Pleplev3v 等級1 | 關注 留言給此食家 |
排序方法:
日期 笑臉 哭臉
編輯推薦 餐廳總分
文章形式 | 地圖形式
2023-10-15
打風日子特別懷念台北嘅好天氣😌但講到最掛住就一定係呢間享譽全台連續六年獲得米芝蓮一星推介嘅「教父牛排」,位於捷運劍南路站十分鐘路程,店舖裝潢係傳統貴族歐陸風,一睇就知唔野少🤠作為台灣嘅常客,試過咁多廉價地道美食,今次喺台灣食貴價野都係一個新體驗~😆 上菜前先黎一客熱辣辣酸種麵包🍞啱啱烘好切片嘅麵包散發陣陣麥香🤤搽上靚牛油🧈咬落咸香酥脆,非常開胃~ 而且仲要任添任食! 《 𝘚𝘵𝘢𝘳𝘵𝘦𝘳𝘴 》 4.5 / 5 兩款以海鮮做主題嘅開胃菜都非常出色👍🏻《 生削黑松露干貝 》將菌類嘅幽香同干貝嘅鮮甜揉合得好好,《 本港澎湖明蝦 》肉質爽彈味道濃郁🦐 《 𝘚𝘰𝘶𝘱𝘴 》 4 / 5 佢地出品嘅湯都係偏向濃味,《 燻蕃茄濃湯 》入口香濃味酸超開胃,煙燻製法令湯嘅味道加倍濃縮🍅《 牛肝菌卡布其諾 》將菇菌濃湯打成泡沫造成 𝘤𝘢𝘱𝘱𝘶𝘤𝘤𝘪𝘯𝘰 創意十足☕ 《 𝘚𝘵𝘦𝘢𝘬𝘴 》 5 / 5 🌟🌟🌟🌟🌟 終於黎到全晚嘅主角😝分別點咗《 美國頂級老饕牛排 》NT$3600 同《 澳洲M8和牛老饕牛排 》NT$3350~ 店家用咗風乾熟成製法,除咗為牛排表層嘅口感加分之外,更鎖住牛肉嘅鮮嫩肉汁,煎到五成熟,再落少許海鹽吊出原始風味😋最上乘嘅食材,配合最講究嘅製法,難怪連續六年獲得米芝蓮一星推薦~⭐ 《 𝘚𝘪𝘥𝘦𝘴 》 3.5 / 5 配菜係芝士烤焗馬鈴薯🥔加入咗煙肉粒更加惹味😝仲有拉絲效果,只係上菜次序排得較後,基本上已經飽咗8成,所以呢味相對膩滯嘅配菜就扣咗啲分🥴 《 𝘋𝘦𝘴𝘴𝘦𝘳𝘵 》 3.5 / 5 甜品係蘋果批拼雪糕,冷熱交疊口感有層次,味道就不過不失啦~ 整體而言係一次好高級嘅享受,食材矜貴,服務體貼到位,絕對對得起價錢🥴👍🏻 ——————————————— 🏠環境舒適度:💛💛💛💛 👅舔脷回頭度:💛💛💛💛 📸打卡able度:💛💛💛💛 🙇🏻♀️服務滿意度 :💛💛💛💛💛 ——————————————— 評分: 味道 4 環境 5 服務 5 衛生 4 CP值 3
2023-09-21
走出香港發現到處嘅𝘊𝘢𝘧𝘦都充滿特色!今次台北之旅最推介嘅𝘊𝘢𝘧𝘦非哩間「𝘋𝘳𝘶𝘯𝘬 𝘊𝘢𝘧𝘦」莫屬!😍 《 彩虹乳酪🌈》 𝘕𝘛$200 4 / 5 係哩度嘅特色蛋糕之一,分明嘅彩虹漸層賣相相當迷人😍 口感亦比相像中幼滑同軟身,芝士味特別出!初頭幾啖濃烈到有少少藍芝士味🤪 建議兩人𝘚𝘩𝘢𝘳𝘦唔係都有啲漏🤏 《 焦糖烤布丁🍮 》 𝘕𝘛$120 3 / 5 美麗的誤會,睇菜名以為係布丁,原來係布丁味冰淇淋🍦😂 面頭加左粒烤綿花糖略嫌烤得太少,入面仲係全實心🤏 《 紅燒三寶牛肉麵🍜 》 𝘕𝘛$380 4 / 5 係𝘊𝘢𝘧𝘦食牛肉麵別有一番風味😁 牛腱肉又大又厚,咬落香口又軟熟👍🏻 仲有牛筋都好軟糯😋 而麵底更係好有彈性嘅拉麵質感,又掛湯😋 唯一少扣分係細碗左啲,同湯頭欠缺藥材味單調咗啲~ 《 爛醉寶石🍹 》 𝘕𝘛$280 4 / 5 呢杯mocktail 完全配合到餐廳燈紅酒綠嘅色調主題🍻用蔓越莓汁溝益力多同鳳梨沙冰,酸爽清涼仲好有台灣特色😋 整體環境好𝘤𝘩𝘪𝘭𝘭,唔滿座都無限時可以慢慢影相打卡👍🏻 如果想試酒品就一定要揀夜晚時段先有喇~ ——————————————— 🏠環境舒適度:💛💛💛💛💛 👅舔脷回頭度:💛💛💛 📸打卡able度:💛💛💛💛 🙇🏻♀️服務滿意度 :💛💛💛💛 ——————————————— 評分: 味道 3 環境 5 服務 4 衛生 4 CP值 3
2023-09-19
繼續淡水系列,相信哩間前身叫「黑店飯店」嘅排骨飯店大家都唔陌生🥴 皆因飯店已有超過50年歷史~相當有實力! 今次黎到「右岸店」,試晒最出名嘅排骨、雞腿、同單品🤤 叫到成檯滿晒都係$150港紙有找!🤩 《 帶骨豬排飯 》 $160 4 / 5 店家以排骨飯聞名,梗係要試吓啦! 用上台灣本地溫體豬做嘅豬排未見好厚肉,不過的確大大塊,肉質都頗嫩同香口👍🏻 但成個飯最精彩嘅反而係中間嘅肉燥、豆乾、同酸菜,拌飯食相當惹味😋 飯粒亦採用台灣本地靚米,飯底有豬油香👍🏻 《 九兩大雞腿北方拉麵 》 $165 4.5 / 5 雞腿睇落以為好柴,點知咬落勁滑身,廚師果然好有功架🤤 雞有雞味,簡單調味香味已經好出,肉汁飽滿👍🏻 麵底拉麵揀左「家常麵」,好𝘘彈又爽口!😋 《 上等精滷牛筋頭 》 $125 5 / 5 🌟🌟🌟🌟🌟 牛筋之中以牛筋頭最有嚼勁!滷水入味,甜而不膩,最緊要咬好真係好彈牙,滿滿膠質🤤 《 豬頭皮 》 $60 4.5 / 5 類似香港食開嘅豬頭肉,薄切食落更爽口👍🏻 《 祖傳大滷湯 》 $80 4.5 / 5 質地濃稠,有高麗菜、豆乾、木耳同蛋花等,仲有豬肉片,真材實料🤤 顏色深但味道唔鹹,感覺似豪華版港式碗仔翅😋 整體性價比高,除咗遊客亦好多本地人支持,實至名歸👍🏻 ——————————————— 🏠環境舒適度:💛💛💛 👅舔脷回頭度:💛💛💛💛💛 📸打卡able度:💛💛💛💛 🙇🏻♀️服務滿意度 :💛💛💛💛 ——————————————— 評分: 味道 5 環境 3 服務 4 衛生 4 CP值 5
|