琪咖啡」度飲咖啡、食甜品,當真皆大歡喜 smile
單據

單據

 
內用候位時間: 0 分鐘
用餐日期: 2015-11-19        
此次消費: 每人約$163 (下午茶)

評分: 味道 5   環境 4   服務 5   衛生 4   CP值 5

推薦此食記

3
 
 
你覺得這篇食記:
鼓勵
期待
有趣
感動
羨慕
好圖

共有3 人投票
查看結果

2016-06-10
Share on TwitterShare on Facebook
類別 : 日本菜居酒屋主題餐廳

XO仔讀書唔叻,唯有將勤補拙,記得大學時代為咗要學講普通話,經常都會厚著臉皮四周結識黎自台灣及大陸o既外地生,好等自己可以有更多練習o既機會,細佬就係咁遇上咗台灣女朋友 flower 。畢業多年後,小肥終於有機會去台北玩,所以第一時間就相約台灣女友午聚,地點就揀喺一家多位親友都推薦o既「三井」日本料理 star

餐廳黑漆o既大門及深色o既落地玻璃側門極富神秘感,不過當真並不起眼,一啲都唔易搵。
三井 CUISINE M

三井 CUISINE M

 
大廳樓底極高,開揚通爽,室內光線雖偏暗,不過紅色o既天花配上摩登o既吊燈,潮氣洋溢。musicmusic
三井 CUISINE M

三井 CUISINE M

 
餐桌上o既小蠟燭擺設,襯托埋布造餐墊、鶴形筷子座及小鐵酒杯,新潮得黎不失高雅。
小蠟燭擺設、餐具、鶴形筷子座及小鐵酒杯

小蠟燭擺設、餐具、鶴形筷子座及小鐵酒杯

 
可能一行十人中只有幾個可以用國語溝通,又有大有細,嚇親樓面位姐姐仔,令佢驚慌失措到要搵同事幫忙落單;為免增添混亂,我地最終都係決定各自挑選一客午市套餐。大家主攻嗰三款套餐分別為「歇雲套餐」(NT 1,200)、「淺雨套餐」(NT 1,500)及「薄月套餐」(NT 2,800);嘻嘻,小肥身為全枱人最擦得嗰個,當然係試勻哂啦 tongue
歇雲套餐(NT 1,200)

歇雲套餐(NT 1,200)

 
淺雨套餐(NT 1,500)

淺雨套餐(NT 1,500)

 
薄月套餐(NT 2,800)

薄月套餐(NT 2,800)

 
由於餐牌上冇列明各套餐所包o既菜式詳情,我地都係要等食物上枱時先知有咩食 shocked 。原來三款價錢不同o既午餐除咗菜式數目有所不同之外,就連內容都好大分別,不過當中亦有一模一樣o既飯後生果及餐茶或咖啡。

如相所示,三個套餐都有刺身拼盤一客,價錢越貴,款式及件數越多。每盤最基本有兩件清香甜美o既金目鯛。而所選取o既吞拿魚部位及生蝦o既級數則同套餐o既價格成正比;「淺雨套餐」o既中拖羅及「薄月套餐」o既大拖羅肥美香嫩,入口即溶,確實齒頰留香 king ;「薄月套餐」o既牡丹蝦爽滑甜美,亦是一絕。
刺身拼盤

刺身拼盤

 
此外,「淺雨套餐」碟刺身拼盤上多咗一隻飽魚,「薄月套餐」則多咗鮮嫩o既帶子同軟潤o既鮟鱇魚肝,另外仲有兩隻分開上o既飽魚,派頭十足 excited
薄月套餐(NT 2,800):飽魚

薄月套餐(NT 2,800):飽魚

 
除咗魚生,每份套餐都包有沙律或前菜、蝦或蟹、燒魚菜式、湯品及甜品。「歇雲套餐」可算為最清o既一款;前菜「秋葵三文魚籽」清新濕潤、炸物「油切車蝦」乾身爽脆、煮物「銀鱈大根カマ」口感豐富,香脆惹味、形似魚蛋o既「毛蟹の真薯椀」則軟腍中帶點煙韌,清湯微甜討好 balloon
套餐包有沙律或前菜、蝦或蟹、燒魚菜式、湯品

套餐包有沙律或前菜、蝦或蟹、燒魚菜式、湯品

 
淺雨套餐」整體味道更為濃郁;前菜「馬糞海膽葵泥」香濃潤澤、大大隻「0.20kg 活車海老塩燒」爽厚彈牙、「旗魚腹串燒」香口而不油膩、「北寄貝吸」亦軟脆清甜。除咗四款升級海鮮菜式,套餐仲包有如薯片般脆薄o既「餅揚出げし」、「馬鈴薯牛肉釡燒」及甘醇o既「綠茶朱古力餅」。
淺雨套餐:餅揚出げし、馬鈴薯牛肉釡燒、綠茶朱古力餅

淺雨套餐:餅揚出げし、馬鈴薯牛肉釡燒、綠茶朱古力餅

 
薄月套餐」o既項目數量雖然同「淺雨套餐」差唔多,但係其實份量同食材明顯更為豐盛 smileheart ;刺身拼盤多咗魚生同鮑魚、沙律入面加咗幾片大鮑、蝦o既菜式變成幼嫩無比o既「活鱈場蟹烤」、燒魚亦升呢為鮮嫩香滑o既「0.32kg油串(吞拿魚)下巴燒き」、湯品更換上包有原隻蟹鉗o既「味噌醇蟹」。套餐額外仲有兩串皮脆心嫩o既「生蠔カリカリ揚げ」(炸蠔)、鬆軟而肉汁豐厚o既「沙朗牛ステーキ」(西冷牛扒)及望落都矜貴過人o既「金箔綠茶朱古力餅」。
薄月套餐:鮑魚、沙朗牛ステーキ、生蠔カリカリ揚げ、金箔綠茶朱古力餅

薄月套餐:鮑魚、沙朗牛ステーキ、生蠔カリカリ揚げ、金箔綠茶朱古力餅

 
三井」環境雅麗新潮,舒適衛生,午市套餐o既菜餚款式多元化,魚材高質鮮美,菜式美觀又美味,難怪可得到眾親友頂力支持及推舉 like ,下次再黎台北一定會返轉頭。
單據

單據

 
內用候位時間: 0 分鐘
用餐日期: 2015-11-19        
此次消費: 每人約$1800 (午餐)

評分: 味道 4   環境 5   服務 4   衛生 5   CP值 4

推薦此食記

3
 
 
你覺得這篇食記:
鼓勵
期待
有趣
感動
羨慕
好圖

共有2 人投票
查看結果

2016-06-03
Share on TwitterShare on Facebook
類別 : 多國菜飯店餐廳吃到飽飯店自助餐精緻料理包場派對浪漫情調慶祝紀念日

表妹經常外遊,深知台北o既商店大多要十一點後先開門,故訂酒店時亦一早注明要包埋早餐,好等姨媽們唔洗急於起牀出動 smile 。團友六人每朝早就喺酒店餐廳「探索廚房」度集合,食完個自助早餐就出去行街街。
台北寒舍艾美酒店 - 探索廚房 Latest Recipe

台北寒舍艾美酒店 - 探索廚房 Latest Recipe

 
「探索廚房」正門牆身一半為雲石造,另一半有條頗兇猛o既魚隻裝飾o既則為木造,襯托埋吊喺天花上o既抽象藝術品,感覺都幾新潮 star
吊喺天花上o既抽象藝術品

吊喺天花上o既抽象藝術品

 
用餐大堂樓底都幾高吓,間隔開揚通爽,厚墊o既座椅都好舒適。
用餐大堂樓底都幾高吓,間隔開揚通爽,厚墊o既座椅都好舒適

用餐大堂樓底都幾高吓,間隔開揚通爽,厚墊o既座椅都好舒適

 
埋位後,服務生隨即上前問及各食客選飲咖啡或茶品,並給予小牌作標記。
餐具、咖啡小牌、調味、咖啡及熱鮮奶

餐具、咖啡小牌、調味、咖啡及熱鮮奶

 
XO仔習慣咗每日最少飲三杯咖啡,越濃越愛,酒店杯咖啡香濃得黎一啲酸味都冇,好啱細佬口味 like
咖啡及熱鮮奶

咖啡及熱鮮奶

 
多種理由下,肥肥家族出門都絕少食生果,最多都係食早餐時飲番幾杯鮮榨果汁就算 tongue
雪櫃

雪櫃

 
雪櫃內o既果汁選擇除咗有大路啲o既橙汁、菠蘿汁同西瓜汁之外,其中最特別應該係綠色o既「芭樂綜合汁」,微酸帶甜,清新清爽,極之討好 balloon
芭樂綜合汁

芭樂綜合汁

 
食物方面,就同其他自助餐冇乜大分別,都係分穀物片區、煎蛋奄列區、沙律區、麵包區等,當中亦有煙三文魚、壽司、凍肉、三文治等供應。
自助餐之不同區域

自助餐之不同區域

 
個人因有食物敏感問題,所以就主攻鬆軟甜美o既「巧克力可頌」。
巧克力可頌

巧克力可頌

 
XO仔始終係喺香港土生土長,飲食習慣都偏愛食中菜,早餐都唔例外,每日點都要有啲粥米飯麵落肚,腸胃先會滿足。餐廳o既粥唔係差,亦有多款配料,但只屬中規中矩,未能令人嘩然。
粥、飯加配料

粥、飯加配料

 
粥品白飯全為自助式,湯麵則即叫即滾,配菜全為自選。
湯麵即叫即滾,配菜全為自選

湯麵即叫即滾,配菜全為自選

 
湯米粉清就夠清,可惜清到連味道都唔係幾夠 really ,細佬結果就以濃味o既滷肉碎黎自加調味。
湯米粉

湯米粉

 
入住「台北寒舍艾美酒店」所包o既「探索廚房」自助早餐款式唔算少,不過就講唔出有咩特色,水準亦只屬一般,幸好環境舒適衛生,整體尚算合格。
內用候位時間: 0 分鐘
用餐日期: 2015-11-19        

評分: 味道 3   環境 4   服務 2   衛生 3   CP值 3

推薦此食記

3
 
 
你覺得這篇食記:
鼓勵
期待
有趣
感動
羨慕
好圖

共有1 人投票
查看結果