更多
2019-02-16
130 瀏覽
金雞園唔使等位，反而呢間要等位。當然，如果你係外賣嘅話，咁都係排一陣隊（幾個人），就可以攞走個割包食啦。本少爺諗住試吓個四神湯，同埋又驚住個割包啲油滴吓滴吓咁，有失斯文（點講我都係舊香港人代表、唔係代表新香港人），所以都係選擇坐低食。反正一個人容易等位。唔知割包應該揀肥定瘦，佢有半肥瘦。唔知四神湯應該揀腸定係肚，佢有腸+肚（張紙確係咁寫，唔係我唔懶得寫個「加」字）。雙飛，唔使特別加錢，真係選擇困難症嘅人嘅天堂！我當然係要雙拼啦，個半肥瘦割包唔油、唔腬。記得N年前跟台灣朋友去夜市食割包，好腬，加上企喺度食，食兩啖就真係想掉咗佢（不過台北搵垃圾桶又唔係咁容易）。但「藍家割包」唔同，我成個食晒，都好味。睇相都知個湯好清，D料唔會過多（不過如果你當佢係晚餐，你就覺得佢小料），飲晒同食晒。如果唔鍾意內臟嘅朋友，咁就唔啱你啦（本少爺國語屬有限公司，冇問到老闆可唔可以淨係要湯，唔加內臟）。環境窗明几淨，員工友善。食完唔使執嘢，行出櫃面俾錢，係冇單嘅，不過老闆好醒目，知我坐邊台，或者你自己同佢講張枱嘅號碼都應該得。ps: 四神湯係有薏苡仁、茨實、山藥、蓮子
本少爺諗住試吓個四神湯，同埋又驚住個割包啲油滴吓滴吓咁，有失斯文（點講我都係舊香港人代表、唔係代表新香港人），所以都係選擇坐低食。反正一個人容易等位。
唔知割包應該揀肥定瘦，佢有半肥瘦。唔知四神湯應該揀腸定係肚，佢有腸+肚（張紙確係咁寫，唔係我唔懶得寫個「加」字）。雙飛，唔使特別加錢，真係選擇困難症嘅人嘅天堂！
我當然係要雙拼啦，個半肥瘦割包唔油、唔腬。記得N年前跟台灣朋友去夜市食割包，好腬，加上企喺度食，食兩啖就真係想掉咗佢（不過台北搵垃圾桶又唔係咁容易）。但「藍家割包」唔同，我成個食晒，都好味。
睇相都知個湯好清，D料唔會過多（不過如果你當佢係晚餐，你就覺得佢小料），飲晒同食晒。如果唔鍾意內臟嘅朋友，咁就唔啱你啦（本少爺國語屬有限公司，冇問到老闆可唔可以淨係要湯，唔加內臟）。
環境窗明几淨，員工友善。食完唔使執嘢，行出櫃面俾錢，係冇單嘅，不過老闆好醒目，知我坐邊台，或者你自己同佢講張枱嘅號碼都應該得。
ps: 四神湯係有薏苡仁、茨實、山藥、蓮子
張貼
