1
套餐只有前菜同甜品需要二選一，其他主菜就係固定嘅，主廚每一道菜都會講解食材嘅配搭，餐廳定時會轉換主菜嘅煮法同配料，相隔一年再光臨餐廳依然有唔同嘅體驗
𓌉◯𓇋炙燒鮪魚晶凍 - 炙燒吞拿魚配上柚子晶凍非常清新，另外再有魚子醬點綴，味道更加豐富
𓌉◯𓇋蟹膏墨雲干貝 - 鐵板香煎帆立貝，放上用鱒魚卵整成嘅薄脆，再加上蟹膏增加香味
𓌉◯𓇋鮑魚佐白醬珍珠麵 - 鮑魚先以海苔鋪面淋上清酒蒸煮一陣，再喺鐵板上煎香，最後加上白醬同珍珠麵一齊食，醬汁香濃鮑魚彈牙
𓌉◯𓇋龍蝦佐醇厚海老醬 - 相比之前兩道海鮮，呢道龍蝦就比較清淡，最主要係靠海老醬同上面嘅紫蘇葉碎，個白菜就用牛油燴過，唔係太突出
𓌉◯𓇋松露雲朵茶碗蒸 - 主廚席前即磨黑松露，茶碗蒸嘅清香正好突顯出松露濃郁嘅味道
𓌉◯𓇋稻燒日本A5黑毛和牛 - 重點嘅和牛黎喇，先喺鐵板煎香再煙燻增香，輔上四種配菜，一塊和牛多種風味
𓌉◯𓇋雪見和牛挽漢堡 - 免治和牛肉香極濃，漢堡用千層酥以牛油慢火煎香，夾埋一齊食惹味至極
𓌉◯𓇋蕈菇和牛炒飯 - 炒飯吸收左和牛粒嘅油香，去到晚餐嘅最尾依然可以輕鬆食晒
𓌉◯𓇋龍蝦頭信州味增湯 - 用龍蝦頭熬製出嘅湯底加入味增，鮮味十足
𓌉◯𓇋獺祭清酒冰淇淋 - 最後用一杯清酒雪糕解膩，為整個晚餐畫上完美句號
人均NT$1880+10%
須訂座
