qoo_chanman 等級2 | 關注 留言給此食家 |
排序方法:
日期 笑臉 哭臉
編輯推薦 餐廳總分
文章形式 | 地圖形式
2018-12-05
台中逢甲夜市最出名既大腸包小腸, 就係官芝霖大腸包小腸!!! 我咁中意食大腸包小腸, 點會錯過佢呀! 佢有幾間分店, 逢甲夜市第一間就係主店! 佢地有原味、小辣、中辣、大辣、黑胡椒、哇沙米、蒜味等等 仲可以依照客人喜好加添配菜 我次次都會叫佢很辣很辣, 職員就會係咁問我: 夠了嗎? 佢地會先把烤好左既糯米腸切開 夾左配料 e.g. 蒜苗、菜圃蛋、酸菜、小黃瓜、薑片 再夾埋烤香腸包埋佢就完成!!! 呢間係我係台中必食既大腸包小腸, 帶蒜香的香腸和軟綿綿的糯米腸 令人地依家都仲記得佢既香味!
評分: 味道 5 環境 3 服務 3 衛生 4 CP值 4
2018-12-05
每次黎台北都要食下d古早味既小食, 當然要食滷味啦! 我地一早就黎左程味珍食番個早餐! 程味珍通霄營業, 如果想食消夜都係一個好好既選擇! 外邊係比你自己夾滷味, 無標價要直接問店家幾錢,夾既時候可以順便問下 但其實都好平! 夾完同店家講你坐幾多號, 佢斬好就會自己送上! 坐位既order紙係比你點飯, 麵, 菜 細碗真係好細, 但呢個價錢黎講好抵!而且會食好多滷味所以都係會食到超級飽, 湯汁醬汁同麵條既比例剛剛好,放耐左都不會太乾 魯肉飯 NT30 基本既魯肉飯當然不能少啦! 豆皮 豆卜
評分: 味道 4 環境 3 服務 3 衛生 3 CP值 5
2018-12-05
食左咁多日夜市掃街同火鍋, 朋友都想食下台灣既燒肉!! 咁岩有台灣朋友介紹我地黎乾杯, 我地就即刻book定位黎食 佢位置都幾方便, 離捷運站5-10分鐘路程 一坐底就叫左杯梅酒過下酒癮先NT150 聽講佢地一到8點就要乾杯! 店員會先炒熱氣氛再叫全埸一起舉杯乾杯!!!! 乾杯之後就可以免費續杯 (朋友有話叫杯貴dd送番同一杯就會抵d XD) 當然選擇番自己岩飲既就最好啦! 牆上都貼滿左玩過既客人照片, 錫10秒就會有一盤免費的新鮮豬五花! 牛五花 NT330 雞頸肉 NT180 雞軟骨 NT100 第一次食雞頸肉, 佢係由雞頸上片落黎既肉~ 感覺好新鮮, 都真係好好味! 口感好, 越嚼越香 大家黎台灣不仿黎試下呢間乾杯!
評分: 味道 4 環境 4 服務 4 衛生 4 CP值 4
2018-12-05
台灣旅行-朋友推介一定要去食無老鍋! 因為怕walk in無位既關係一早打去訂位,未入到門口已經聞到好香火鍋味,口水都差少少引唔住流出黎! 鴛鴦鍋-無老辣香鍋/冰淇淋豆腐白湯鍋 佢會付上4瓶高湯,等你可以自己加,另外你都可以叫佢幫你加原汁,味道就更濃郁,不過煮耐左固然會鹹!建議大家加2至3次原汁後就可以自己加高湯🤤 我地叫左墨魚滑、蝦滑 佢地既蝦滑同香港既好唔同!係有鮮蝦係裡邊,所以記住要煮耐少少先好食! 唔少得豬、牛同寛粉,有個好既湯底食乜野都咁好味!
評分: 味道 5 環境 5 服務 5 衛生 5 CP值 4
2018-11-27
聽講係呢一兩年先開幕嘅新咖啡店,嚟到台北當然要去朝聖一下! 不過地點離捷運站都唔係好近需要行5至10分鐘,建議早少少嚟搵路比較安全! Menu設計得好貼心,喺下方會分曬類,好簡單就搵到自己想食既野。 佢哋有最低消費,每人需要叫一杯飲品,三個女仔三杯茶,本身浸住既茶包,放到上枱職員會幫你隔起佢,然後就可以慢慢影相啦! 叫左一個厚舒芙蕾鬆餅同可可豆香蕉舒芙蕾鬆餅 即叫即做所以等候時間大概20-30分鐘,熱辣辣嘅鬆餅佢會有兩層,淋上奶油配埋新鮮生果真係好靚! 口感有入口即溶的感覺,唔會好乾,仲有淡淡的奶香越食越爽口! 本身鍾意朱古力既我,差啲食晒成個鬆餅呀!
評分: 味道 5 環境 5 服務 5 衛生 5 CP值 4
|