良品牛肉麵

Open Now

Now Closed

友人介紹台北車站捷運站附近兩間牛肉麵，呢間係其中一間。位於旺中帶靜嘅地方（台北車站地方真係好大），離台北車站唔遠，又容易搵得到，唔使等位，直入，有兩層。侍應冇叫我搭枱（香港通常都叫你搭枱），叫我上二樓（即係地面上一層），自己有張獨立枱。剔紙仔（係一張過咗膠嘅餐牌上面用水筆寫），交比個侍應，自己出去攞筷子，等五至10分鐘，有麵食啦。絕對係一個收貨嘅牛肉麵，唔算驚為天人，但係一定唔會失望。牛筋夠淋。如果你响台北，正常都會經過台北車站，想食返碗牛肉麵，又坐得舒服，呢間值得嚟，又唔貴（考慮埋地段方便）。服務好！