小豬BoBoBo的個人專頁

之前曾經有朋友話係台中食過"鱔魚麵"，都幾好味，平時我哋都鐘意食鱔，咁就搵咗間試下啦！Lee間有D似香港以前嘅大排檔feel，伙記好街坊feel，雖然係間舊D嘅舖仔，但感覺唔太(烏糟)嘅。"鱔魚麵" 整體味道有D似上海菜嘅鱔糊，鱔魚都OK，麵就煮得淋咗DD，可能汁多吧！"蛤仔湯" 落咗好多薑絲，我好薑嘅辣，加上蛤仔嘅小小鮮味，所以覺得個湯好味。但係怕薑味嘅朋友仔，就可能要考慮下試唔試喇！"滷味 - 海帶、牛肚" 去台灣玩，無論台北定台中，夜市必食N次嘅滷味，今晚可以舒舒服服坐低食，當然唔少得啦！我自己就鐘意熱食，熱熱地滋味好多。…查看更多

朋友好介紹，佢話Lee間店好出名，叫我去台中旅遊時，點都要試下咁話喎！一入門口，已有一個店員好熱情咁招呼我哋，感覺好親切，哈哈！兩口子開餐，最鐘意就係Lee種，細細碟可以叫多幾款唔同嘅嘢食，真係好滿足㗎！就算我哋啱啱食完個午餐再去食都無問題。"豬蹄筋" Lee個係必食推介，堅好食，淋淋地滑滑地又有D靭靭地，最重要係好入味，又唔會好膩。同"豬腳"相比，我比較鐘意食"豬蹄筋"，無咁肥膩同無乜肉。"魯蛋麵線" 魯蛋好入味，唔知點解蛋黃好大個嘅呢？！麵線就淋咗小小。"青菜" Lee個菜就叫得正好，唔會太油，食完"豬蹄筋"再食返D菜，感覺上好好多。"Apple Sidra" 好耐無飲過，原來Lee度都有，凍飲有氣甜甜地，飲完好爽呀！…查看更多

台中遊已接近尾聲，當然已掃咗好多禮盒做手信啦！台中手信真係各式各樣都有，但入到Lee間店舖感覺好唔一樣，我無好認真留意佢係一間點樣嘅博物館，若到處逛又好像有點失禮。但一進去就有店員親切嘅招呼，並介紹店內出名嘅"太陽餅"及"土鳳梨酥"，除可供試食之外，還遞上熱茶比我哋，好貼心呢！"原味太陽餅"好鬆，比起一般食開嘅，佢入口無咁粉，帶點甜剛剛好。另一種係蜂蜜味，我個人覺得太甜，我都係較鐘意原味多D，所以買咗一盒原味。另外店內有一特別之處，佢可以提供給客人自製"太陽餅"，Lee點係好吸引㗎！只可惜今個旅程已沒有多餘時間，下次一定要嚟試下，如果有朋友有興趣可以帶埋小朋友一齊玩，實好開心啫，嘻嘻...另外仲買咗盒"土鳳梨酥"，佢比起一般嘅鳳梨酥偏少少酸，但好啱依家香港人口味，因為太甜唔健康，菠蘿餡嘅口味接近原始一點，唔會齋得甜味，而Lee間個酥比較乾身一D，脆得嚟有點厚曲奇嘅感覺，整體都OK好味啦！…查看更多

今次台中遊，最多時間就係食食食，手信當然唔少得，為咗可以試多幾間不同味道嘅小食，所有有提供試食嘅店舖，都變成我嘅最佳選擇，Lee間店舖好大，原本打算一早去買太陽餅，九個太陽喎，聽個名就夠晒吸引啦！但一早去到，太早了，早到佢未開門，所以係第二度買咗，但佢個名又真係好吸引，佢又近我住嗰間酒店，哈哈... 最後經過都係入咗去走咗一轉，見到有個大雪櫃上面有張紙標示，推介嘅係"法式檸檬蛋糕"，聽個名好似好得，就去問店員係咪一定要雪住，原來唔係嘅，咁我就試下啦，方便送禮自用嘛，蛋糕面有一層簿簿嘅檸檬味白朱古力包住，唔太甜，原本以為檸檬會酸㗎啦，佢又唔會喎，反而係有一陣檸檬清香，我個人覺得幾好味，蛋糕口感都唔錯，大家有機會都可以試下，回家雪凍先食更好味。…查看更多

好開心呀！終於都可以食到宮原眼科嘅雪糕啦！次次有朋友去台中玩，都必定會有Lee間雪糕嘅靚相Post出嚟，今次終於都輪到我啦！佢唔單止賣相吸引，仲要好好味，食完由心甜出嚟呀！嘻嘻嘻...識揀一定係揀雙球兼升級聖代啦！你睇張相咁靚就知有幾好味啦! 哈哈哈...而聖代呢，就係係兩個雪糕上面附加一個蝴蝶酥餅、一個圓形花花嘅小月餅、兩粒士多啤梨。另外仲有3款小食可自由選擇，我就揀咗"芝士蛋糕"味道濃郁香滑；"紫米蕎麥"加上雪糕一齊食，脆卜卜口感一流；"土鳳梨酥"好味，因為土鳳梨不同一般鳳梨咁甜，有少少酸酸的，感覺唔會太(漏)。雪糕真係有超級多選擇，有茶味、優格味、眼科配方味、當季水果味... 我本來想揀"優格冰淇淋 - 藍莓優格"竟然無貨了。之後再揀咗"水果冰淇淋 - 愛文芒果"佢比我想像中既芒果味淡D，可能係以前食開菲律賓芒果味雪糕，味道較濃吧，所以有大對比，但水果雪糕係清新嘅，我都好鐘意！另一個就揀咗"巧克力冰淇淋 - 66%煙薰墨西哥"朱古力味好濃同埋帶少少酸，聽人講話比例越高既朱古力味道就會越偏酸酸地，相信就係Lee種喇！…查看更多