影片
更多
2019-03-11
1416 瀏覽
講左咁多香港既餐廳，其實我地都想介紹一啲外地既高質餐廳俾大家知，所以開始會見到啲非本地既post啦！打響頭炮既當然要搵番一間我地都覺得超級高質既餐廳，呢間火鍋店係台灣有不少分店，唔少香港人都知道佢有幾正，而我去第一次台灣試過台中店之後，唔係誇張，幾乎每一次去台灣都會幫襯。今次試既分店係最新開既西門店，岩曬香港人，終於唔洗再搭車轉車行一段路先食到，餐廳位於西門町最大間卡啦OK個幢大廈既二樓，如果怕等位既記住上官網訂定位啦（海外可以網上訂位架）去到餐廳同店員講番聲到左佢就會安排你入座。入座時間為90分鐘，之後店員會好快提供茶單、四瓶白色既上湯同埋一壺人參茶，經過一連串既詢問同介紹下，係迅雷不及掩耳既情況就會幫你落單，可能因為限時既關係，所以啲員工動作都好快手，食多兩次就會習慣呢個速度架啦今次就叫左冰淇淋豆腐鍋（走人參）、無骨牛小排、綜合青菜盤、油條、干貝滑、梅花豬肉、丸子盛合盤、玉米同埋無老菊花飲。落單之後個鍋好快就送到，冰淇淋豆腐鍋其實就係白鍋加人頭數既冰淇淋豆腐，每人一舊架炸，好珍貴架；白鍋入面有多種中藥材，例如杞子、紅棗、當歸、黨參、川芎......廿多種食材，飲一啖湯之後覺得好濃郁
打響頭炮既當然要搵番一間我地都覺得超級高質既餐廳，呢間火鍋店係台灣有不少分店，唔少香港人都知道佢有幾正，而我去第一次台灣試過台中店之後，唔係誇張，幾乎每一次去台灣都會幫襯。
今次試既分店係最新開既西門店，岩曬香港人，終於唔洗再搭車轉車行一段路先食到，餐廳位於西門町最大間卡啦OK個幢大廈既二樓，如果怕等位既記住上官網訂定位啦（海外可以網上訂位架）
去到餐廳同店員講番聲到左佢就會安排你入座。
入座時間為90分鐘，之後店員會好快提供茶單、四瓶白色既上湯同埋一壺人參茶，經過一連串既詢問同介紹下，係迅雷不及掩耳既情況就會幫你落單，可能因為限時既關係，所以啲員工動作都好快手，食多兩次就會習慣呢個速度架啦
今次就叫左冰淇淋豆腐鍋（走人參）、無骨牛小排、綜合青菜盤、油條、干貝滑、梅花豬肉、丸子盛合盤、玉米同埋無老菊花飲。
落單之後個鍋好快就送到，冰淇淋豆腐鍋其實就係白鍋加人頭數既冰淇淋豆腐，每人一舊架炸，好珍貴架；白鍋入面有多種中藥材，例如杞子、紅棗、當歸、黨參、川芎......廿多種食材，飲一啖湯之後覺得好濃郁，所以每次食無老鍋我都唔需要沾醬都好夠味，加埋無限量供應既鴨血同麵包豆腐，呢兩樣亦係其中一個我去咁多次既原因
如果鐘意食牛肉既可以試下無骨牛小排，首先佢份量都幾多下，一上檯已經覺得碟牛肉好澎湃好岩影相，牛肉切得好薄身，碌幾秒就食得啦，岩岩熟既牛肉入口真係好嫩滑，鐘意食牛既一定要叫呢盤；油條都係必叫既，因為碌兩三下既油條吸收左白鍋既精華加埋仲有少少脆身既口感，真係可以食完再食。
食到咁上下，店員就會送上一瓶水蜜桃沙冰俾食客解一解膩、消一消滯，呢個飲品係免費同埋可以Refill一次，個次見到隔離枱既香港人仲好好奇咁問我究竟係咩黎，不過飲得多就會開始覺得好甜，所以適可而止就夠lu。
每次都會透過以下6大方面評分(滿分:30分)
味道 : 4.5 / 5
環境 : 4 / 5
外觀 : 4 / 5
價錢 : 3 / 5
服務 : 4 / 5
回頭率 : 4.5 / 5
總分 : 24 / 30
性價比 : 如果用同樣既價錢係香港食高質打邊爐，我覺得未必會食得飽，甚至會有種到喉唔到肺既感覺，加上每間分店員工既態度同裝修都好高分，呢啲都係佢既特色，仲記得以前食既時候，每次服務完員工都會用正正90度既鞠躬禮，唔知係咪作為客人既覺得壓力太大，近年都再無呢個要求，作為一間屹立不倒既火鍋店，必定有佢既不敗同受歡迎之處。
張貼