Minime Kids Cafe 韓風親子餐廳 (已結業)

住在台北的親友帶我來體驗這間親子餐廳，本來有點抗拒，印象中主題餐廳的食物好吃有限，所以已經作了心理準備，飯後可能去附近食個小籠包。餐廳裝修非常之粉紅，有各式各樣適合小朋友玩耍的區域，朋友的小孩看到就興奮，輕易地進入忘我境界，也好，大人就可以在旁邊輕輕鬆鬆地吃個午飯。因為每一個大人都需被限定叫一個主菜，我們一行三人叫了：韓式炸雞、spaghetti vongole, 松板豬 pasta in cream sauce. 上菜了！非常像樣！surprisingly 樣樣都好好食，炸雞皮脆肉嫩，甜辣的味道剛好，spaghetti vongole 是着重於香草和白酒的味道，不錯！最特別是松阪豬意粉，原來醬汁是用韓國大醬加入忌廉，所以不會很鹹，第一次這樣食，味道很特別，很 fusion, LIKE! 但是這兒份量有點兒大，三個大人分着吃, 食到捧住個肚，好飽，兒童餐也非常之可愛，雖然唔知好唔好食但朋友的小孩吃到乾乾淨淨，目測話俾我知應該都唔錯。最後因為好好奇隔離枱叫的飲品，所以在很飽的情況之下都叫咗一杯 mixed berries smoothies, 應該是yogurt drink, 超級好味，所以飲晒，非常滿足的一餐，小朋友又玩得好開心，大人又可以舒舒服服傾計，一次過滿足三個願望，最後是買單三個大人一個小朋友，唔使港幣500元點解係香港開唔開一間啊？ 繼續閱讀