大腕燒肉專門店

營業中

休息中

台北烤肉的質素從來都不會比日本差，其中一間非「大腕」莫屬。從以前敦化南路到現在新店除了通脹外，不管服務及質素都保持一貫的水準牛肉質素是基本的、打邊爐刀手是重要、烤肉就是烤手、多謝石頭哥眷顧、我們那晚有一位好烤手、四個人有原始人、有正常人、10分麻煩、但多謝石頭哥的包容以及高超的烤肉技術、每人都10分滿意、尤其最後的烤腸頭脆卜卜程度跟卡樂B沒有分別就知道石頭哥的超凡烤肉技術那晚從牛舌厚切薄切、到Sirloin , Chateaubriand, 牛板腱, 法拉利牛肉圓滿食用、10分滿足。 中間再加一些時令蔬菜譬如絲瓜、（台灣絲瓜口感像水瓜，清甜嫩滑） 奶油粟米（ 石頭哥燒到好似爆米花一樣加上龍龍的牛油香，仍然懷念） 及蘑菇更加彰顯你好該餐飯額外驚喜、來台北一定要吃台灣的時令蔬果、價錢又比日本便宜，而且質素絕不輸蝕 繼續閱讀

食物不錯，裝潢頗美，但位窄了些吧。可能我不甚懂普通話、國語，為我點餐的服務員見我要a la carte 又不點套餐，已經有啲不悅的樣子。全程好心急的，還未坐低便想我們點酒。我從他們的餐牌，見到很靚的想片，變從相片中點一些覺得比較想食又抵食的肉，點了兩三款都說沒貨。不斷推介牛舌，但太太不吃牛舌的，沒有點到厚身牛舌，服務員忍不住帶點不耐煩問其實我們預算每位多少錢，老實說，很不爽。最後我們勉勉強強快點了數款牛肉+ 一款豬肉，平均消費其實跟套餐差不多。連飲連燒連食不夠60分鐘，可能我們都想快些離開，無謂要位對我們沒有笑容的服務員繼續招呼我們。老實說，數款牛肉+燒的水準頗好的，但整體而言，尤其難忘的米芝連餐廳服務，不會再來了。 繼續閱讀

我哋今次去咗【大腕燒肉 】✨鋪頭都係以U字型吧台提供座位，全程由專人幫你燒，保證品嚐到食材最佳嘅口感😋另外佢地有提供小朋友椅子、餐具🍴食物方便都唔洗擔心，師傅會另外燒到全熟俾小朋友食👍🏻啲肉好味😋到連Hailey都食唔停口🌟必點「幻切牛舌」、「日本和牛板腱」、「和牛 SHABU」，真係好好味🤤安排咗我地坐近落地玻璃窗個邊，仲可以睇到🎡鋪內氣氛好熱鬧，真係超級好味😋下次黎台北一定會再食💕 繼續閱讀

為咗彌補之前去日本無食日式燒肉，特登喺台北之旅補返數早於一個月前訂座，每位收1000台幣按金當日我地5位被安排坐喺比較私隱嘅空間全晚都有一位服務員招待我哋佢介紹我地揀呢個套餐入面係將所有最受歡迎嘅單品放埋一齊而且好窩心咁照顧唔食牛嘅爸爸安排咗松岅豬、五花等豬肉令唔食牛嘅客人都可以享用美味說實話每款牛都嘆為觀止鹽蔥牛舌、頂級和牛橫隔膜、和牛板腱、和牛壽喜燒、和牛小排……我欣賞嘅係佢有花心意令客人食到唔同味道鹹、酸、辣，每款牛嘅配搭、調味都好有心思即使係前菜，都好食到會叫多份散叫更加欣賞嘅係員工們都好投入服務令成餐飯更錦上添花食完係覺得大🈵足！我肯定下次去台北一定會再訪🥰 繼續閱讀

通關後終於去台北/飛之前仲book定一啲必去嘅餐廳/點知換嚟嘅係失望/大腕曾經係每次去台北都會去/都會推薦朋友去食燒肉嘅地方/經過呢次體驗之後 - 不了！搬咗去新地方之後嘅環境/裝潢/氣派/格調畀人感覺都高級咗/但係唔少嘢都好黑人問號🪑入到去坐低個感覺比以前東區吧台有嘅空間仲要窄啲/一個咁大咁高檔嘅地方/座位好似日式居酒屋啲細舖咁逼/成餐係幾乎係貼住隔離嗰個唔識嘅人嚟食/好在佢唔算好大份好肥🧑🏻‍✈️感覺似乎連服務員都要好似sales咁跑數/一坐低就逼住趕你叫嘢飲/之後就趕住套餐選項揀嘢食/揀完先話要加錢都算/一直係咁話套餐選項嘅嘢冇咁高級/offer可以食完散叫嘅嘢/套餐選項食唔晒會扣番錢/咁最低消費呢個套餐是在哈囉/最正係最後冇散叫到其他嘢/原先個服務員燒咗塊牛舌同松阪豬之後/粒聲唔出就走咗去隔離section/換咗位資歷較淺嘅嚟燒埋套餐之後有嘅嘢🤷🏿?/客人逢散叫嘢食之後有獎金分?🍽️用餐體驗很差/除咗有個人喺你面前用炭爐即燒即食之外/上一段講資歷較淺唔係嫌佢唔識燒/基本上成餐都係聽住個職位高級啲嘅一直 #onthejobtraining 2486嗰位資歷較淺嘅/係咁話唔係咁燒/唔好郁/要點樣燒/我係諗住嚟食好西/唔係睇直播調教你下屬/仲要啊下屬係燒緊畀我食🌚💲最低消費係每人一個套餐/套餐價錢由台幣1680? -> 2890-3170 -> 2980-3280 -> 3380-3680 /套餐只係多咗湯同嗰碟前菜同沙律/其他牛嘅份量基本上不變/CP值真係變得非常之低/👅而且牛舌真係好在冇加錢叫厚切/望住隔離檯個一條台幣2000幾但係又唔係厚嘅厚牛舌/真係好感恩🥹可以慳番肚嘅位置去夜市食其他嘢🌟米芝蓮星嘅死亡之吻/攞舊屎出嚟講/以前響東區舊址/兩個人8000蚊食到嘅嘢/會滿足同盡慶/宜家未計酒水都差唔多8000/唯一可取之處係食材好/冇需要落太多調味/醬料/講求食材嘅原有味道/以原汁原味呈現畀客人/即使食物再好味都因為環境同要你食得好趕而變咗冇乜特別只可以講考慮到宜家去到呢個價位/份量/綜合埋其他嘢而言/台北仲有好多唔錯/用餐感受更好更舒適嘅選擇📣提提你book枱係要預先畀2000蚊台幣訂金/之後會響張單度扣番 繼續閱讀