春水堂 大墩店

營業中

休息中

來到台灣點可以唔食牛肉麵呢?! 所以就揀左呢間係當地彼有名氣的春水堂。餐廳除左提供麵食外，仲有小食、湯、飯、定食套餐等，當然仲有餐廳出名既飲品啦。我地一行八人，每人點左個正餐，外加幾個小食。小食點左雞翼、招牌豆干、手工水晶餃招牌豆干 $75微熱既豆干上枱果陣散發出陣陣既九層塔等香料味，其辣度對我黎講可以接受，令食物更香更惹味。手工水晶餃 $70呢款水晶餃口感特別，外皮似港式蝦餃皮咁半透明，但比蝦餃皮更Q更彈牙，入面係普通豬肉餡。半筋半肉蕃茄牛肉麵 $200最岩D同時想食牛筋同牛肉既人，牛件夠肥，炆得都夠淋；麵條係彈牙既刀削麵，正正係我中意既類型；可惜餐廳唔好既地方，係每碗牛筋肉既份量都唔一樣，我地全枱有4人點左呢個麵，但有一兩碗只得共三至四件牛部位，其他有六至七件，有人歡喜有人愁，真係好睇運氣。宇治抺茶麥芽拿鐵 $180抺茶味香濃，甜度適中，入口仲有少許茶甘味；上面既麥芽脆脆增加左脆口感，更令杯野有得飲又有得食整體牛肉麵唔算差，但我覺得無台北既好味🤔。