OpenRice 主頁
  
Wildchildcarol
食記會員 12次成為首位寫食記會員
食記數目 食評數目 34
編輯推薦數目 編輯推薦數目 0
食記被推次數 會員推薦次數 0
人氣指數 人氣指數 82
討論區留言 留言數目 0
上傳照片 上傳照片 480
上傳影片 上傳影片 0
我的推薦食記 我推薦的食記 1
我的餐廳 我的餐廳 33
關注 關注 72
粉絲 粉絲 1329
Wildchildcarol  等級3
關注 關注  留言 留言給此食家 
排序方法:  日期 笑臉 笑臉 哭臉 哭臉  編輯推薦  餐廳總分 
 
 
 
 
 
  文章形式 文章形式   |   地圖形式 地圖形式
共 34 篇台灣及鄰近地區的食記,正顯示第 1 至 5 篇的食記
2018-03-20
Share on TwitterShare on Facebook
類別 : 台灣菜冰品

來特冰淇淋都係口袋名單,加上位置方便,就喺差唔多出發去機場前品嚐了,挺推薦excited小店鄰近國父紀念館站,松山文創園區附近,仲記得上年同朋友黎過松山園區,手作左音樂盒,估唔到事隔年幾,已經熱鬧左好多,週六仲有市集。甜品店外型感覺有啲古早味、樸實,但又加添左啲乾燥花、文青佈置。因為網絡上都唔少人介紹佢地嘅冰,吸引不少人前來。

 

 

餐牌供應雪糕、雪泥、蒟蒻凍、冰類、湯丸、騷冷冰等,價錢貼地。

 

騷冷冰 NT80
夏天的話係食粉粿冰,騷冷冰係冬季限定款,分成兩碗上枱,營造冷熱交融。
 NT80

NT80

 

一碗係紅豆、紫米配手工黑糖清冰,份量不少。另一碗係自家製手工四色湯圓,認真數過有成十幾粒架。
湯圓好特別,又靚又好食,口感煙韌有咬口,暖暖地,各種顏色係食到明顯味道,就算係原味,都有少少甜甜地,性價比好高啊like
難怪咁多人推介,唔同顏色當然係不同口味,來自天然植物萃取,黃色係山梔子;粉紅色嘅紅麴;粉藍色嘅蝶豆花,而白色係原味
紅豆香甜,煮得夠綿,刨冰同大部分台式刨冰一樣,唔算好細碎,要好似剉冰咁剉住食。

 


​Ice拼盤 NT150
以檸檬清冰墊底,配上8粒雪糕球,計番就約40蚊左右,當然冇騷冷冰、燒蒟蒻咁受歡迎。
雪糕有草莓、雲呢拿、芒果、山渣口味等,質地滑溜,不易溶化。檸檬味刨冰酸度高,好似雪葩咁,醒胃到爆flower

 
內用候位時間: 0 分鐘
用餐日期: 2017-12-23        

評分: 味道 4   環境 3   服務 3   衛生 4   CP值 4

推薦此食記

0
 
 
你覺得這篇食記:
鼓勵
期待
有趣
感動
羨慕
好圖


查看結果

2018-03-19
Share on TwitterShare on Facebook
類別 : 日本菜壽司/生魚片慶祝紀念日

價廉物美,又有意欲喺番香港前回訪,於是我地食完吐司就襯空檔打電話去小店,睇下有冇位。
知這小店很小,又受歡迎,仲要喺週六,唔想撲空;由未開店就打電話,最終得知喺12pm仲有兩個位,就拿拿聲預約,真幸運excited
準時去到,都已經見到5、6個人喺門口等位了!(人氣不是蓋的)

蛤蜊味噌湯 NT50
上次都已經講過非常抵飲,多料,十零粒蛤蜊,唔係空殼啊,粒粒有肉,清甜like
 NT50

NT50

 

 



烤杏鮑菇 NT120
烤杏鮑菇都冇失望,切成九片,厚身,加上醬汁、京蔥、七味粉烤,菇汁爽脆多汁yummy小食相對丼飯當然冇咁平,加少少錢就食到飯喇。
NT120

NT120

 


火焰丁丁丼 NT170
呢款係熟食丼,裡面嘅魚生都火炙過,三文魚腩、玉子、飛魚籽等,一路製作已經聞到陣陣魚油香。
魚生粒絕對唔係爛蓉蓉,賣唔去嗰啲,好有誠意。飯量足,以醬汁調味,非常美味yummy
話說回來,NT300嘅比目魚穴子丼又係抵到爆炸!比目魚火炙起來真係冇得輸。
 NT170

NT170

 

NT170

NT170

 


生魚片丼 NT160
大約港幣43蚊,莫講話香港啦,喺台北都唔知有冇其他地方食到。裡面有四款生魚片、飛魚籽、玉子,加左好多京蔥。
飯粒酸度適中,唔算好大碗,飯量不少,作為午餐,飽肚有餘wow
話說回來,NT350嘅豪華海鮮丼真係抵到爆炸,個碗又大啲,魚生又多幾款!
NT160

NT160

 

我諗番到香港每次食魚生飯,都會諗起壽司爸
NT170

NT170

 
內用候位時間: 0 分鐘
用餐日期: 2017-12-23        

評分: 味道 4   環境 3   服務 3   衛生 4   CP值 5

推薦此食記

0
 
 
你覺得這篇食記:
鼓勵
期待
有趣
感動
羨慕
好圖


查看結果

2018-02-28
Share on TwitterShare on Facebook
類別 : 台灣菜早午餐/下午茶漢堡/三明治

整個旅程的最後一天,本來想去位於西門嘅吐司,可能週六關係,不論本地人、遊客都非常多,招牌吐司要等接近一小時。其他款式唔洗等咁耐嘅,但唔食招牌咪又係三文治一份。我就唔太喜歡浪費時間等候,所以離開了。喺網上搵到另一間吐司店,早安日和炭烤吐司專門店位於捷運忠考復興站,小店位置唔算顯眼,被住宅包圍,附近有滷味、雞扒店chopstick

 

早上11點鐘,就未有好似金花嘅長長人龍,但都見到有唔少本地人等候吐司。店內有三張高枱櫈,門外有兩張枱,坐唔坐到就等天時地利人和,主要做外帶生意。本來我地都點左外帶,但突然有位,馬上衝,然後乖乖好快食完就走。哈。

 

餐牌供應吐司,有十幾固定款式,亦可自選配料,主要是芝士、培根、牛肉、豬排、燻雞、煙三文魚、粟米、香腸、蔬菜、蛋等混搭,定價NT30-80。亦有供應蛋餅,定價NT25-55。套餐另加錢可配紅茶牛奶或者豆乳,牛乳標明用上農場送來嘅鮮奶。

 

 


起司培根牛總匯 NT80
已經係餐牌上最貴的,很令人感動嘅價錢。
吐司即時炭烤,需時等候,加上只有老闆一人製作,差唔多20分鐘到手。

 

拜託店主幫我地切成一半,方便食用。將兩件吐司壘起,滿滿材料,有雞蛋、芝士、蕃茄、牛肉、青瓜

 

吐司表面烤到幾香,因為比較大份,唔能夠一次放入口,我都係拆件食。
青瓜切成絲,口感更加豐富;牛肉即煎,比較薄身,但都唔韌唔老。芝士半溶,味道亦係預期之中。

 

唔係唔好食,但唔會感覺驚豔,就係家常吐司味道。喺台北有咁多吐司店,未必要專程來。(笑)
內用候位時間: 20 分鐘
用餐日期: 2017-12-23        

評分: 味道 3   環境 3   服務 4   衛生 4   CP值 4

推薦此食記

0
 
 
你覺得這篇食記:
鼓勵
期待
有趣
感動
羨慕
好圖


查看結果

2018-02-27
Share on TwitterShare on Facebook
類別 : 歐陸菜咖啡店早午餐/下午茶輕食甜點/蛋糕浪漫情調

喺板橋區有間很受歡迎嘅好初早餐,行程中未有安排,反而紀錄左甜品店「點點甜甜」,後來先知道原來係姊妹店chopstick甜品店位於捷運板橋站,店內位置很大,空間感十足,但座位數不多,未有將枱櫈放得密密麻麻,有梳化椅,亦有長枱,裝潢偏歐式,又帶點復古風,很適合消磨時間。

 

 

 

 

 

 


當時並唔係好多客人,可能因為接近晚飯時間,但有部分甜品已經售完,只剩低三款蛋糕,定價NT130-140。
最低消費每人一杯飲品,有台灣本土茶飲、梳打、奶類、酒精飲品、咖啡等,定價NT120-160。

 

由於我地已經食左無數甜品先過黎,純粹休息,於是點左兩杯飲品及一件蛋糕分享。先自行點單,由店員送餐,不收服務費。

 

 


丸久小山園抹茶戚風 NT130
細細一件,分成兩層,中間抹上忌廉,黑豆粒飽滿偏硬,配上抹茶淋醬、鮮奶油。將醬均勻倒出,抹茶味道都幾濃郁,比起單食一件抹茶蛋糕來得突出。蛋糕質地鬆軟,冇所謂「戚風就一定係偏乾嘅問題」,亦唔會過份濕潤like普甜遍品店都做得到差不多質素,未有留下十分深刻印象。

 

 

莓果森林 NT120
底層有莓醬,裡面亦有雜莓果肉,加入梳打水製成,酸酸甜甜,咁簡單嘅飲品冇咩好講。

 

波本巧克力大叔 NT160
裡面有70.5%比利時朱古力,加少量威士忌。第一口飲落有香濃朱古力味,奶泡有點鹹香,威士忌飲得出,但唔會好強烈,好似食緊酒心朱古力。
而且朱古力濃度夠高,飲品唔會甜膩,整體很讚,味道豐富多變。反而呢杯飲品可以一試,哈哈like

 
內用候位時間: 0 分鐘
用餐日期: 2017-12-22        

評分: 味道 4   環境 4   服務 3   衛生 4   CP值 3

推薦此食記

0
 
 
你覺得這篇食記:
鼓勵
期待
有趣
感動
羨慕
好圖


查看結果

2018-02-21
Share on TwitterShare on Facebook
類別 : 早午餐/下午茶甜點/蛋糕喝飲聊天

在台北試了幾家甜點店,都沒有說讓我印象很深刻,當中只有這家「小豬圓舞曲」是我下次再來一定會回訪的chopstick「小豬圓舞曲」是16年才開到板橋的小店,鄰近捷運江子翠站,附近還有一家很有名的「好初早餐」。如果會去板橋那邊逛,也很值得來店一試。老闆由擺攤、網店起家,曾經在其他地方租實體店,可是因為太貴,就搬到現在的位置,在巷子裡邊,對遊客來說,是有點不好找yuk

店內裝潢跟店名一樣走可愛風,有不少擺設,像乾燥花,可以作為拍照道具、背景。大概只有五個位置,幸好我們來的時候,是晚飯時間,所以輕鬆包場。餐牌設每人最低消費NT100,假日用餐時間90分鐘,聽說他們仍然有在板橋區擺攤,有很多已經是熟客,反映出小店的質素很高,有興趣可以留意smile

 

 

 

 

 

 

 


當日供應不少撻、蛋糕、布丁等甜點,價錢公道,定價NT90-160。飲品方面有咖啡、茶飲,定價NT60-100。可能正因為位置不算很方便,所以能維持這樣佛心價king

 

 

 

好高興看到店主本人,很可愛、很熱情,因為當時客人不多,我們聊了一會,感受到她對甜點製作的熱情、認真、創意balloon
我是為了她們家的布丁而來,然後多點了芝麻提拉米蘇和一杯阿里山甘露,一共才NT225,性價比很高。

 

 

 

焦糖布丁 NT45
點單後才倒出來的布丁,焦糖布丁小小一個,除了這款,還有伯爵茶口味。
焦糖層很香甜,最讚就是布丁的口感,超滑溜,類似半熟蛋。布丁蛋香很足,沒有添加多餘的調味like
體現了店主做甜品的理念,希望用健康、簡單的食材,做出美味又溫暖的甜點。
NT45

NT45

 

 NT45

NT45

 

芝麻提拉米蘇 NT110
不到港幣30,用上mascarpone慕絲,加入芝麻、咖啡酒、焦糖堅果,單看賣相,我已經知道是我喜歡的類型。
慕絲綿密順滑,芝麻味香,最驚喜是面頭的唧花,有花生醬的味道,不會太稠,不糊口,很滑溜,兩者配合得相當好。
慕絲夾層做了蛋糕,底部亦有蛋糕,帶淡淡咖啡酒味。堅果有多重口感,加上少量焦糖醬,整體不甜不膩,吃完一件還能再吃一件love
 NT110

NT110

 

NT110

NT110

 

好可惜,我們還要往附近另一家甜點店,不然我一定多試幾款,她們的撻也好吸引的,招牌檸檬撻才NT95呢。

阿里山甘露 NT100
NT100

NT100

 


瑪德蓮
店主剛烤好瑪德蓮,送我們試試的,口感很鬆軟,感謝。

 

小豬圓舞曲確實是一家性價比很高的甜點店,價錢公道,水準很好,環境溫暖,難怪可以從擺攤到實體店。
內用候位時間: 0 分鐘
用餐日期: 2017-12-22        

評分: 味道 5   環境 4   服務 5   衛生 5   CP值 5

推薦此食記

0
 
 
你覺得這篇食記:
鼓勵
期待
有趣
感動
羨慕
好圖


查看結果