無老鍋 新生店 (已結業)

去台灣前，有朋友介紹一定要去食無老鍋，因為呢個價錢呢個質素香港好難搵到，所以我們就預先上網訂位，一星期前訂位都已經好full，最後只可以訂到5:30pm無老鍋係台灣算係出名，有好多間分店，我地訂左新生南路呢間，餐廳環境乾淨整潔，服務員細心殷勤。佢地既鍋底味道好濃郁，材料十足，仲要冇限refill 材料！冰淇淋豆腐口感特別，鴨血爽口，仲可以加人參，湯底好有味，完全可以唔洗用醬汁！佢地其他食物都好新鮮，牛，豬，雞，海鮮甚至各種蔬菜都好新鮮。佢地招牌菊花茶，清甜可口，配火鍋一流最後仲送一壺青檸沙冰，可以消膩。