游壽司 麗水店

Open Now

Now Closed

終於嚟到呢間遊壽司，雖然book咗位但早黎到都要等一等，店鋪唔係好大，圍住bar枱坐，餐牌就喺個黑板上，有三款套餐揀，經過店員詳細講解後，我哋兩個都一齊叫左握壽司定食，有七款壽司同一碗麵豉湯。大家都好期待，因為師傅喺我地面前整壽司，不分次序有：青干、桂魚配牛油果、桂魚醬油漬燒、牡丹蝦配蝦膏、海鱺魚、黃雞魚、烤穴子、烤魚、麵豉湯。食晒成個套餐已經好飽飽，每樣都好味，食得出細仔配搭既味道。但我地仲有壽司想試，就叫左個帶子同海膽壽司，果然鮮味十足。海膽好大份，冰凍又鮮甜；大大粒帶子略燒過，再係用紫菜夾住，放入口帶子味濃郁，好正。呢餐好滿意，想食記得電話訂定位啦，哈哈。