台灣一間好出名嘅茶飲，進軍埋餐廳界呀。以後唔再淨係得一杯杯珍珠奶茶拎住行街飲，仲可以坐喺餐廳度，邊飲邊食喇！
睇一睇個menu，主要以輕食為主，例如三文治呀、panini呀、pancake呀咁，當然就繼續有手沖茶飲啦。
Panini嚟講，麵包有兩款揀，可以係脆皮吐司或者芝麻吐司，後者口感比較鬆軟。餡料方面又芝士又火腿又生菜又蛋沙律……都厚厚地，仲搽咗層綠茶忌廉令茶味微微滲出。
甜品就有抹茶奶酪、鐵觀音雪糕等等，係吸引嘅。
更多【國際新食力】： |
不過要數餐廳最吸引嘅嘢食，就一定係pancake喇！宇治金時pancake唔淨止得淋面嗰層係抹茶醬，連個pancake本身都加咗綠茶粉，所以成個望落同食落都好綠茶。配埋最佳拍檔，即係紅豆一齊食，完全俘虜到抹茶控嘅心。
如果你多個朋友一齊去嘅，可以叫埋另一款味試下。珍珠奶茶pancake呀，換咗奶茶醬同珍珠，又係另一個飛佛，呢款仲要多多球芋泥添！
地址：大安路一段235號
文：Kar