巷子龍家常菜

營業中

休息中

探索台菜行動話咁快就黎到第三會合，頭嗰兩餐全權由晚輩XO仔揸fit揀咗新派秘店，壓軸就留返去試姨媽閨密推介且有啲名氣同歷史嘅「談話頭」。上網搵料訂位，方才知悉「談話頭餐廳」經過多次搬址後，早幾年連名都改埋做「巷子龍家常菜」；訂座只能靠打電話，客人必需提供當地聯絡電話號碼。店子門面最突出就係貼喺落地玻璃窗上又大又紅嘅「2021年米其林必比登推薦餐廳」標貼，比店名更起眼。室內光線充裕，用餐大堂十分開揚，只奇怪在喺並非滿座嘅情況下，七人派對竟然被安排入座狹窄一角嘅長枱，對長輩們出入不便之餘，夾餸亦有相當難度。細佬就係咁介意，留意到相中更適合家人嗰張圓枱成晚都冇人坐囉！兩頁餐牌只有中文版。牌上印出嘅餐廳名下方註明此店乃「談話頭後傳」，証明冇搵錯地方啦！黑板列出數款是日推介項目，同樣只有中文版。餐桌上擺有足七人嘅自用餐具。樓面只有一人工作，落單、傳菜、斟水等功夫一腳踢，寫菜時問多兩句難免會顯得不耐煩，不過當冇哂水飲想添，同要求攞公筷及換碟時都要睇佢面色就唔係咁過癮。現做菜飯（素；NT 220）：廣東人除咗白飯跟餸上之外，其他飯麵多數都係當單尾最後先出，唔知台灣文化係咪相反呢，未有餸食時第一道先上菜飯；其實家常便飯咩次序都唔緊要嘅，只係自己鍾意諗野姐。以雪菜同豆豆所炒出嘅飯粒十分飽滿，但就比較濕，幸好調味芳香得黎唔會過咸，熱辣辣好暖胃。蒼蠅頭（NT 320；NT 470/中）：普通食開嘅蒼蠅頭多數都係菜多肉少，巷龍版明顯用肉較多，菜肉比例更為平均，選用嘅半肥瘦豬肉好爽潤，菜式香脆少辣，可口有鑊氣。蘿蔔牛肉半筋半肉（NT 520/小；NT 780/中；NT 1,100/大）：牛筋腩調味香濃，個人只係略嫌當中嘅薑味太強仲有啲搶。大大件牛筋滑就夠滑，但煮得唔夠腍，對牙力有限嘅長輩有一定嘅難度，結果要搵刀叉幫忙，牛腩肉就腍身易咬得多，最正係入哂味又夠軟熟嘅蘿蔔。湖南金錢蛋（NT 320；NT 470/中）：據悉此乃鎮店招牌菜，來者必點，愛食蛋蛋嘅家人當然係唔會放過啦！平心而論，經過烚煮炸炒嘅金錢蛋雖然係香香地口，無奈蛋黃部份尤其乾嚡粉老，蛋白亦冇乜彈性，蛋蛋本身嘅香滑感盡喪，食落得個辣字，可能係各「蛋」入各眼吧。炒青菜（NT 230；NT 340/中）：清炒椰菜清脆利落。無錫排骨（NT 520/小；NT 780/中；NT 1,100/大）：排骨骨大少肉，唔用刀切根本食唔到，肉肉又硬又韌，而且超咸勁酸，不值一試！螞蟻上樹（NT 300；NT 450/中）：晶瑩透光嘅粉絲軟彈得黎唔會好油，簡單拌入肉碎、蔥花、椒絲炒出以夠香辣惹味。砂鍋魚頭（NT 1,100/小；NT 1,600/中；NT 2,000/大）：此味砂鍋魚頭為姨媽姨丈所點，小弟一向怕骨少食魚，外遊更加冇膽亂試，唯有交由相機代表食先。多得前傳創下嘅風光，台菜小館「巷子龍家常菜」可稱得上為半老字號。小店環境簡潔，可惜人手極度短缺，雖標榜絕不加味精，但地道台菜口味較重，未必人人接受得到。請大家留意，餸菜份量都幾大吓，建議邊食邊點，因為當晚服務生代選嘅份量遠超出八旬家人嘅食量，旅行中不便打包，結果就浪費收場！埋單只收現金唔出奇，怪在冇單對兼冇收據，人多最好心算定條數囉！講真食物唔算貴，質素唔算差，最重要係用餐前、中、後好多細微野加加埋埋令整體經歷唔係咁爽，市內其他選擇明顯吸引得多！ 繼續閱讀

照片記錄：六道菜約1,700。和金賞軒同樣是今年新科必比登，沒去過以前的談話頭，這次過來點了幾道菜，覺得調味路線和預期很不一樣，但也不會不好吃、其實很下飯，自我風格比較濃厚吧！屬於若是開在家裡附近，有時不曉得要吃什麼時，會進去的那種小館子。😂(湖南金錢蛋)招牌菜，燒得很香很下飯，豆豉入味、微辣，蛋白略帶焦脆度，而蛋黃還保持綿潤。(牛肚蒜苗)牛肚滷得很透，簡單用蒜苗炒過就不錯吃。(宮保雞丁)溫和，不太麻也不太辣🤔，份量有誠意、花生很香脆。(無錫排骨)偏鹹、甜味不是很重的，而且並沒有燒得很軟嫩，但是整體口味也不會讓人覺得不好吃，說不上來~😏(螞蟻上樹)肉末味道蠻夠的、醬感偏濃，調味比便當店的配菜有層次...🤔(蝦醬空心菜)少見甜味如此重的做法，但我也不會討厭就是了~~😂 繼續閱讀