25
7
1
等級1
2
0
2019-04-11 1070 瀏覽
又係台灣篇既時候啦,今次呢間日本餐廳係台灣一直都好出名,但👦🏻最近呢一年先第一次幫襯,好似好過時,但係食好東西係永遠唔怕遲既,今日就同大家介紹呢間餐廳。餐廳位於台北市松山區,附近都無一個特別方便既捷運站,如果你用地圖search到有巴士站會到附近既,不妨搭巴士去,因為台北既巴士其實都好方便,如果無既,忠孝復興站或者南京復興站會係最接近既兩個捷運站。餐廳位於巷弄之中,因為附近有其他唔同種類既分店,今次先介紹食丼飯既,入店前首先要係門口既收銀處落單同俾錢,因為食既時候係下午三點幾,所以都唔需要等位就可以入座,如果唔鐘意等既朋友仔不妨揀呢啲非繁忙時段去食,係門口落左單俾埋錢就可以拉開趟門入內,有店員會收走你張單,然後就可以就座。今次叫左特選綜合海鮮丼、原味玉子燒、綜合刺身,首先講下特選綜合海鮮丼,一上檯👦🏻就俾花多眼亂既海鮮吸引住,唔知應該食邊樣先,呢個海鮮丼包括左星鰻、魚子、蝦、玉子、帶子、燒比目魚......,如果有選擇困難症既朋友仔,揀呢個丼飯就可以解決一切😆啲海鮮全部都好新鮮,👦🏻就鐘意星鰻、燒比目魚、帶子,唔知有無朋友仔都食過,又鐘意食咩呢?綜合刺身其實就好似小型綜合海鮮丼,總共有
更多
又係台灣篇既時候啦,今次呢間日本餐廳係台灣一直都好出名,但👦🏻最近呢一年先第一次幫襯,好似好過時,但係食好東西係永遠唔怕遲既,今日就同大家介紹呢間餐廳。
餐廳位於台北市松山區,附近都無一個特別方便既捷運站,如果你用地圖search到有巴士站會到附近既,不妨搭巴士去,因為台北既巴士其實都好方便,如果無既,忠孝復興站或者南京復興站會係最接近既兩個捷運站。

餐廳位於巷弄之中,因為附近有其他唔同種類既分店,今次先介紹食丼飯既,入店前首先要係門口既收銀處落單同俾錢,因為食既時候係下午三點幾,所以都唔需要等位就可以入座,如果唔鐘意等既朋友仔不妨揀呢啲非繁忙時段去食,係門口落左單俾埋錢就可以拉開趟門入內,有店員會收走你張單,然後就可以就座。

今次叫左特選綜合海鮮丼、原味玉子燒、綜合刺身,首先講下特選綜合海鮮丼,
一上檯👦🏻就俾花多眼亂既海鮮吸引住,唔知應該食邊樣先,呢個海鮮丼包括左星鰻、魚子、蝦、玉子、帶子、燒比目魚......,如果有選擇困難症既朋友仔,揀呢個丼飯就可以解決一切😆啲海鮮全部都好新鮮,👦🏻就鐘意星鰻、燒比目魚、帶子,唔知有無朋友仔都食過,又鐘意食咩呢?
綜合刺身其實就好似小型綜合海鮮丼,總共有四款刺身,都係一樣咁充滿鮮味同魚香味。

原味玉子燒完全係一道充滿驚喜既料理,除左好厚實之外,然後佢同綜合海鮮丼個塊玉子燒都有少許分別,首先呢個係熱食,熱辣辣既玉子燒真係永遠都不敗架,廚師係玉子燒表面加上砂糖,由火槍燒過砂糖而成既焦糖同埋適量既蔥花,食落除左濃濃既蛋香之外就係甜甜既焦糖味同淡淡既蔥香味,呢個玉子燒已經係👦🏻心目中既滿分玉子燒,好想再encore🤤

每次都會透過以下6大方面評分(滿分:30分)
味道 : 4.25 / 5
環境 : 4 / 5
外觀 : 4 / 5
價錢 : 3 / 5
服務 : 3.75 / 5
回頭率 : 4.25 / 5
總分 : 23.25 / 30

性價比:有咁既質素當然要番咁既價錢,但係佢仲未到貴到唔捨得食既地步,所以去開台北旅行,不妨試下呢間餐廳,除左丼飯店,仲有廚師發辦、握壽司、日式料理既分店,總有你鐘意既分店。
(以上食記乃用戶個人意見,並不代表OpenRice之觀點。)
張貼
評分
味道
環境
服務
衛生
CP值
用餐方式
內用
用餐時段
下午茶
推薦菜
  • 特選綜合海鮮丼