影片
更多
2016-04-09
159 瀏覽
台灣有好多唔同種類既火鍋店選擇，相信香港就食唔到呢種養生粥底+海鮮火鍋，加上台灣好多blog都對呢間讚口不絕，黎到台北點都要試下啦！由於週末無訂位，其他分店都滿曬得返呢間5點半仲有位，唯有早啲黎食啦哈哈！逸仙店近台北101，交通都方便捷運去到，記得訂位！！ 呢度醬料茶水自助，可另點啤酒汽水等等，甜品就有鮮製龜苓膏，都好好食架，食唔曬可以拎走！仲有兩碟餐前小食佢既蟹係必叫，所以叫左2人套餐大約$1500台幣，已包括一份肉（可選羊肉/牛肉等）、海鮮拼盤（蟹，干貝，蜆，鮑魚，蝦，魚）、蔬菜拼盤，我地加$500台幣轉左大蟹沙公/沙母，視乎想食膏定食肉 店內同職員會詳細講解成個食法流程，首先試下無米既粥水（真係無味），再落海鮮，然後落肉，再之後落蔬菜，最後會加蛋花+蔥花+粥 煮成超美味既粥！唔識點食唔緊要，呢度既服務員全程會教你會幫你落材料，你只需要用口專注食野就得 服務非常週到 我地唔食牛肉，所以揀左豚肉，不過我地都覺得豚肉偏瘦，食牛肉既朋友不妨試下牛肉食完肉類，再落蔬菜，芋頭好淋好正，成個湯底即刻變得好清新又唔油膩，平時打開邊爐都知落完肉之後湯底變得好混濁好油 好
由於週末無訂位，其他分店都滿曬得返呢間5點半仲有位，唯有早啲黎食啦哈哈！逸仙店近台北101，交通都方便捷運去到，記得訂位！！
呢度醬料茶水自助，可另點啤酒汽水等等，甜品就有鮮製龜苓膏，都好好食架，食唔曬可以拎走！仲有兩碟餐前小食
佢既蟹係必叫，所以叫左2人套餐大約$1500台幣，已包括一份肉（可選羊肉/牛肉等）、海鮮拼盤（蟹，干貝，蜆，鮑魚，蝦，魚）、蔬菜拼盤，我地加$500台幣轉左大蟹沙公/沙母，視乎想食膏定食肉
店內同職員會詳細講解成個食法流程，首先試下無米既粥水（真係無味），再落海鮮，然後落肉，再之後落蔬菜，最後會加蛋花+蔥花+粥 煮成超美味既粥！唔識點食唔緊要，呢度既服務員全程會教你會幫你落材料，你只需要用口專注食野就得 服務非常週到
我地唔食牛肉，所以揀左豚肉，不過我地都覺得豚肉偏瘦，食牛肉既朋友不妨試下牛肉
食完肉類，再落蔬菜，芋頭好淋好正，成個湯底即刻變得好清新又唔油膩，平時打開邊爐都知落完肉之後湯底變得好混濁好油
好！最後既壓軸重頭戲！服務員會用純熟既手法加入蛋花同蔥花，同時加入本身熬粥底既12種雜穀米，煮成極度鮮味清爽既粥！由本身無味既粥水吸收左海解既鮮味、肉味同蔬菜甜味，我地都估唔到最後個粥原來咁好食！香港一定食唔到！
呢餐真係超級滿足！係意想不到既驚喜！連台灣既朋友都比我吸引到，帶佢去食一次！事隔1年半食第2次都係覺得好好食十級推薦
張貼
