青花驕 麻辣鍋 台北中山北店

Open Now

Now Closed

首先要留意，份量比大部份港式嘅火鍋店都大，點餐要留意返如果唔係好易浪費食材。朋友介紹，第一次食青花驕，好彩有預先訂位，去到門口已經非常多人喺度等緊位。店員介紹話叫鴛鴦鍋抵啲，於是就叫左個+青麻椒肥牛拼酸菜白肉鍋，湯嘅質素都幾高，佢會將啲青椒放喺另一格度，咁食嘅時候就唔會黐住啲食物，呢個好。食物先嚟 「牛三拼盛宴」，個碟係仲大過個鍋，入面有牛小排、雪花牛同牛梅花，肉質素高，自己最鍾意係牛梅花。出於好奇點左個「牛培根」，事實上同「煙肉」係無乜關係，只係同一個部位嘅肉，同埋係無諗過係咁大碟。最後叫埋個「小羔羊」，鍾意食羊可以叫，小羶幾正總括嚟講覺得多人食會開心好多，但係性價比係高，服務業好都坐得好舒服，會回頭。