美好一天，由早餐開始

Cafe Solo Singer Life (北投區)

去旅行，好多時想試多啲地道美食，早餐會決定在外吃，而且對酒店提供嘅早餐唔會有咩期待。另一半在揀呢間位於北投嘅小旅館時知道每天住宿費用包括早餐，我倆都沒有抱好大期望，覺得唔好食或者食唔飽又有咩所謂呢，我地去台北嘛，怕冇嘢食咩？於是便叫旅館預備早餐。
旅館餐廳就在隔壁，門外放左架單車，餐廳地方不大，內裡擺樂器。正在用早餐嘅人都非常文雅，靜靜地享用食物，在餐廳工作的人，或旅館前台當值的員工都非常友善。


首先送到面前嘅係烘得鬆軟的吐司
食完吐司都有少少飽，跟住先到主角—粥
呢碗粥粥底當然比香港連鎖店嗰啲稠身，伴住炸南乳脆脆、油炸鬼、炸菜、海苔等等，粥底冇味精，吃完不會口渴，暖暖的十分滿足。

第二天的早餐係飽肚的粢飯！今天剛巧要去陽明山，吃這早餐夠飽暖去行山
第三日的早餐係素菜卷，皮又薄又軟，包著滿滿的蔬果，爽口清甜，又有些類似花生醬的醬料，令味道更豐富原來素菜都可以咁味美

第四天，之前看過這餐廳早餐有麵食，昨晚暗暗地希望在最後一天能吃到，果然這天是肉丸麵，簡簡單單一碗家常麵☺️美味
另外，每天除了一份吐司外，亦會有一碟生果
每天的生果都有兩三款，店員說希望我們可以試試台灣不同的生果，好貼心呢。
這家店的早餐真的令我倆每天都感到非常幸福，因為店內氣氛寧靜舒服，店員友善，每天提供的食物簡單得嚟味道很好，令旅客感受到他們很用心為我們準備提供早餐，讓我們飽足地開始一天的旅程，晚上亦會期待第二天會有什麼早餐呢☺️