OpenRice 主頁
  
Handsome XO
食記會員 5次成為首位寫食記會員
食記數目 食評數目 27
編輯推薦數目 編輯推薦數目 3
食記被推次數 會員推薦次數 53
人氣指數 人氣指數 521
討論區留言 留言數目 0
上傳照片 上傳照片 489
上傳影片 上傳影片 2
我的推薦食記 我推薦的食記 27
我的餐廳 我的餐廳 24
關注 關注 32
粉絲 粉絲 2645
Handsome XO  等級2
關注 關注  留言 留言給此食家 
排序方法:  日期 笑臉 笑臉 哭臉 哭臉  編輯推薦  餐廳總分 
 
 
 
 
 
  文章形式 文章形式   |   地圖形式 地圖形式
共 2 篇台灣及鄰近地區的食記,正顯示第 1 至 2 篇的食記
2020-01-09
Share on TwitterShare on Facebook
類別 : 法國菜主題餐廳精緻料理

兩年前左右,多得越台工作嘅肥叔叔推介,肥肥家族方才有幸於台中「樂沐法式餐廳」品嚐過美女廚神製作嘅不一樣感官旅程flower
<https://tw.openrice.com/zh/taichung/review/%E6%A8%82%E6%B2%90%E4%B8%8D%E4%B8%80%E6%A8%A3%E7%9A%84%E6%84%9F%E5%AE%98%E4%B8%96%E7%95%8C-e124169>

點知冇幾耐就收到風,話餐廳於2018年尾將會結業shocked。因家中多位親友都未有緣一訪,所以小肥就幾經艱辛咁托上托,務求要訂到位一同去道別,嘻嘻,皇天總是不負有心人嘅,日子時間當然係任由餐廳定啦tongue
樂沐法式餐廳

樂沐法式餐廳

 
十二人嘅晚餐必先預定菜單、道明各人對咩食物有過敏及收取訂金,全程以電郵溝通,非常簡易。
餐牌

餐牌

 
先預定下的菜單

先預定下的菜單

 
闊別一年多,三層高嘅洋房依然貴麗大方。
燈飾

燈飾

 
餐巾

餐巾

 
由於早已訂下菜譜,埋位即由最識飲嘅姨媽點選酒品,不過因餐店不再入貨,大多項目都已售罄,只係牌上未有標明frustrated
酒牌

酒牌

 
溫婉有禮嘅哥哥仔極之有耐性,除咗推介仲有貨嘅精選紅酒外,對待臨時對菜單有異議嘅auntie更加係有求必應,十分相就,態度專業得很like
Lousas Viñas de Aldea 2015 (NT 2,800/btl)+ 2009 Blanc de Blancs “Cuvee Le Moût Restaurant” Champagne Bauget-Jouette(NT 4,800/btl)

Lousas Viñas de Aldea 2015 (NT 2,800/btl)+ 2009 Blanc de Blancs “Cuvee Le Moût Restaurant” Champagne Bauget-Jouette(NT 4,800/btl)

 
處理好飲品後,姐姐先送上兩款海鹽味及海藻味牛油。
海鹽味及海藻味牛油

海鹽味及海藻味牛油

 
正當細佬懶醒地同各人提到2017年嘅感官午餐中有多款自家製麵包,印象最深刻有香醇惹味嘅高梁酒臘肉包及芳香微甜嘅蜂蜜麥包時,即令大家滿心期盼smileheart,真係冇諗到晚餐嘅麵包居然只有含果仁及不含果仁兩種shocked!雖然包品熱辣鬆脆,但喺有比較下就覺得廚房孤寒咗,誠意也大打折扣囉!
不含果仁自家製麵包

不含果仁自家製麵包

 
店內全場嘅晚餐均清一色由兩道是日下酒菜作序。第一道海鮮二重奏先以石春拼盤呈上,外表閃爍耀眼,精緻美觀excited。應建議由左邊起食,橢圓形嘅「青蘋果煙三文魚啫喱」質感軟潤,無奈底層件餅塊過份腍身,加上入口即嚐到三文魚籽嘅腥味yuk,這種重口味也太不令人開胃了吧!幸好旁邊金光閃閃嘅匙羮上件「海膽蟹肉牛油果卷」清新甜美,可口脆巧,叫做挽回少許失落之感。
下酒菜:青蘋果煙三文魚啫喱,海膽蟹肉牛油果卷

下酒菜:青蘋果煙三文魚啫喱,海膽蟹肉牛油果卷

 
第二道下酒菜「苦瓜/帶子/芝士」以彩色嘅食用花點綴,睇落就靚啦,但係可能個芝士苦瓜組合嘅苦味過份剛烈,細佬真係食唔出任何帶子嘅元素囉frustrated,不幸中之大幸就係兩啖就食完really,算係唔會咁浪費食材。
苦瓜/帶子/芝士

苦瓜/帶子/芝士

 
接著嘅「冷燻鵝肝:桂花/杏桃/蓮藕/蓮子」外型典雅,可惜主角鵝肝偏嚡同硬,唔得軟滑,其味道亦不夠香濃,甚為失色!碟上最正反而係舖面巧薄乾脆嘅炸蓮藕片及隱藏喺底件脆卜卜嘅鴨舌
冷燻鵝肝:桂花/杏桃/蓮藕/蓮子

冷燻鵝肝:桂花/杏桃/蓮藕/蓮子

 
或許係自己期望太高吧,傳聞嘅招牌菜式「八戒:豬心/薏仁/四破魚/煙燻豬骨汁」除咗輕巧脆薄嘅卜卜脆討好之外,雖則豬心嘅質感尚算爽腍,敗筆在於調味滲出一股不易接受嘅腥與押dislike,就連汁液中嘅煙燻味都未能蓋過,莫非「八戒」未洗白白ghost?!
八戒:豬心/薏仁/四破魚/煙燻豬骨汁

八戒:豬心/薏仁/四破魚/煙燻豬骨汁

 
晚餐高潮位必選「小牛胸線:黃菇/香料麵包/山茼蒿king!熱辣嘅醬汁由專人續一喺食客面前斟上,小牛胸線方塊外脆內軟嫩,香口惹味得黎一啲都唔溜滯cry,一個人食兩份都冇問題。
小牛胸線:黃菇/香料麵包/山茼蒿

小牛胸線:黃菇/香料麵包/山茼蒿

 
壓軸嘅鵝肉主菜登場前,每人先要揀選一把靚刀,每把都咁有睇頭同份量架heart
靚刀

靚刀

 
小牛胸線一樣,汁液上枱時先會即場淋上。
嫩烤鵝肉:無花果/可可香料醬

嫩烤鵝肉:無花果/可可香料醬

 
記得上次黎食「感官」午餐時,當中嘅嫩烤鵝肉主菜是何等精妙,想不到餐店結業前出品嘅「嫩烤鵝肉:無花果/可可香料醬」竟然會係韌到切唔斷,咬唔開mad!牙力唔好嘅長輩們好多都勁不情願地食剩喺碟,睇日劇學懂此舉可算為對廚師最低嘅評價huffy
嫩烤鵝肉:無花果/可可香料醬

嫩烤鵝肉:無花果/可可香料醬

 
換轉甜品環節前,先由清新爽涼嘅「鳳梨:卡蒙貝爾乳酪/野薑花/馬告」作間場。
鳳梨:卡蒙貝爾乳酪/野薑花/馬告

鳳梨:卡蒙貝爾乳酪/野薑花/馬告

 
鳳梨:卡蒙貝爾乳酪/野薑花/馬告

鳳梨:卡蒙貝爾乳酪/野薑花/馬告

 
正常版甜品「楓蔦黃」為楓葉栗子蛋糕。
楓蔦黃

楓蔦黃

 
不含果仁版甜品為中西合璧、微甜滋潤嘅「睡蓮」。
睡蓮

睡蓮

 
睡蓮

睡蓮

 
而不能進食甜品嘅食客就有份酸都佢地咪哂眼嘅「生果盤」。
生果盤

生果盤

 
結尾嘅「精緻茶點」中只有粉紅小天鵝一如名字般精緻,但僅此而已,因為三款茶點極度酸澀,食到連牙仔都哂打冷震,聽落恐唔恐怖呢?!
精緻茶點

精緻茶點

 
好在飯後有杯正正常常嘅特濃咖啡中和吓先舒服返咋。
特濃咖啡

特濃咖啡

 
外觀形如一幢別墅嘅米芝蓮星級食肆「樂沐法式餐廳」可算是台中最有名嘅法國餐廳,曾榮獲「亞洲50最佳餐廳」之美譽,當真萬萬估不到於二零一八年十二月正式結束營業前嘅告別宴居然會教人如此驚嚇地失望!雖則店內嘅接待員及服務生依舊友善體貼,但對遠由香港越洋嘅家人黎講,菜式偏低之質量及廚神未有親身烹調嘅情況下,也顯得「樂沐」的落幕過份草率及敷衍了,感覺就好似餐店喺度夾硬頂埋個租約咁。因深深體會到名廚店主對食客嘅尊重都消失埋,在座嘅各位都表示即使餐店日後會重開都絕不會幫襯!店子已沒有了,更談不上有進步空間,唯有搖頭高歌一曲「忘記它」。
推薦美食: 鳳梨:卡蒙貝爾乳酪/野薑花/馬告, 睡蓮, 特濃咖啡, 小牛胸線:黃菇/香料麵包/山茼蒿, 不含果仁自家製麵包
內用候位時間: 0 分鐘
用餐日期: 2018-11-24        
此次消費: 每人約$5000 (晚餐)

評分: 味道 2   環境 4   服務 4   衛生 5   CP值 1

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2018-06-15
Share on TwitterShare on Facebook
類別 : 法國菜主題餐廳精緻料理

肥叔叔早年遷往台北工作,愛飲好食o既佢每次返港聚餐時都定必會大談食經。得知肥肥家族將飛往台北參加婚宴,佢就提議四口子早一日出發先坐高鐵去一轉台中,一訪由美女廚神開辦o既法國餐廳「樂沐法式餐廳」,細嚐佳餚已值會票價咁話;講到咁犀利,我地當然係要去見識吓啦smileheart
樂沐法式餐廳 Le Moût Restaurant

樂沐法式餐廳 Le Moût Restaurant

 
三層高o既「樂沐」猶如一座洋式別墅般,大門前方有個方形水池及小花園。
小花園

小花園

 
打開白色木門,步入樓底高高o既大堂,面對著接待處已感到餐店o既氣派。
「樂沐」猶如一座洋式別墅般

「樂沐」猶如一座洋式別墅般

 
核實訂座後,即由專人帶領往上層之用餐區域,貴客可選擇行樓梯或搭乘升降機。店子內外o既燈飾、鮮花、擺設、傢俱等,包括洗手間都流露著華麗o既格調。
樓梯,洗手間,用餐大堂

樓梯,洗手間,用餐大堂

 
同樣樓底極高o既用餐大堂環境優雅,光線柔和,空間感足flower
用餐大堂

用餐大堂

 
餐桌雪白色o既枱布上有齊備o既酒杯及餐具。
餐桌及餐具

餐桌及餐具

 
小肥早於網上訂座時為家人從三個規範餐單「創造」、「感官」、「記憶」中選訂午餐,故埋位後服務生只需送上餐牌對應就知邊個點邊款。
午餐餐牌

午餐餐牌

 
「感官」餐牌

「感官」餐牌

 
「記憶」餐牌

「記憶」餐牌

 
每款菜單均可加錢玩埋配酒,結果當然係由最飲得o既靚靚媽咪試啦lol!侍酒師不單加配日本清酒,更呈上店子自家品牌o既香檳,就連紅酒都用上潮流新興o既Coravin取酒器,可謂驚喜不斷。
配酒:日本清酒,自家品牌香檳,Coravin取酒器

配酒:日本清酒,自家品牌香檳,Coravin取酒器

 
搞掂好飲品,姐姐即送上兩款海藻味海鹽味牛油,告知大家可先食用花瓶內修長o既麵包條,食完佢地會陸續換上不同款式o既自家製麵包,當中最正必選熱辣香醇惹味o既高梁酒臘肉包及芳香微甜o既蜂蜜麥包yummy
自家製麵包

自家製麵包

 
全場貴客o既午餐都係由節令下酒菜作序。下酒菜共有兩道,第一味為金光閃閃o既「黃豆卷拼香草芝士球」。相中左手邊o既黃豆卷皮脆餡軟味淡,剛巧同右手邊件濃味o既香草芝士球造成對比,都幾得意。
下酒菜之「黃豆卷拼香草芝士球」

下酒菜之「黃豆卷拼香草芝士球」

 
第二道下酒菜海鮮脆米通」用上o既餐碟同樣別緻star
下酒菜之「海鮮脆米通」

下酒菜之「海鮮脆米通」

 
鮮黃色o既米通鬆化脆巧,連同米通上o既帶子魚碎食落口即增添鮮嫩balloon
下酒菜之「海鮮脆米通」

下酒菜之「海鮮脆米通」

 
細佬所點選o既「感官」午餐先由熱湯「鮮鵝肝/芥菜心/香草」接捧。上枱時,湯碗以一塊薄薄o既鵝肝醬蓋上,再由服務生續一斟入清湯,鵝肝醬隨即溶化並為湯品揭盅,露出碗內其他湯料,賣相極之震撼吸睛excited。可能自己唔係太鍾意食菜啦,故對菜味極濃o既清湯只可以用「苦」字黎形容really,幸好鵝肝醬幫忙調和咗陣菜味,先變得易入口得多。
鮮鵝肝/芥菜心/香草

鮮鵝肝/芥菜心/香草

 
午餐第一款肉為顏色鮮美o既雞翼組合古早小母雞翅/甜蝦/番茄/酸黃瓜/香草蛋黃醬」,另配一小杯黑色o既甜豆湯。已去骨o既雞翼包住咗甜蝦雞肉,皮脆肉爽嫩,輕輕點上色彩繽紛o既香草蛋黃醬就好比畫龍點睛般同時提升視覺及味覺o既享受love,妙極!
古早小母雞翅/甜蝦/番茄/酸黃瓜/香草蛋黃醬

古早小母雞翅/甜蝦/番茄/酸黃瓜/香草蛋黃醬

 
接著o既「緬因龍蝦/西班牙辣腸/香草青醬/覆盆子」色澤同樣鮮美,師傅以不同調味醬汁緬因龍蝦食材重新砌成一幅立體o既龍蝦食物圖,當真令人嘆為觀止heart龍蝦肉爽脆彈牙,配上秘醬同時帶出花香、果甜及微辣,味道複雜得黎和諧新穎。
緬因龍蝦/西班牙辣腸/香草青醬/覆盆子

緬因龍蝦/西班牙辣腸/香草青醬/覆盆子

 
緬因龍蝦/西班牙辣腸/香草青醬/覆盆子

緬因龍蝦/西班牙辣腸/香草青醬/覆盆子

 
主菜上枱前,哥哥先以銀盤展出多把靚刀讓食客挑選。
靚刀

靚刀

 
再將刀子安全地擺放於牙形o既刀架上,「樂沐」o既女主人明顯喺用餐所有細節都有花下不少心思。musicmusic
靚刀連牙形刀架

靚刀連牙形刀架

 
感官」o既主菜嫩烤鵝肉/姬松茸/芥菜/米湯」雖外貌為最平凡o既一道,味道卻絕不遜色之前道「緬因龍蝦」。汁液上枱時先會即場淋上,以確保新鮮度,碟上兩件鵝肉皮層香脆,肉質厚而鬆軟多汁,可以話係小弟至今食過最好味o既鵝肉king;伴碟o既姬松茸則芳香惹味嫩脆,一樣咁出色!
嫩烤鵝肉/姬松茸/芥菜/米湯

嫩烤鵝肉/姬松茸/芥菜/米湯

 
嫩烤鵝肉/姬松茸/芥菜/米湯

嫩烤鵝肉/姬松茸/芥菜/米湯

 
甜品出場前先由清新爽甜o既「香桃雪葩」為味蕾洗滌一番以作準備。
香桃雪葩香桃雪葩

香桃雪葩香桃雪葩

 
套餐第一道甜品杯「可可清湯凍/焦糖蘋果塔雪酪」其實係朱古力味淡淡o既啫喱拼果香甜甜o既焦糖蘋果雪葩
可可清湯凍/焦糖蘋果塔雪酪

可可清湯凍/焦糖蘋果塔雪酪

 
有陣時人就係咁,總會覺得隔離飯香tongue;不如大家做個評判,睇吓大肥爸爸所揀嗰份「記憶」午餐個甜品「睡蓮」係咪比細佬杯「可可清湯凍/焦糖蘋果塔雪酪」奪目先。。。
睡蓮

睡蓮

 
嘻嘻,正當幾口子仲讚嘆緊「睡蓮」極之中式時,XO仔面前就出現咗紅黃鮮明且時代感極重o既「現代主義之乳酪蛋糕excited!美女廚神彷彿正要由菜式道出自己同時擁有傳統中國思維,但亦有留意其他國家前衛o既藝術風。
現代主義之乳酪蛋糕

現代主義之乳酪蛋糕

 
餐牌上注明,芝士蛋糕o既紅、白、黃網格外型構思源自荷蘭藝術家「彼埃•蒙德里安」(Piet Mondrian)及「密斯•凡德羅」(Mies van der Rohe)o既「新造型主義」風格star。極富立體感o既芝士蛋糕微甜軟潤,輕巧不溜滯,放進口中就好似吞噬咗件藝術品般tongue,認真搞鬼。
現代主義之乳酪蛋糕

現代主義之乳酪蛋糕

 
食到咁飽最好就係飲番杯飛沙走奶o既特濃咖啡
特濃咖啡

特濃咖啡

 
跟餐茶及咖啡最後仲有的骰o既「精緻小點」;每人都有兩粒,細細粒,容易食。黃色小球乃脆皮清涼o既乳酪雪糕棒,而兩球中央嗰件則為巧薄爽脆o既鳳梨塔,兩者均微微酸甜,毫不溜滯。
精緻小點

精緻小點

 
台中名法國餐廳「樂沐法式餐廳」洋房式o既設計大方高雅,就連服務都可稱得上為酒店級,多道精美且高質o既佳餚令XO仔與家人一同感受到不一樣的感官世界flower;當真感激肥叔叔咁好介紹,得以發現原來由台北坐高鐵去台中係咁方便o既,即日來回只為「樂沐法式餐廳」亦絕對物有所值smileheart
「感官」午餐

「感官」午餐

 
推薦美食: 自家製麵包, 下酒菜之「黃豆卷拼香草芝士球」, 下酒菜之「海鮮脆米通」, 古早小母雞翅/甜蝦/番茄/酸黃瓜/香草蛋黃醬, 緬因龍蝦/西班牙辣腸/香草青醬/覆盆子, 嫩烤鵝肉/姬松茸/芥菜/米湯, 香桃雪葩, 現代主義之乳酪蛋糕, 特濃咖啡, 精緻小點
內用候位時間: 0 分鐘
用餐日期: 2017-04-21        
此次消費: 每人約$6300 (午餐)

評分: 味道 4   環境 5   服務 5   衛生 5   CP值 4

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果