15
1
0
等級7
37
4
2024-03-30 1 瀏覽
靚靚媽咪壽辰,小肥同哥哥早已規劃好要帶領天生就係派對動物嘅家人高歌「Let’s go party party all night, oh oh oh oh」!為博靚媽一笑,當然唔可以敷衍選擇,經過慎重考慮後,決定一試表妹推介嘅法國餐廳「MUME」,曾鑊米芝蓮星星兼口碑喎,可謂雙贏!西餐店於四維路上彷如一間藝廊般,低調中散發出時尚藝術嘅氣息。灰白對稱嘅門面極富立體感,入口高咗兩級仲凹埋入去,左右兩邊嘅落地玻璃窗就形成凸出街嘅小立方,設計連落大雨水浸都唔洗驚,有特色得黎又夠實際。接待處擺咗個奬狀陣,生出嘅樹幹莫非係寓意著開枝散葉開分店?!散座大堂空間感足,以木拼鐵嘅裝潢清爽優閒,柔和嘅燈光由繩索吊出,古樸風格舒適不拘謹。後面廚房位置明亮潔淨,歡迎客人觀摩,透明度極高。十二人派對安排於神秘嘅地牢密室內進行,由於冇電梯或升降機,貴客必先行經店子中央嘅梯級。年輕溫婉嘅服務生細心體貼,除咗自動扶持年長嘅賓客上落樓梯,入座時亦有幫忙擺放隨身物及外套,有求必應。私隱度高嘅廂房後方設有洗手間,設備齊全。四方八面嘅磚牆締造出一種古堡酒窖嘅雰圍,格調輕鬆中流露出品味與氣質。網上訂座流程相當簡易,開放時間由用
更多
靚靚媽咪壽辰,小肥同哥哥早已規劃好要帶領天生就係派對動物嘅家人高歌「Let’s go party party all night, oh oh oh oh」!
為博靚媽一笑,當然唔可以敷衍選擇,經過慎重考慮後,決定一試表妹推介嘅法國餐廳「MUME」,曾鑊米芝蓮星星兼口碑喎,可謂雙贏
0 瀏覽
1 讚好
0 留言
西餐店於四維路上彷如一間藝廊般,低調中散發出時尚藝術嘅氣息。灰白對稱嘅門面極富立體感,入口高咗兩級仲凹埋入去,左右兩邊嘅落地玻璃窗就形成凸出街嘅小立方,設計連落大雨水浸都唔洗驚,有特色得黎又夠實際
0 瀏覽
1 讚好
0 留言
接待處擺咗個奬狀陣,生出嘅樹幹莫非係寓意著開枝散葉開分店?!
0 瀏覽
1 讚好
0 留言
散座大堂空間感足,以木拼鐵嘅裝潢清爽優閒,柔和嘅燈光由繩索吊出,古樸風格舒適不拘謹。
0 瀏覽
1 讚好
0 留言
後面廚房位置明亮潔淨,歡迎客人觀摩,透明度極高。
0 瀏覽
1 讚好
0 留言
十二人派對安排於神秘嘅地牢密室內進行,由於冇電梯或升降機,貴客必先行經店子中央嘅梯級。
0 瀏覽
1 讚好
0 留言
年輕溫婉嘅服務生細心體貼,除咗自動扶持年長嘅賓客上落樓梯,入座時亦有幫忙擺放隨身物及外套,有求必應
。私隱度高嘅廂房後方設有洗手間,設備齊全。四方八面嘅磚牆締造出一種古堡酒窖嘅雰圍,格調輕鬆中流露出品味與氣質。
0 瀏覽
1 讚好
0 留言
網上訂座流程相當簡易,開放時間由用餐日期前三十日起,講明最低消費為每人一份廚師發辦晚餐,額外收NT 500蛋糕清潔費。開瓶費則有二,分別為NT 1,000/瓶標準裝葡萄酒、清酒等釀造酒,及NT 1,500/瓶標準裝氣酒、烈酒、及其他蒸餾酒;因深覺收費合理,結果就選擇自攜佳釀
自攜佳釀
0 瀏覽
1 讚好
0 留言
餐桌嘅每位席上都有個拉櫃。
0 瀏覽
1 讚好
0 留言
拉開櫃桶,頂面可見店子唯一提供嘅節令品嚐料理(NT 3,880/位);如有食物敏感要廚房注意,大家記緊要於訂座時道明。九道菜餐單上嘅每一道菜刻意只列出食材而省去餸名,全因大廚著重食材嘅根源
,即台灣本土,故亦選以台灣國花之梅花嘅拉丁文「MUME」作店名,確真有意思!
0 瀏覽
1 讚好
0 留言
食乜冇得揀,但藏於櫃內嘅餐具就任食客自行選配。
0 瀏覽
1 讚好
0 留言
晚宴正式由招待貴賓嘅小點心作序,仲要由行政總廚Chris哥哥親自送上
,誠意盡在不言中!
雞肝醬夾心餅
0 瀏覽
1 讚好
0 留言
開胃前菜直接用手食用,夾心餅春卷皮薄如紙張,咬落好似威化咁脆巧,以燈籠果醃製而成嘅雞肝醬慕絲餡心香濃潤滑,且毫不溜滯,勁配啱啱喺日本買黎嘅清酒
,成功激發食慾。
雞肝醬夾心餅
0 瀏覽
1 讚好
0 留言
白蘆筍/剝皮辣椒/鹽昆布:台灣彰化出產嘅白蘆筍四月春季最當做
,打頭陣夠哂壓場!由於白蘆筍本身白雪雪冇乜睇頭,師傅就巧妙地以彩艷嘅食用花燈籠椒皮拼上鹽昆布作小綠葉配襯一番,砌出嘅美食藝術品充滿田園風味
,精湛吸睛!粗粗長長嘅白蘆筍清爽脆口,黏上前方橙黃色以剝皮辣椒製出嘅法式沙巴雍醬及後方綠色嘅芥末豌豆泥即添上芬芳香潤。
白蘆筍/剝皮辣椒/鹽昆布
0 瀏覽
1 讚好
0 留言
鰹魚/樹番茄/紫蘇:食法國大餐梗係唔少得魚魚啦
,何況台灣咁多海產,結果食咗兩道。第一款魚生頭盤為本地鰹魚
鰹魚/樹番茄/紫蘇
0 瀏覽
1 讚好
0 留言
厚實鮮濃嘅鰹魚先以日本柴魚高湯醃製,上枱時浸浴於由樹番茄、羅勒、柑橘、辣條等組成嘅香草油內,直令魚魚嘅下半身變得柔滑香軟;頂面再以洛神花紫蘇梅刺蔥加以點綴,菜式酸酸咸咸,口感豐郁尤甚。
鰹魚/樹番茄/紫蘇
0 瀏覽
1 讚好
0 留言
自製酸麵包/老菜脯奶油自家製嘅酸麵包皮脆包鬆軟,但主角其實係旁邊另上嘅陳年28年嘅老菜脯奶油!明顯大家對「老菜脯」相當陌生,唔係好識國語嘅姨丈仲扮聽錯人地講「老太婆」,冷笑話逗得姨媽最開心
。據悉,老菜脯醃蘿蔔,為當地嘅天然養生秘方,咁堅一定要試真啲喎
!佈滿黑點嘅老菜脯牛油微酸微咸唔會過激,都幾得意嘅。
自製酸麵包/老菜脯奶油
0 瀏覽
1 讚好
0 留言
白帶魚/黃酒/紫蘇梅:第二味煎白帶魚嘅外觀延續頭盤嘅花花主題,並加插咗分子泡泡嘅元素。
白帶魚/黃酒/紫蘇梅
0 瀏覽
1 讚好
0 留言
焦香咗嘅魚皮酥脆巧薄,無奈厚厚嘅魚肉偏嚡同乾
。色彩滿滿嘅泡沫醬汁以魚骨高湯作基礎,混入糟滷及紹興酒秘製,個味有少少似醉雞咁,入面嘅櫻桃蘿蔔用紫蘇梅醬醃製過,酸酸甜甜中又有啲咸咸地,講真成個餸唔係咁啱自己口味
白帶魚/黃酒/紫蘇梅
0 瀏覽
1 讚好
0 留言
鮑魚/綠竹筍/鮑魚肝:鐵色嘅碟盤同餐店門面嘅色調好夾,感覺鮑魚係重點菜,嘻嘻,不過每人只有半件好似唔係幾夠喉
鮑魚/綠竹筍/鮑魚肝
0 瀏覽
1 讚好
0 留言
清酒、柴魚、昆布等高壓燉煮嘅南非鮑魚軟糯得黎仍保持Q彈嘅口感
,塗點中間嘅鮑魚肝醬即倍添鮮濃,伴配嘅台灣綠竹筍以日式佃煮方式烹調,清脆甜美不俗套。
鮑魚/綠竹筍/鮑魚肝
0 瀏覽
1 讚好
0 留言
軟絲/自製香料香腸/紅甜椒:菜式別號為「軟絲鳥巢麵」,原來係主廚嘅代表作之一,靈感明顯源自意大利粉。但寬闊長長嘅「麵條」其實一啲麵嘅成份都冇
,條條都係用軟絲身體最嫩嘅部份搓出,軟嫩帶脆。不一樣嘅肉醬內含台灣特產嘅鵝油辣椒、紅甜椒、金棗、紅甜椒、巴西里,精髓在於師傅研創出由軟絲剩餘嘅部位,包括啲腳腳內臟軟骨,混成嘅辣腸,香辣惹味且鮮美獨特,毫不浪費食材之餘,更表現出其創作力量同幻想
,妙哉!
軟絲/自製香料香腸/紅甜椒
0 瀏覽
1 讚好
0 留言
和羊臀肉/馬告/櫛瓜:和牛就食得多,「和羊」真係第一次聽到,家人好自然地估係日本羊,點知羊羊來自紐西蘭高地,因級數可媲美細緻嘅和牛
,故被美食界封為「和羊」,係廚師們嘅紅肉新寵。
和羊臀肉/馬告/櫛瓜
0 瀏覽
1 讚好
0 留言
經低溫熳烤嘅和羊臀色澤紅潤,油脂唔多,肉質相當鬆軟,意外地一啲羶味都冇,沾上用牛肉高湯𤉶煮嘅馬告胡椒汁即有提鮮醒神之效
;所選用嘅馬告胡椒野生於台灣高山野生,係獨特嘅香料。旁邊爽脆香濃嘅配菜均為台灣本土種植,除咗幾片娃娃菜之外,當中主材「櫛瓜」屬高纖低醣嘅健康食材,又一台廚竉兒。
和羊臀肉/馬告/櫛瓜
0 瀏覽
1 讚好
0 留言
‘大湖’草莓/玫瑰/優格:甜品環節繼續以繽紛嘅色彩刺激視覺
,未食心情都已興奮雀躍。頭場紅艷嘅冰沙散發出淡薄嘅玫瑰香,墊底嘅大湖草莓清爽甜美,配上輕盈嘅荔枝味乳酪為甜品加咗層軟滑感,吃畢春天嘅氣味仍洋溢於口腔。
‘大湖’草莓/玫瑰/優格
0 瀏覽
1 讚好
0 留言
‘大湖’草莓/玫瑰/優格
0 瀏覽
1 讚好
0 留言
脆皮泡芙/椰子/土芭樂:尾場半腍半脆嘅土芭樂泡芙一口一件,微甜不溜滯,極易入口。
脆皮泡芙/椰子/土芭樂
0 瀏覽
1 讚好
0 留言
舅父勁有心
,早就訂好草莓蛋糕俾靚靚媽咪許願拍照。
草莓蛋糕
0 瀏覽
1 讚好
0 留言
店主亦加送生日甜點與祝福
,暖意盎然!
生日甜點
0 瀏覽
1 讚好
0 留言
台北前星級食肆「MUME」雅致樸實,服務生親切周到,善用寶島食材所烹製嘅法式料理鮮美高質。主廚老闆敢於採用新興嘅肉類、蔬果及香料,配搭出嶄新味佳嘅組合,藝術性地演繹出「農場到餐桌」以作回饋及推廣,真心感激美饌藝廊為慶生派對帶來嘅驚喜
(以上食記乃用戶個人意見,並不代表OpenRice之觀點。)
張貼
評分
味道
環境
服務
衛生
CP值
用餐日期
2023-04-14
用餐方式
內用
人均消費
$4700 (晚餐)
慶祝紀念
生日
推薦菜
自攜佳釀
雞肝醬夾心餅
雞肝醬夾心餅
白蘆筍/剝皮辣椒/鹽昆布
鰹魚/樹番茄/紫蘇
鰹魚/樹番茄/紫蘇
自製酸麵包/老菜脯奶油
鮑魚/綠竹筍/鮑魚肝
鮑魚/綠竹筍/鮑魚肝
軟絲/自製香料香腸/紅甜椒
和羊臀肉/馬告/櫛瓜
和羊臀肉/馬告/櫛瓜
‘大湖’草莓/玫瑰/優格
‘大湖’草莓/玫瑰/優格
草莓蛋糕