出霧書房

營業中

休息中

今日係週年紀念日，所以專程嚟出霧温泉酒店住一晚再幫襯埋佢哋嘅晚餐，其實訂酒店時可以揀要唔要晚餐，而晚餐時間分兩個時段，1700時或1900時，我揀晏啲，因要盡量爭取時間浸温泉，浸完先去食，夠鐘上去餐廳，人數唔多，只有三枱人，好清幽，配合埋裝修，搞到就連講句話都驚破壞環境，但可惜天氣唔好落雨加上天都黑晒，望出去乜都睇唔到。而食物方面其實味道正常，唔算好出色，全餐最好食的是豬頸肉(有隻蝦跟埋個碟)，其次就係佢哋啲蔬菜係新鮮啲。但環境就一流。