度小月 台北忠孝店

營業中

休息中

上網睇台北忠孝有咩地道嘢食，見到間度小月都幾出名，果陣香港都仲未有分店。去到現場，原來在橫街，要用GPS 花些時間搵，見到個門牌同裝修好有古色古香味，未食已經加分。order左幾樣餸。第一樣，龍蝦卵河粉圈，價錢150台幣，望落去有3隻色，肉鬆，金荀，卵，3樣加埋好特別，帶點甜，感覺又唔似壽司。第二係，肉燥飯，價錢30台幣，肉燥同飯嘅比例大約1:3，唔同其他鋪頭俾好少肉燥，至於肉燥就好有咬口，入口即容。第3係，擔仔麵，價錢50台幣，湯底熬得入味而濃郁，肉燥香口，面頭有隻蝦做點綴。第4係，炸蝦丸，價錢150台幣，炸粉唔厚，蝦亦打到剛剛好。總結係，食完這次之後，隔一排香港開左間分店，味道同台北這間簡直係差得太遠。台北這間好好多倍。門口及門牌有用心去裝修，好古色古香。