更多
2017-12-25
44 瀏覽
金帛霜淇淋專賣店一直喺口袋名單，大家都知，我對便便形雪糕特別有好感，加上佢地經常推出新口味，或者限定款式，好吸引的雪糕店位於北區，事實上都鄰近一中商圈，行十分鐘左右都去到，幾方便。店內位置闊落，有幾個內用座位，室外都有兩張枱仔，以木色為主，走日系風格。供應霜淇淋，當日有兩款口味，分別係烏龍鮮奶、草莓，有基本款同升級款，即係多啲配料，定價NT80-130；仲有鯛魚燒、泡芙，價錢唔貴。草莓DO DO NT130既然係草莓季，一定要試試草莓霜淇淋，成杯輕鬆食，底層係草莓雪糕，中間有可可脆片、奶酪，然後加有切片嘅新鮮草莓，最後一層便便雪糕，層次豐富霜淇淋質地冇雪糕咁滑，類似天仁嗰種沙沙地，唔算溶得好快。莓味清新，不甜不膩，奶酪味唔係好重，脆片香脆唔硬。草莓食落酸酸甜甜，面頭嗰粒心型朱古力就弱啲，較黏牙。但雪糕控都好滿足，本來想離開前再黎，都冇時間了。茶の盛宴 NT130用杯裝嘅烏龍鮮奶霜淇淋 面頭有茶凍、珍珠同一件伯爵乳酪蛋糕。霜淇淋質地同草莓味一樣 都唔會好滑身， 呢款可能加左鮮奶關係 ，溶得比草莓味快少少。 烏龍茶味香濃 同一時間令我諗起天仁嘅鐵觀音雪糕，有 過之而無不及，加左鮮奶 茶香而
雪糕店位於北區，事實上都鄰近一中商圈，行十分鐘左右都去到，幾方便。
店內位置闊落，有幾個內用座位，室外都有兩張枱仔，以木色為主，走日系風格。
供應霜淇淋，當日有兩款口味，分別係烏龍鮮奶、草莓，有基本款同升級款，即係多啲配料，定價NT80-130；仲有鯛魚燒、泡芙，價錢唔貴。
草莓DO DO NT130
既然係草莓季，一定要試試草莓霜淇淋，成杯輕鬆食，底層係草莓雪糕，中間有可可脆片、奶酪，然後加有切片嘅新鮮草莓，最後一層便便雪糕，層次豐富霜淇淋質地冇雪糕咁滑，類似天仁嗰種沙沙地，唔算溶得好快。莓味清新，不甜不膩，奶酪味唔係好重，脆片香脆唔硬。
草莓食落酸酸甜甜，面頭嗰粒心型朱古力就弱啲，較黏牙。但雪糕控都好滿足，本來想離開前再黎，都冇時間了。
草莓DO DO
0 瀏覽
0 讚好
0 留言
茶の盛宴 NT130
用杯裝嘅烏龍鮮奶霜淇淋 面頭有茶凍、珍珠同一件伯爵乳酪蛋糕。霜淇淋質地同草莓味一樣 都唔會好滑身， 呢款可能加左鮮奶關係 ，溶得比草莓味快少少。 烏龍茶味香濃 同一時間令我諗起天仁嘅鐵觀音雪糕，有 過之而無不及，加左鮮奶 茶香而清新
伯爵乳酪蛋糕雪得幾凍 ，冰感有點重， 帶淡淡伯爵茶味 ，又有乳酪酸酸地嘅感覺 ，有趣。幾粒茶凍彈牙，有茶香 。珍珠份量不少， 細細粒， 尚算煙韌。整體而言 我地都好鐘意呢間霜淇淋專門店。
茶の盛宴
5 瀏覽
0 讚好
0 留言
而且喺台灣很容易就感受到人嘅熱情、熱心，同店員傾起佢地剛巧黎過香港旅遊， 短短十幾分鐘，氣氛歡愉。
呢個時間難截的士，佢地提出可以幫我地用電話程式叫車， 令我地印象深刻
張貼
