7
1
0
等級7
37
4
2024-04-12 1 瀏覽
嬸婆經常出入台灣覓好西,遊台前小肥梗係要請教長輩索定料啦!聽聞此行將與幾位七、八旬姨媽姨丈同遊,可租大車出入,所以就提議小組去遠少少上山,一訪隱世「大山無價飲食空間」,慢享三小時嘅養膳料理。兩層高嘅餐店貌似一間郊外別墅般,花園大門春色滿滿。連弱視嘅XO都留意到店名來由貼於玻璃門上:「大隱猶知柴米價,山居偏識古今情」!詩句咁細隻字,証明個粉紅底好有用。步進室內,貴客必先自行脫下鞋子並存放於木櫃內。用餐大堂寬廣開揚,禪風嘅裝潢締造出一種寧靜平和,舖上日式榻榻米夠哂涼爽。散座間有足夠嘅活動及私人空間,部份餐桌配備長櫈,適合年長人仕。近窗位置有景睇,下雨天亦別有一番風味,悠然自得。四週擺出鮮美耀眼嘅花藝品,散發出優雅嘅氣質。餐桌上只有簡單嘅自用餐具。台式懷石料理並無餐單提供,大廚以當地節令嘅食材隨心造出約十道菜(定價NT 1,180/位,另收加一服務費),嬸婆笑說「有咩食就要隨緣啦」,玄機之談原來係要配合返個禪味。教好大家點樣沖茶後,午餐正式由清香淡雅嘅「桂花凍」作序,擺盤猶如畫品般秀麗,葉枝刻意留有水份,彷如剛剛摘下,此情此景充滿古裝片嘅氛圍,有意思極!等咗都有成兩、三個字,終於輪到第二道「
更多
嬸婆經常出入台灣覓好西,遊台前小肥梗係要請教長輩索定料啦
!聽聞此行將與幾位七、八旬姨媽姨丈同遊,可租大車出入,所以就提議小組去遠少少上山,一訪隱世「大山無價飲食空間」,慢享三小時嘅養膳料理
0 瀏覽
1 讚好
0 留言
兩層高嘅餐店貌似一間郊外別墅般,花園大門春色滿滿。
0 瀏覽
1 讚好
0 留言
連弱視嘅XO都留意到店名來由貼於玻璃門上:「大隱猶知柴米價,山居偏識古今情」
!詩句咁細隻字,証明個粉紅底好有用。
0 瀏覽
1 讚好
0 留言
步進室內,貴客必先自行脫下鞋子並存放於木櫃內。
0 瀏覽
1 讚好
0 留言
用餐大堂寬廣開揚,禪風嘅裝潢締造出一種寧靜平和,舖上日式榻榻米夠哂涼爽。散座間有足夠嘅活動及私人空間,部份餐桌配備長櫈,適合年長人仕。
0 瀏覽
1 讚好
0 留言
近窗位置有景睇,下雨天亦別有一番風味,悠然自得。
0 瀏覽
1 讚好
0 留言
四週擺出鮮美耀眼嘅花藝品
,散發出優雅嘅氣質。
0 瀏覽
1 讚好
0 留言
餐桌上只有簡單嘅自用餐具。台式懷石料理並無餐單提供,大廚以當地節令嘅食材隨心造出約十道菜(定價NT 1,180/位,另收加一服務費),嬸婆笑說「有咩食就要隨緣啦」,玄機之談原來係要配合返個禪味
0 瀏覽
1 讚好
0 留言
教好大家點樣沖茶後,午餐正式由清香淡雅嘅「桂花凍」作序,擺盤猶如畫品般秀麗
,葉枝刻意留有水份,彷如剛剛摘下,此情此景充滿古裝片嘅氛圍,有意思極!
桂花凍
0 瀏覽
1 讚好
0 留言
桂花凍
0 瀏覽
1 讚好
0 留言
等咗都有成兩、三個字,終於輪到第二道「花生豆腐紅麴魚」上場,唔怪得知要食成三個鐘頭啦
,相信這正是演繹出時興嘅慢活哲學。冇菜單嘅情況下,菜式一定要經由服務生介紹,不過佢地個個好似念口簧咁,姨丈聽唔明想問多兩句時,背完台詞嘅哥哥仔早已走埋佬,冇耐性之舉好似同慢活態度打對台喎
!換上紫艷嘅菊花陪襯嘅花生豆腐乃師傅自家特製,豆腐磚面嘅四角以四款配料點綴,湯匙中片鰻魚以紅麴米墊底,無奈XO仔唔食得花生,結果成份奉獻咗俾哥哥代食。
花生豆腐紅麴魚
0 瀏覽
1 讚好
0 留言
接著嘅「牛蒡扇貝湯」設計者一啲都冇馬虎,四個碗仔整齊地排列喺木盤上,並再換上新一種鮮花配角,外觀同樣精美。
牛蒡扇貝湯
0 瀏覽
1 讚好
0 留言
暖胃嘅湯品濃而不俗,芳香尤甚,大大隻扇貝爽脆鮮甜,意外地與牛蒡嘅甘香毫無衝突
,入面仲有件軟腍嘅冬瓜,組合極之和諧。
牛蒡扇貝湯
0 瀏覽
1 讚好
0 留言
呈上下道餸嘅醬油、山葵、醋等配料時,妹妹仔先確認客人係咪個個都食得生野,因為唔食的話,廚房會煮熟啲「生魚片」。
醬油、山葵、醋
0 瀏覽
1 讚好
0 留言
木盤上雙拼出「雜錦魚生」及「沙律」。
雜錦魚生、沙律
0 瀏覽
1 讚好
0 留言
應建議先食魚生,幾款中以三文魚最為鮮美,蝦蝦尚算爽潤,不過件希靈魚籽就勁腥
雜錦魚生
0 瀏覽
1 讚好
0 留言
沙律因內含杏仁,小弟唔食得;哥哥話入面啲青瓜片、生洋蔥絲同彩椒絲都好清爽。
沙律
0 瀏覽
1 讚好
0 留言
食完一輪生野,每人先有一小杯清涼酸甜嘅「玫瑰醋」為味蕾淨化一番。
玫瑰醋
0 瀏覽
1 讚好
0 留言
午餐去到中段終於有肉食
!碗中嘅「麻油雞腿麵線」一人一箸軟腍幼滑嘅麵線,份量恰好唔太多,已預先去哂骨骨嘅雞腿肉柔潤多汁,湯底雖滲出麻油香,但個人覺得味道仍偏淡,落多少少鹽效果應更佳。吃畢再呷一口伴拼嘅「靈芝茶」,口腔頓即溢滿純樸甘香
麻油雞腿麵線、靈芝茶
0 瀏覽
1 讚好
0 留言
以陶瓷碗承載嘅「蔬菜糕渣」原來係宜蘭特產。糕渣係頂面嗰塊炸餅,本身酥化香脆,師傅巧妙地將冇乜味嘅糕渣浸咗喺個菠菜芹菜打製而成嘅蔬菜油入面,成功為糕渣添上濃厚嘅菜香,仲索走埋部份油膩感。
蔬菜糕渣
0 瀏覽
1 讚好
0 留言
之前食過生蝦,熱盤中嘅「地瓜大蝦拼南瓜茄子」仲有一隻熟蝦食。
地瓜大蝦拼南瓜茄子
0 瀏覽
1 讚好
0 留言
橙殼白肉嘅大蝦可能煮得太耐所以有少少偏嚡同乾,反而亮點係中間件外脆心甜嫩嘅「炸地瓜
地瓜大蝦拼南瓜茄子
0 瀏覽
1 讚好
0 留言
食完幾款燒炸菜式,一杯仔濃郁嘅「黑棗醋」當真有助一解腸胃內嘅油脂,適暢得很。
黑棗醋
0 瀏覽
1 讚好
0 留言
午餐轉入直路,妹妹仔等待大家準備好手機拍片後,即為「蓮花雞湯」表演一幕「乾花也可怒放」
蓮花雞湯
0 瀏覽
1 讚好
0 留言
清甜嘅雞湯內含雞肉、蓮子、節瓜、荔枝等,就連花花都食得架,相當足料。
蓮花雞湯
0 瀏覽
1 讚好
0 留言
跟配一球「烏魚子炒飯」可以話係成餐飯最重口味嘅一道,飯粒飽滿肥潤有濕度,經燒炸過嘅烏魚子都好酥脆,細細塊足以為飯品帶來咸香,單尾暖胃非常。
烏魚子炒飯
0 瀏覽
1 讚好
0 留言
作結嘅甜品環節先配芳香撲鼻,細緻怡神嘅「菊花茶」。
菊花茶
0 瀏覽
1 讚好
0 留言
菊花茶
0 瀏覽
1 讚好
0 留言
甜點二重奏前方有清脆嘅芭樂、爽甜嘅鳳梨及蕃茄仔。
甜點二重奏
0 瀏覽
1 讚好
0 留言
後方嘅「黑糖芋泥球」微甜不膩口,當中嘅龍眼肉金棗尤其可口。
黑糖芋泥球
0 瀏覽
1 讚好
0 留言
深居於半山嘅「大山無價飲食空間」清幽秀逸,綠意盎然。善用寶島食材之養膳菜餚份量適宜,賣相精緻吸睛,視覺效果絕對一百分
,唯一調味偏淡,未必人人食得慣。慢慢享受食物係好,不過菜與菜之間隔成兩、三個字先上,令席上嘅老人家中途竟然想午睡
,似乎也過慢了!場內只有兩位服務生應付樓面所有工作,明顯有點吃力,或許印出菜單可減輕其工作量,處理其他事項可更有效率。台式養生午膳輕盈獨特,價格唔算貴,因遠離市區,來回就比較需時,久唔久一次猶如參加禪修營般,可令心境平和,感受一吓難得的清靜。
(以上食記乃用戶個人意見,並不代表OpenRice之觀點。)
張貼
評分
味道
環境
服務
衛生
CP值
用餐日期
2023-04-15
用餐方式
內用
人均消費
$1298 (午餐)
推薦菜
牛蒡扇貝湯
牛蒡扇貝湯
玫瑰醋
麻油雞腿麵線、靈芝茶
蓮花雞湯
蓮花雞湯
菊花茶
菊花茶