OIA伊亞藝術咖啡館

營業中

休息中

一路都好鍾意草泥馬既公仔，又聽朋友介紹呢間草泥馬cafe，所以加左入台北行程。cafe位於偏遠地區，同男朋友先去淡水站，再轉巴士到北勢溪口站，過對面馬路就到。去到要等位，等位期間，都可以同草泥馬玩。室內有兩隻，餐廳內感覺幾乾淨，冇乜動物既味。但室外既四五隻，就較污糟，同埋有陣尿味。呢隻係餐廳內細既草泥馬，叫李白，應該仲係bb黎，見到店員帶佢出去搵媽媽食奶。呢隻係大既，叫snow，好餵食，又食人頭髮，又成日想食客人既食物。餐廳外既幾隻草泥馬等左半個鐘就有位，叫左兩杯野飲同一個鬆餅，味道ok，價錢偏貴，大約NT800，限時兩小時。左邊係天使之吻，右邊係金色夏天。水果鬆餅餐廳內兩隻草泥馬一啲都唔怕醜，行黎行去問人拎野食，店員會周不時提供蘋果，薯仔切片俾客人餵草泥馬，但其實佢地會唔會食得太多我同男友掛住同細個隻草泥馬玩同影相，俾大個隻食左個鬆餅上面啖cream整體黎講，餐廳內衛生不錯，起碼入到去唔會有臭味，衛生是最緊要的。