和茗甘味處 台北大安店 (已結業)

第三次去吃和茗甘味處，今次選了綠茶tiramisu, 加配綠茶布甸和綠茶烘茶雪糕，外加凍綠茶一杯。tiramisu 同布甸好有奶味，茶味一般，但最驚嚇的是，烘茶雪糕是酸的。因為混綠茶味，開頭都諗住自己味覺唔準。再齋食烘茶味試真就知出事！去到果陣其實已經1點幾，網頁話12點開門，唔到一個鐘就壞左？定係根本用酸左既奶整雪糕？叫waiter 佢就唔理睬我地，同佢講雪糕酸左佢話問下，跟住等左好耐，佢serve 左幾枱客，見我望住佢先話跟跟。最後等等等等，同一個男侍拎杯齋綠茶雪糕比我，拎走原本果杯。最差勁既係成間店都無解釋原因同表示抱歉。講真，個set 成360台幣，酸既變壞左，一點歉意都無，真係無下次！