拉拉熊主題餐廳 (已結業)

一直都好鍾意鬆弛熊，不過每次去日本旅行都係夾唔岩個期去唔到。今次去台北終於夾到時間，仲要可以網上訂枱，當然係唔可以錯過啦！個門面幾靚㗎，未入去已經可以喺門口打住咭先。門外面亦唔見有好多人排緊隊wor，可能因為今日係平日同埋餐廳本身有預約機制啦！登記入座之後，一嚟枱面已經見到鬆弛熊系列嘅餐具，已經開始覺得好治愈喇！連杯墊都有鬆弛熊個樣，真係好靚。Fans 只要見到靚靚餐具已經覺得好幸福。我地每人點左杯飲品同點左兩個飯。果茶係台式口味嘅果茶，幾解渴。拉拉熊造型嘅飯餐好睇又好食，不過要整散個整得咁靚嘅飯真係有d唔捨得。餐廳入面都有好多打咭位㗎，d公仔成間舖都有，真係好岩鬆弛熊Fans！蛋糕櫃入面都有好多鬆弛熊蛋糕嘅造型，件件都好靚，都唔知食邊件好啊！最後叫左個鬆弛熊頭嘅蛋糕，估唔到個蛋糕上碟仲有擺盤，又整得幾靚wor！呢度坐得舒舒服服唔會好似香港d cafe咁迫，下次去台北要去多次先得。