7
2
0
捷運大安站出口4, 步行約6分鐘; 捷運大安站4號出口,步行約5~8分鐘 繼續閱讀
電話號碼
0227081111
營業時間
今日營業
11:30 - 01:00
星期一至日
11:30 - 01:00
付款方式
Visa Master 現金 銀聯 JCB
其他資料
外送服務
酒精飲料
包廂
駐唱/音樂伴奏
電話訂位
服務費
接受信用卡
前往餐廳網站
http://www.toponepot.com/branches.php
招牌菜
神仙牛肉 御膳麻辣鍋 一品酸菜鍋 老火湯 松阪豬肉 土雞腿肉
食記 (12)
等級1 2019-07-13
81 瀏覽
優點:入門帶位有禮 地方佈置有心思 座位寬躺 燈光分布適中 室內空氣流通 上菜使用推車較安全 服務有禮 食物擺設用心 。缺點:湯底味道死板 味精口味過重 醬汁調味選擇不多 放白米飯的位置欠缺衛生 。 繼續閱讀
(以上食記乃用戶個人意見,並不代表OpenRice之觀點。)
等級1 2018-12-29
152 瀏覽
以往到台北,通常到無老X吃火鍋。今次試試這一鍋。由於火鍋店是住在台灣的香港朋友推介,本著一試無妨,在網上預訂枱。原來網上預訂,每位預繳NTD200會有一碟雪花豬肉送,反正預繳可以當消費額,所以繳就繳。到店時,店內裝潢很有氣派,坐位表寛闊,店員超級細心。點了鴛鴦火鍋,麻辣x老火湯、神仙牛肉、綜合丸,再加上預訂送的雪花豬肉。店家很大方,送的是正常大小的。。。用餐到一半,店員來說感激我們第一次光顧,所以送一份牛肉。。。那那那是一整排滿滿的。。。由於這一鍋實在太客氣,我必定再光顧。 繼續閱讀
(以上食記乃用戶個人意見,並不代表OpenRice之觀點。)
等級2 2018-12-27
83 瀏覽
遊完台中新社古堡花園,結識兩位台中美女及她們的寵物後,司機哥哥直接將我們安全送到這裡。火鍋店何解可以那麼宏偉啊﹗不是一間店,係一座城堡般。時間飛逝,開心既時間過得特別快,轉眼已經係台中溫泉養生之旅 Day 3 咯﹗晚餐鎖定西屯區這一鍋台中朝富殿,皇室秘藏鍋物﹗步入食店嚇得目定口呆,裝潢華麗宏偉,庭臺樓閣古式古鄉,中式巨形吊燈籠,水池潺潺,流水聲悅耳動聽,超高的樓底直望三樓,燈光柔和舒服,冷氣強勁,空氣流通,感覺非常震憾。全部美女侍應樣子甜美,穿上中式服裝或祺袍,苗條身體玲瓏浮凸,使人目不暇給。服務熱情周到,溫柔的聲線,完全忘我陶醉。回一回神,係時候研究下有什麼山珍海錯,珍离異獸食喇。很多罕見食材,有趣吸引,貪吃的我當然款款想試啦。高檔食材,經濟價錢,香港不會有啦。所有環境、服務、衞生、食物都頂級無得彈,無可挑剔的滿分,大滿貫﹗數款養生湯鍋,武則天富貴榮華鍋、康熙宜妃滋補養生鍋、等等。大量雞牛羊豬,就連海鮮類朼絕不野少,還有未在香港未見過未聽過的食材呢。首次到訪,先來個鴛鴦浴吧!麒麟啤,離開酒店走了一整天,來支冰凍啤酒順順喉,爽啊﹗蔥油滷水豬臉肉,開胃室溫前菜,嚥韌的膠質,黏黏的充滿油香,趙著清爽滷水味道,越食越想食啊,如果有蒜蓉白醋就更精采喇。鴛鴦鍋,台式麻辣湯併藥膳雞湯?不過菜牌印著御膳麻辣鍋併老火鍋。萬眾期待終於送到,用上古味濃厚的銅鼎盆著,真的十分有宮庭感覺呢。極神仙牛肉,霜降肥牛非常頂級,脂肪紋茂密不均,灼一灼粉紅色即食,滑嘟嘟迅間溶化,乳香濃濃,牛味清香!還有次選神仙牛肉,即美國牛小排,有機會再試吧。梅花豬肉,瘦猛猛的看不到怎麼有油脂,乾乾鞋鞋,豬肉味道有,不過豬甜味薄弱。曼波魚魚皮,即巨形肥嘟嘟的翻車魚。程純白色的魚皮,彷似軟軟椰青肉,烚完變成半透明,好鬼得趣。食落似啫喱,有少少咸味,都係配辣椒豉油會更可口。冬金鯧,沒半點新鮮感覺,急凍魚塊,連冰鮮也說不上。死實陰沉的味道,結實乾乾,沒有鮮味。雪白軟絲,即魷魚絲,軟軟嚥韌富彈性,沒有怎麼樣的味道。粟米、金菇,平凡普通,索汁一流。根島生態蝦,沒什麼特別的冰鮮味道,微彈微爽微蝦甜。鴨血,滾熱辣一口爆汁,甜美幼滑滿載水份,入味極致﹗鴨血及冰豆腐原來可以無限復活,任食的呢﹗回到香港見到食評才知道,我最愛食鴨血,蝕晒喇﹗薑汁雪耳糖水,驅寒佳品,我不愛甜都呷兩口吧。荔枝醋砂冰,最後還有貼心的燃脂乳酸飲品,舒服清涼。 繼續閱讀
(以上食記乃用戶個人意見,並不代表OpenRice之觀點。)
等級2 2018-08-27
170 瀏覽
去台灣玩,家人第一句都會話想食火鍋,上次同班姨媽食過美如藝術般o既「寬X子」後,今次就決定一試潮興熱店「這一鍋皇室秘藏鍋物」。人氣火鍋店最與別不同之處就係門面及室內裝修o既設計都用上兵馬俑作題。正門有迷你水池及木橋,由兵馬俑守門真夠威嚴。推開重重o既鐵門即見龍椅一張,更顯氣派。用餐大堂所有散座均為方形木造枱櫈,並以屏風隔開,中國風得黎清爽簡潔。四周有不少靚花擺設,感覺甚為雅致。最有古代感就係洗手間門外寫有「男」字及「女」字o既布簾,認真搞鬼。小肥早已托台灣女朋友訂座,一行九人到步即被安排入座廂房,餐桌上亦早已擺放好茶具。細心一看,方才留意到碗碟茶杯均為翠玉色系列,貴氣十足。每人一塊紅色o既掛頸紙圍裙,衛生非常。細問下先知原來圍裙上o既「呷嘎宋嘎」意思原來係「吃得很爽」;好,就睇吓食完會幾爽!厚本餐牌頭幾頁先講解推廣優惠、靚鍋底賣點、幾篇火鍋傳說及鍋品食用秘訣。散點火鍋料項目全伴上彩圖對照,計埋大圖共有十二頁之多。消費指南及細則如最低消費額等,就列咗喺尾頁,有埋圖表夠哂清晰易明。老火湯(NT 110/人):據餐牌所講,老火湯底以大豬骨、雞骨、豬後腿肉及多款中藥等精髓所燉製而成。奶色o既老火湯肉味香濃,且傳出陣陣胡椒味,餐前先嚐一碗直令胃口大增。翡翠鮮蝦滑(NT 380):因為港版蝦滑大多為灰色,所以當見到蝦滑如此皎潔雪白時真係有啲意外。煮熟咗o既蝦滑爽脆彈牙,鮮甜可口。黑玉墨魚滑(NT228):同白雪雪o既蝦滑成對比o既墨魚滑色澤真係黑得夠哂勻循,幸好咬落柔潤有彈性,唔錯。梅花豬肉(原價NT 268,拼埋「和牛梅花」則可以優惠價NT 10享用):豬肉雖切成薄片,但個人覺得肉質都係偏嚡,如果唔係半送的話一定唔會叫黎食。雪花牛肉(NT 268):砌到一朵花咁o既雪花牛肉片從紋理睇講真唔多似雪花,色調又唔夠鮮明,食落唔夠軟滑亦冇乜肉香,請恕細佬未能推介。培根牛肉(NT 338):據餐牌簡介所述,培根牛肉o既油花分佈應最均勻,但如相所示,碟中o既白色肥膏全積聚於一邊,個人覺得絕不均勻,煮熟咗亦屬嚡口之列,不吃也吧。極神仙牛肉(NT 488):多款牛肉中只有兩款啱XO仔口味,其中極版神仙牛肉薄片掛於架上,以乾冰營造出仙氣,外觀最為震撼。神仙牛肉o既雲石紋就真係表現出靚牛肉o既油脂如何均勻,即煮即食半溶於口中,肉香軟腍,何其美妙!和牛梅花(NT 588):第二款靚牛就係最薄巧o既和牛梅花。和牛紅白o既紋理同極神仙牛肉可謂不相伯仲,講真飲咗幾杯後,兩者質感如何不同已難以分辨,只係覺得好食就夠。松阪豬肉(NT 328):松阪豬肉片疊成玫瑰花形,這個外表同之前喺「寬X子」食過o既有八成相似,但「這一鍋」個版本就明顯少配咗個鮮蛋黃醬汁。可能係先入為主o既關係啦,未黏上蛋黃o既松阪豬肉雖則夠爽,但就欠缺咗份柔滑,有陣時菜式o既靈魂就是隱藏在那一點點。。。鮮跳活蝦(NT 268):小肥一向少食蝦蟹,尤其係當身處於異地時,不過見蝦隻當真係活生生咁喺隻碟上跳來跳去時就不得不拍下照片與大家分享。半殼扇貝(NT 368):扇貝體積同彩圖一樣咁大隻,烚熟咗仍能保持爽厚嫩滑,!青竹蚌(NT 268):睇相已知青竹蚌其實即係蟶子。蟶子原條冰陣上枱,夠哂體頭,可惜滾兩滾同滾耐啲蟶子都一樣咁韌,即使味道幾鮮,咬唔到已大打折扣。五彩鮮蔬盤(NT 198):鮮綠色o既蔬菜均新鮮爽脆,實屬正菜也!福氣粥(NT 100):最後加NT 100即可加碗白飯由服務生以鍋底即煮香濃鮮甜o既福氣粥。雖然九人只可每人分到一小碗,但靚粥極之暖胃,一小碗就已經夠哂。乳酪冰沙(免費贈送):清涼o既冰沙味道就好似益力多咁多甜微酸,飯後一小枝有助解熱消滯。台灣人氣連鎖火鍋店「這一鍋皇室秘藏鍋物」裝潢極富中國色彩,格調輕鬆,服務優質,環境又夠衛生。XO仔可能係因有比較下,總覺得「這一鍋」除咗老火湯底及福氣粥最有賣點之外,火鍋料反而不及市內其他火鍋專門店,不過其價錢講真同時亦比某幾間便宜,要揀去邊間食就要睇大家追求啲乜野o既享受啦。 繼續閱讀
(以上食記乃用戶個人意見,並不代表OpenRice之觀點。)
等級1 2018-05-24
120 瀏覽
聽說這裡麻辣湯底很好我們就挑了這個醬料區很乾淨 而且也有不少的醬料選擇麻辣湯底裡面配上很多豆腐跟豬紅豬紅味道新鮮 豆腐是硬豆腐不用怕很快會煮爛干貝滑味道鮮甜而且裡面配上類似蟹子的東西 口感一流的滷大腸味道很濃店員建議我們先煮這個 會令湯頭更濃郁牛肉實在是十分漂亮配上乾冰很有仙境的感覺肉的紋理也很漂亮一塊不會好薄 算大片的肉質很好不會硬 而且肉味好重油條可以單吃或者沾上湯頭吃我個人比較喜歡沾湯吃另外油條帶上微微的辣最後附上乳酪沙冰沙冰酸酸甜甜的 很有解膩的效果這裏食材很新鮮服務也很好店員一直看你有沒有什麼需要 主動幫你加湯 繼續閱讀
(以上食記乃用戶個人意見,並不代表OpenRice之觀點。)