屋莎鬆餅屋 台北京站店

Open Now

Now Closed

諗住襯佢一開門去walkin。結果都係要等位。不過可以留電話。有位就會call你。如果收唔到電話。佢仲可以send message通知你。呢個安排的確唔錯。可以喺個商場入面一路行一路等。行左30分鐘就收到message有位。雲之優格。顧名思義就係有一舊舊雲嘅yogurt drink。沙冰打得幼滑。yogurt味足微酸。好飲。煙燻鮭魚明太子海膽麵。麵係大大嘅貝殼粉。一上枱明太子香氣撲鼻。不過味道反而冇香氣咁濃郁。原本想食雜莓鬆餅。可惜冇貨。只好揀芒果鬆餅。點餐時侍應有溫馨提醒芒果係急凍唔係新鮮。大讚。鬆餅係梳乎厘鬆餅。有香香蛋味同麵粉味。鬆軟不過又唔會好似食空氣咁。質素頗高。可惜芒果味道強差人意。又唔香又冇乜芒果味。餐廳其實唔full。不過走時出面都仲有好多人等緊位。可能係因為佢每小時只做20份鬆餅。如果想試。真係要預留足夠時間。