更多
2018-02-23
101 瀏覽
好多去過台灣嘅人都覺得，台北好似另一個日本，民風純樸，小店精緻有特色，畀人一種舒服嘅感覺。其實台灣深受日本文化影響，自然「如有雷同」，但並非巧合，皆因好多日本小店進駐台灣，令台灣更似一個小日本！原以為去台北只係食當地小食嘅我，估唔到都畀一間來自日本九洲嘅百年鰻魚飯專門店吸引，呢間位於台北光復南路、國父紀念館商圈嘅鰻魚飯專門店，其總店係九洲嘅「田舍庵」，進駐台北後，便取名「小倉屋」，係台灣第一間由日本百年鰻魚飯名店跨海開設嘅分店。小妹極愛鰻魚飯，當然幾大都入去試吓，由於去嘅時候係六點幾，未到食飯時間，所以排隊嘅人唔多，但都要等大概２０分鐘，可見受歡迎程度。「小倉屋」鰻魚嘅做法同「關東式」先蒸後烤做法唔同，係以「關西做法」為主，鰻魚只烤不蒸，令鰻魚外脆內軟，入口鬆化回甘，好不滋味！小妹同朋友叫咗「鰻重定食——松」（台幣＄５８０）同「鰻櫃定食」（台幣＄５００），「 鰻重定食」叫咗最高級嘅「松」，係經典嘅蒲燒口味，入面有八切鰻魚、飯、漬物同鰻魚肝湯，鰻魚即劏即烤，以人手反覆烤三次，烤足３０分鐘，烤嘅過程中淋上以醬油、味醂、冰糖調製而成嘅特製蒲燒醬汁，烤出嚟嘅鰻魚鮮嫩多汁， 肉厚飽滿，表皮微焦，
原以為去台北只係食當地小食嘅我，估唔到都畀一間來自日本九洲嘅百年鰻魚飯專門店吸引，呢間位於台北光復南路、國父紀念館商圈嘅鰻魚飯專門店，其總店係九洲嘅「田舍庵」，進駐台北後，便取名「小倉屋」，係台灣第一間由日本百年鰻魚飯名店跨海開設嘅分店。
小妹極愛鰻魚飯，當然幾大都入去試吓，由於去嘅時候係六點幾，未到食飯時間，所以排隊嘅人唔多，但都要等大概２０分鐘，可見受歡迎程度。「小倉屋」鰻魚嘅做法同「關東式」先蒸後烤做法唔同，係以「關西做法」為主，鰻魚只烤不蒸，令鰻魚外脆內軟，入口鬆化回甘，好不滋味！
小妹同朋友叫咗「鰻重定食——松」（台幣＄５８０）同「鰻櫃定食」（台幣＄５００），「 鰻重定食」叫咗最高級嘅「松」，係經典嘅蒲燒口味，入面有八切鰻魚、飯、漬物同鰻魚肝湯，鰻魚即劏即烤，以人手反覆烤三次，烤足３０分鐘，烤嘅過程中淋上以醬油、味醂、冰糖調製而成嘅特製蒲燒醬汁，烤出嚟嘅鰻魚鮮嫩多汁， 肉厚飽滿，表皮微焦，食落鬆化，唔會食到魚骨、纖維同泥味，亦唔會似一般香港日式餐廳嗰啲咁像膠皮嘅口感，果然令人驚喜！若再淋上丸莊最高級嘅醬油，真係猶如跌入人間仙景，同鰻魚飯談戀愛，果然令人不能自拔！
至於「鰻櫃定食」則以名古屋「一鰻三吃」嘅食法，第一個食法係將１／４嘅鰻魚飯盛入碗內，品嘗原汁原味嘅鰻魚飯。第二食法係加入Wasabi同蔥一齊食，微辛感覺可以提升到另一個層次。第三食法係將柴魚昆布高湯倒入碗中，製成泡飯，鮮味十足！
小妹飲咗一啖鰻魚肝湯，唔單止唔覺得腥，仲味濃回甘，由於好奇鰻魚肝嘅真實味道，所以叫咗一串「烤鰻魚肝」（台幣＄１２０），食落濃郁鮮香，經過醬汁調味之後，入口微甜，後又回甘，係送酒一流嘅小菜！
小妹好相信呢度嘅鰻魚係新鮮即劏，原因睇鰻魚肝就會知道，每粒烤鰻魚肝都飽滿多汁，烤好嘅鰻肝唔會過度黏喺竹串上，非常容易取下，加上食落唔會有腥味，由此可見，店內每碟烤鰻魚，都係新鮮上枱！如此高質嘅鰻魚飯專門店，點可以唔試？下次嚟台北，大家一定要試吓！
張貼
