影片
更多
2023-07-31
12 瀏覽
呢間真心有驚喜～ 初初上網搵台北有咩牛排好食嘅時候，見到呢間 À POINT STEAK & BAR 係勁多人講，講到同好多 世界級扒房 有過之而無不及，再加上睇相無論環境以及擺盤都比較老派，起初都係半信半疑諗其實係咪全部都係打手，最後都係決定試一次，結果，除左一樣小細節，其他都係十分十分滿意~！叫左兩份套餐，先有「義式生牛肉冷盤」，初頭以為係 tartare ，原來係 carpaccio ，同一般嘅有少少唔同，比較厚啲啲，但係肉味好好。 另一個頭盤就叫左「酥炸蟹肉餅」，都好好食，又足料。好多無飲過酥皮湯，叫左個「酥皮海鮮奶油巧達湯」即係Clam Chowder，呢個又係出色，份量處理得好好，唔會太飽但係又食得好滿足，有唔同嘅海鮮又夠濃厚。 主菜來了～ USDA Prime 級嘅 Ribeye， 餐廳係推介做3成熟，我估主要都係因為連鐵盤上餘溫會繼續推高肉嘅溫度唔好拎佢變成 well done ，佢嘅牛的而且確係出色，舊怪咁大間餐廳都成日爆晒場，外脆內軟肉味濃厚，而佢呢個價錢係算幾抵食。唯一一樣我唔係太喜歡，係佢把牛扒刀，佢地係用鋸齒刀鋒嘅牛扒刀，但係以食一扒3成熟 USDA Pr
初初上網搵台北有咩牛排好食嘅時候，見到呢間 À POINT STEAK & BAR 係勁多人講，講到同好多 世界級扒房 有過之而無不及，再加上睇相無論環境以及擺盤都比較老派，起初都係半信半疑諗其實係咪全部都係打手，最後都係決定試一次，結果，除左一樣小細節，其他都係十分十分滿意~！
叫左兩份套餐，先有「義式生牛肉冷盤」，初頭以為係 tartare ，原來係 carpaccio ，同一般嘅有少少唔同，比較厚啲啲，但係肉味好好。 另一個頭盤就叫左「酥炸蟹肉餅」，都好好食，又足料。
義式生牛肉冷盤
0 瀏覽
0 讚好
0 留言
酥炸蟹肉餅
0 瀏覽
0 讚好
0 留言
好多無飲過酥皮湯，叫左個「酥皮海鮮奶油巧達湯」即係Clam Chowder，呢個又係出色，份量處理得好好，唔會太飽但係又食得好滿足，有唔同嘅海鮮又夠濃厚。
酥皮海鮮奶油巧達湯
0 瀏覽
0 讚好
0 留言
主菜來了～ USDA Prime 級嘅 Ribeye， 餐廳係推介做3成熟，我估主要都係因為連鐵盤上餘溫會繼續推高肉嘅溫度唔好拎佢變成 well done ，佢嘅牛的而且確係出色，舊怪咁大間餐廳都成日爆晒場，外脆內軟肉味濃厚，而佢呢個價錢係算幾抵食。
USDA Prime Ribeye
0 瀏覽
0 讚好
0 留言
唯一一樣我唔係太喜歡，係佢把牛扒刀，佢地係用鋸齒刀鋒嘅牛扒刀，但係以食一扒3成熟 USDA Prime Ribeye 嚟講，肉質鬆軟其實用鋸齒刀切起上嚟我自己就唔太鍾意個手感同覺得會有少少影響左口感，至於呢樣係咪一樣大問題，實屬見仁見智。
最後食埋個甜品，非常非常滿足左一餐，坐得舒服，店員服務又好好，價錢合理，值得推介。
甜品
0 瀏覽
0 讚好
0 留言
甜品
0 瀏覽
0 讚好
0 留言
張貼
