Duracell的個人專頁

每年的一次生日飯比賽，今次我首次在海外作賽，用台北米芝蓮一星牡丹極上天婦羅岀賽，當然食到未夠一半都已經知道自己輸左。簡單點講，師父用台灣食材做天婦羅，其特別同味道係可以爭一日之長短，但係一用到日本嘅食材同方法去做，就顯出高低。舉個例子，用午魚包住烏魚子做天婦羅，老婆係覺得特別。但一去到考牌的海膽天婦羅，就overcook左一點，唔夠鬆。其他都有相同問題岀現。怪，就怪我地遇過更多高手。還有，一樣我老婆極不喜歡的行為係，帥父在分鰻魚時分不平衡，用炸蝦用丼飯時，大碗飯用多些蝦，唔夠職人嗰仲專業。當然，可能會畀人覺得我哋挑剔，不過，你做得米芝蓮，係咪要去到呢個水準。所以，牡丹唔係唔好食，不過我地食過更好食吧，而目係收呢個價錢。又一米芝蓮沈船案例。我下年會再努力揾。…查看更多

午餐食個普通的鐵板燒，去左“犇“。到個門口好似好勁，食落完來真係普普通通。先加個一份厚牛舌俾老婆，牛舌又唔係在我們面前煎？係在㕑房煎完先取岀來，奇怪。更奇怪，點叫厚牛舌呀～～薄到呢，同褔岡d先台牛舌厚度，疊埋三塊就差唔多。個洋葱湯太多油，牛肉巻一般，帶子又係濫用魚子醬和黑松露醬，老婆叫個煎紅魚仲腥。牛漢堡一般，鮑魚點解要畀咁多海藻配上去，unbalance。到主菜和牛，得四粒，玩骰盅咩。炒飯各人一小碗，佢炒多咗嘅就放喺隻碟度，成張枱嘅人你眼望我眼都唔知點樣出去再裝。甜品要行去第二個區食，另叫個心太軟生日蛋糕畀老婆，最正常係呢件，不過係要加錢。其實二流做第一，好過一流做第尾。食過都冇下次，大家可以唔使考慮。…查看更多