因為我同另一半都鍾意小動物,特意選擇咗呢一間動物Cafe。位置唔算太方便,要開Google Maps先會搵到。衛生同舒適程度都幾好,不過態度就差少少,食物選擇就唔多,不過質素同味道都合格,我覺得甚至好過唔少香港嘅動物Cafe。入面都幾多小動物,包括有幾隻可愛嘅貓咪,不過最矚目嘅都係有兩隻可愛嘅狐獴。可以入去同佢哋玩,不過只係限時5分鐘,雖然我見到之前有一對外籍伴侶玩咗遠超過5分鐘,唔知係咪厚此薄彼。呢兩隻狐獴係完全唔驚人,所以佢哋係會喺喺你身上搞搞震,亦都好鍾意搲你個頭,係一個好難忘嘅經歷。…Read More



