更多
2023-11-27
0 瀏覽
疫後第一次去台灣旅行,估唔到落機後第一餐,性價比高到難以想像,以後黎台北又有一間必食餐廳呢一餐係太太上網都叫誤打誤撞,網上見到有人極力推介,於是乎委託台灣朋友幫手訂枱。初時去到門口,店門口相當普通,你唔能夠幻想到當你食完之後個反差可以咁高。入座之後,我先第一眼見到份Menu,以為選擇唔多,所以更加無乜期望。太太就揀左個豪華大滿足丼,我就揀個大滿足丼。落完order,覺得選擇太少,就周圍望,原來先發覺有個限量menu,原來寫係牆上塊黑版上面,所以每人追加多一份生蠔。所有丼飯都係你面前即叫即做,師傅好快就整好,將兩個丼飯捧上枱,估唔到兩個丼飯只係差240台幣(約60港幣),但個份量感覺差太遠,豪華大滿足丼飯多左的份量價值根本遠超240台幣,目測至少多左鰻魚、海膽、比目魚。係香港你叫一份新鮮海膽都唔止$60港幣。只可以話豪華大滿足丼飯,性價比高到離晒大譜。每樣刺身個質素,食落去,真係好高質,真係食唔停口,好好味。另外份生蠔刺身加左小小醬汁,又係好食到,想叫多隻,但因為要留肚,食下其他台灣美食,所以就無再order。最後個丼飯係附送埋個味噌湯,佢會再加上你丼飯入面隻天使蝦蝦頭一齊煮,飲落非常甘
呢一餐係太太上網都叫誤打誤撞,網上見到有人極力推介,於是乎委託台灣朋友幫手訂枱。初時去到門口,店門口相當普通,你唔能夠幻想到當你食完之後個反差可以咁高。
入座之後,我先第一眼見到份Menu,以為選擇唔多,所以更加無乜期望。太太就揀左個豪華大滿足丼,我就揀個大滿足丼。落完order,覺得選擇太少,就周圍望,原來先發覺有個限量menu,原來寫係牆上塊黑版上面,所以每人追加多一份生蠔。
所有丼飯都係你面前即叫即做,師傅好快就整好,將兩個丼飯捧上枱,估唔到兩個丼飯只係差240台幣(約60港幣),但個份量感覺差太遠,豪華大滿足丼飯多左的份量價值根本遠超240台幣,目測至少多左鰻魚、海膽、比目魚。係香港你叫一份新鮮海膽都唔止$60港幣。
只可以話豪華大滿足丼飯,性價比高到離晒大譜。每樣刺身個質素,食落去,真係好高質,真係食唔停口,好好味。另外份生蠔刺身加左小小醬汁,又係好食到,想叫多隻,但因為要留肚,食下其他台灣美食,所以就無再order。最後個丼飯係附送埋個味噌湯,佢會再加上你丼飯入面隻天使蝦蝦頭一齊煮,飲落非常甘甜鮮美。
埋單只係1520台幣(約370港幣),所以我同太太食完之後,異口同聲話真係抵食到爛,仲要好食到識飛,如果換轉係香港食呢一餐,無$500-$600港幣都唔得,仲要質素未必咁好。
張貼