清新溫泉度假飯店-天地一家中餐廳

營業中

休息中

台中溫泉養生之旅首日到步，立即享用第一餐，清新溫泉渡假酒店天地一家中菜廳。幸運地不用等位真爽，望望菜牌有大量台式養生湯火鍋呢，雙眼即時發晒光。食食下見食客全部已走掉，剩下我倆最後一檯，還熄燈熄冷氣，職員們都離開了，原來午市後休息等到晚市再開檔呢。台灣醃菜，涼拌開胃充滿香及菜甜味，好似曾經係電視見過呢。藥膳烏雞鍋，大大隻鳥雞搭大量藥材，超足料完全無留手，湯料塞得滿滿。滾開先來碗靚湯，竟然是老火燉湯來的，十分有誠意﹗強勁雞湯味道，芳香藥材味緊隨而來，清甜不苦澀，好好飲啊。烏雞肉甜美結實有咬口，沾點指天椒豉油，全部被我消滅殆盡。雜菜併盤，包羅萬有豐富至極，大量菇菌大量蔬菜，淨係食菜都飽咯。皇帝菜、椰菜、本菇、金菇、鮮冬菇、芋頭、粟米、響鈴，新鮮爽甜美味。全部索湯高手，吸盡湯汁精華，一咬爆汁，美味無比。海鮮併盤，平靚正 ﹗種類多又大大份，Good ﹗花蟹肉質霉腍，幸好有鮮味有蟹味。扇貝，洗得不夠徹底，有泥有沙咯，鬆軟味甜。鮮魷，爽彈脆有齊，還泛著魷魚鮮甜味道。鱸魚、海斑魚味香濃，實淨多汁。珍珠蜆，肥美鮮甜，充滿海水咸香。海蝦，爽彈的肉質，蝦頭存著大量蝦膏，美味。