影片
更多
2023-08-16
15 瀏覽
每次去親台北都必食嘅燒肉店-胡同燒肉，今次揀咗5號店-醐同，佢每一間分店個「胡」字都係唔同架。
除咗「胡同」1號店之外，2號店係「古月同」、3號店係「壺同」、4號店係「衚同」，而我哋今次就係食5號店「醐同」，雞全部都係雞、全部都係雞、全部都係雞咁🤣🤣胡同係有服務員過嚟幫你燒肉嘅，不過，有時略嫌佢哋燒得太快😂，好似比較難享受一餐晚餐，要趕住食咁。差唔多燒完一樣食物，佢就會換一個新嘅網👍。胡同係用炭火燒肉，可能因為咁，所以燒出嚟嘅肉特別香，另外一個原因，當然係佢嘅肉都比較新鮮，所以特別好食啦！今次叫咗幾款肉類同一個刺身，不過唔記得影Menu，所以唔記得幾錢。❤️蟹膏生干貝（刺身）呢個真係冇得輸，新鮮又鮮甜，食幾粒都唔夠喉。❤️達拉斯呢個係美國去骨牛小排，油脂分布好平均，好香牛味，又juice，好多人叫架！❤️ 霜降松阪豬即係落咗鹽嘅豬頸肉🤣，爽口而不膩，味道剛剛好，正！❤️牛舌（薄）薄薄一片牛舌上面有啲蔥、洋蔥，店員將牛舌燒得啱啱熟，唔會韌，好食。❤️厚切牛舌厚牛舌係超級好食，好香牛味，食落爽口，如果冇咁貴，我會係咁叫🤣。❤️椒鹽牛五花脂肪分布均勻，唔會好油，肉質軟嫩，yummy!❤️辮子肉睇落似用肥牛
除咗「胡同」1號店之外，2號店係「古月同」、3號店係「壺同」、4號店係「衚同」，而我哋今次就係食5號店「醐同」，雞全部都係雞、全部都係雞、全部都係雞咁🤣🤣
胡同係有服務員過嚟幫你燒肉嘅，不過，有時略嫌佢哋燒得太快😂，好似比較難享受一餐晚餐，要趕住食咁。差唔多燒完一樣食物，佢就會換一個新嘅網👍。
胡同係用炭火燒肉，可能因為咁，所以燒出嚟嘅肉特別香，另外一個原因，當然係佢嘅肉都比較新鮮，所以特別好食啦！
今次叫咗幾款肉類同一個刺身，不過唔記得影Menu，所以唔記得幾錢。
❤️蟹膏生干貝（刺身）
呢個真係冇得輸，新鮮又鮮甜，食幾粒都唔夠喉。
❤️達拉斯
呢個係美國去骨牛小排，油脂分布好平均，好香牛味，又juice，好多人叫架！
❤️ 霜降松阪豬
即係落咗鹽嘅豬頸肉🤣，爽口而不膩，味道剛剛好，正！
❤️牛舌（薄）
薄薄一片牛舌上面有啲蔥、洋蔥，店員將牛舌燒得啱啱熟，唔會韌，好食。
❤️厚切牛舌
厚牛舌係超級好食，好香牛味，食落爽口，如果冇咁貴，我會係咁叫🤣。
❤️椒鹽牛五花
脂肪分布均勻，唔會好油，肉質軟嫩，yummy!
❤️辮子肉
睇落似用肥牛卷成辮子狀，味道正常。
💛厚切鮭魚
不是太肥美，味道還好。
服務🤵🏻
店員有禮，會經常睇吓啲肉嘅狀況，不過，佢哋太勤力，燒得太快😂，比較難享受一餐豐富嘅晚飯，不過整體質素都好。
環境🌉
環境舒適，抽風系統好，無乜油煙，坐得舒服。
張貼
