早安日和炭烤吐司專門店 (大安區)

整個旅程的最後一天，本來想去位於西門嘅吐司，可能週六關係，不論本地人、遊客都非常多，招牌吐司要等接近一小時。其他款式唔洗等咁耐嘅，但唔食招牌咪又係三文治一份。我就唔太喜歡浪費時間等候，所以離開了。喺網上搵到另一間吐司店，早安日和炭烤吐司專門店位於捷運忠考復興站，小店位置唔算顯眼，被住宅包圍，附近有滷味、雞扒店

早上11點鐘，就未有好似金花嘅長長人龍，但都見到有唔少本地人等候吐司。店內有三張高枱櫈，門外有兩張枱，坐唔坐到就等天時地利人和，主要做外帶生意。本來我地都點左外帶，但突然有位，馬上衝，然後乖乖好快食完就走。哈。
餐牌供應吐司，有十幾固定款式，亦可自選配料，主要是芝士、培根、牛肉、豬排、燻雞、煙三文魚、粟米、香腸、蔬菜、蛋等混搭，定價NT30-80。亦有供應蛋餅，定價NT25-55。套餐另加錢可配紅茶牛奶或者豆乳，牛乳標明用上農場送來嘅鮮奶。


起司培根牛總匯 NT80
已經係餐牌上最貴的，很令人感動嘅價錢。
吐司即時炭烤，需時等候，加上只有老闆一人製作，差唔多20分鐘到手。
拜託店主幫我地切成一半，方便食用。將兩件吐司壘起，滿滿材料，有雞蛋、芝士、蕃茄、牛肉、青瓜。
吐司表面烤到幾香，因為比較大份，唔能夠一次放入口，我都係拆件食。
青瓜切成絲，口感更加豐富；牛肉即煎，比較薄身，但都唔韌唔老。芝士半溶，味道亦係預期之中。
唔係唔好食，但唔會感覺驚豔，就係家常吐司味道。喺台北有咁多吐司店，未必要專程來。(笑)

朝日夫婦 (淡水區)

這次是特意為了刨冰而來，想不到天氣很好，沒有第一天到埗時那麼冷，還有藍天白雲，來對了。台灣好像比較少這類日式刨冰，加上位於河邊，景色很好，最重要是刨冰可以滿足到相機食先的要求

朝日夫婦位於淡水河畔，距離捷運站走了一陣子，差不多有15分鐘以上。聽說假日人龍長到不堪，幸好我們是週五下午茶時間來到

店內剛好剩下吧枱位置，當然你也可以選擇坐室外，但要留意，天氣熱的話，冰會溶化得更快。店裡只有8、9個位，室外就4個位置左右，也理解排隊時間長的原因了。但正常來說，翻桌時間也應該迅速，畢竟刨冰不能等，而且我也不好意思佔座太久

刨冰有六款：宇治金時、沖繩黑蜜黃豆粉、火龍果鳳梨牛奶、藍莓優格、酪梨生乳酪、哈蜜瓜乳酪，定價NT140-200。
可加NT30配白玉或煉奶。另有飲品，梳打水、綠茶、伯爵茶等，定價NT120-130。每人最低消費一份餐點，用餐時間60分鐘。
今天很適合吃刨冰，雖然天氣報告說，23度左右，但我已經熱到不行。
坐左吧枱位置，可以見到店員製作刨冰的過程、步驟、用料。首先用刨冰機砌好第一層碎冰，加配料，再加一層刨冰，最後用手堆好形狀，並加入淋醬




yogurt espuma哈蜜瓜 NT180 (季節限定)
刨冰中間有白玉、忌廉，面頭鋪上刨冰、哈蜜瓜淋醬，最後用特製煉乳做成鮮奶油層，加三粒哈蜜瓜。



刨冰份量頗多，哈蜜瓜淋醬每日新鮮製作，不知道混合了什麼，味道怪怪的瓜肉香甜，奶油層有點像忌廉奶泡的質地。
刨冰打得細碎，冰感重，未至於綿滑。白玉還好，不算太煙韌，有點實，可能煮的時間不夠吧。

火龍果鳳梨牛奶 NT150
價格公道，性價比高。裡面有火龍果醬、火龍果汁、火龍果肉、白玉。

火龍果肉切粒，份量大方，果香清新白玉約四粒，但有點扣分，最後一顆沒有熟透，我只好吐出來
一開頭吃會有很明顯的鳳梨味，好香甜天然，到中段有輕微變淡。
刨冰質素不俗，有入口即溶，而且不貴，跑景點跑到一身汗後吃冰，相當涼快


除了近車站有很多小吃，其實近河邊都有很多cafe、輕食、景觀不錯

不要對我尖叫 台北中山店 (中山區)

繼續吸入台式飲料，呢間係其中比較新，由丫頭投資，位於中山站，裝潢文青fu，簡約線條畫出標誌，霓虹燈牌吸引好多人前來打卡。




餐牌選擇不多，有原茶、花茶、抹茶、牛奶、可爾必田、冬瓜等，定價NT40-80。
配料NT10可加：爆漿珍珠、白玉、地瓜芋圓、奶蓋等。飲品唔算特別平，但杯子比較高身，可以接受。

可可牛奶 加爆漿珍珠 NT70
味道只是還好，可可同牛奶比例半半，奶香一般，可可唔夠濃郁。
爆漿珍珠幾新奇，屬於大粒，咬落會咇啲百香果汁出黎。
好唔好食見仁見智，如果為煙韌而點珍珠，相信會失望


冬瓜菊花 NT40
睇番好多人話係招牌，影相效果不俗，有明顯分層。
杯底有一朵朵菊花，然後有冬瓜茶、糖漿咁，都有清香菊花味。
但並沒有很特別嘅記憶點，幸好唔會太甜。

剛好遇上佢地影宣傳照。

Sugar Miss (大安區)

今次台灣之行都來了潮聖「大理石」，畢竟期待這家間網紅店 - sugar miss 一段時間，每次看到有台灣iger分享，我都覺得好美。 
sugar miss靠近國父紀念館站，平日下午5點鐘來到，整店空無一人，難道人氣沒有以前那麼旺了嗎？
店面頗大，以白色為主調，座位不多，枱與枱間闊落，加上大白燈、雲石枱面，簡約設計，手殘都影到美照，難怪迷倒很多少男少女，環境確實很適合姊妹們下午茶

甜品櫃展示著千層、乳酪蛋糕、豆腐岩等，定價NT190-265；飲品有花茶、咖啡、果汁等，最低消費每人NT200，用餐限90分鐘。

客人先到櫃面點單，然後由店員送上餐點。
想吃很久的豆腐岩不時會推出新口味，有抹茶、焙茶、草莓、芋頭等，當天供應藍莓乳酪及抹茶紅豆，選了粉紫色的藍莓口味。


豆腐岩 - 藍莓乳酪 NT265
棉花糖燒成的藍莓乳酪淋醬呈淡紫色，托盤也是大理石紋，很有質感。外表看上去真的好像豆腐的質地，皺皺的而並非光滑。
淋醬份量剛好，不會太多，而且平均，賣相是很美，相機食先一流。可惜……



原本我都全副裝備，舉相機又舉手機，打算拍影片，下刀時感覺蛋糕挺鬆綿，但完全沒有流心效果，幾乎找不到有醬的蹤影。
見過成功的作品，切開會有大量藍莓醬湧出，確實有點失望了

混入藍莓醬的棉花糖製成熔岩效果，不會太厚重，所以吃下去不會覺得太甜，棉花糖也不會太黏身，不會有廉價棉花糖的感覺。size跟真的豆腐磚一樣，兩個人吃也可以。戚風蛋糕較濕潤軟綿，裡面有醬，亦有藍莓果肉，味道酸酸的，不是輕盈的質地，吃著都覺得膩。
有機櫻桃玫瑰水果茶 NT210
飲料沒有無特別之處。

拍攝環境照時，我地都小心翼翼，不過仍然看見店員面露不悅，可能是怕自己入鏡吧。老實說，我都不想你入鏡啊

咕嚕咕嚕貓咖啡 西店 (西區)

去完動漫彩繪巷、蒔初甜點後，我地行程依然係食，喺網上再搵下附近有咩特色野，就見到呢間主打貓喵立體拉花嘅cafe。因為見到太可愛，都決定行過去望一望。距離動漫彩繪村都唔遠，位置易搵。
咕嚕咕嚕貓咖啡其實共有三間店，我地去嘅係本店，店名來自老闆妹妹一隻已離開嘅小貓咕嚕。早兩年都經常喺網上見到咕嚕貓嘅拉花出現，聽講旗艦店都不時要排隊，本店客人不多喺店外睇緊餐牌時，店員可能見到我地，都好熱情招待。本身喺香港就唔多呢類立體拉花嘅咖啡店，於是我地明明超飽，都入去飲杯野啦。




名副其實係有貓喵咖啡店，店內共有三隻喵兒，真係可愛，又唔驚人





店面大，分為三個部分，一邊接近水吧，另外有個小廳，經過走廊再入有梳化位置。裝潢比較普通，冇乜點樣裝修過，好似一般家居咁。
如果想坐得舒適啲，或者有啲裝修嘅，可以去另外兩間分店，睇過照片，比較真係似咖啡店。

餐牌供應飲品，例如茶類、咖啡、奶茶等，最低消費NT150/位，外帶飲品會另有優惠價。


熱可可、凍法國紅茶 NT360
不論係凍飲定熱飲，一般有奶成份嘅飲品都做到3D立體拉花，價錢彈性，唔拉花當然係最平；拉花都仲分為一隻/兩隻/三隻貓。
熱可可我地點左兩隻貓，而凍紅茶點左三隻貓，人均消費接近$50。

製作立體拉花需要時間頗長，趕時間恐怕不行，每杯大概等左接近30分鐘。
為左方便做成拉花，杯子高身，杯口較闊，味道其實冇啥可言，都係好普通嘅可可、紅茶。
幸好見到見到拉花實物都覺得值得，畢竟係一門藝術，畫面好療癒，貓喵畫得神似。
而且好有心思仲有唔同表情、形態，少婦心盡現，成功令我地變左龍友，不停幫杯飲品影相
拉花可以持續好長時間，文案話係10分鐘，個人認為時間更長，凍飲用飲管的話，基本上到底都唔會散開