Hello Kitty Kitchen And Dining (已結業)

因為我家公主生日，所以特登帶佢嚟朝拜Hello Kitty。一如既往，卡通人物主題餐廳都係有最低消費的。人頭費為＄300台幣，費用都幾合理。小朋友剛好三歲免收人頭費。打開餐牌好多食物都要400台幣一份，我們兩個大人點了兩份餐點，小朋友便跟我們分着吃。炸雞配薯條:點了原味炸雞-外皮香脆、內裏juicy!!10分好吃的炸雞!!!薯條剛炸起，咬開還在冒煙！香蒜小卷意粉:小卷煎得啱啱好，唔會過老，而且調味10分恰當。意粉煮得剛好，仲有少少彈口。我和老爺二話不說，把意粉吃清光。卡通主題餐廳菜色能有如此水準，十分難得。希望下次去還可以保留水準。另外餐廳內充滿Hello Kitty圖案和擺設，小朋友10分喜愛。