鼎泰豐 101店

營業中

休息中

今次來台北，第一次來鼎泰豐，初初以為門口好多人，要等好耐，原來等50分鐘，用餐都50分鐘，所以都唔算太耐！一入到去馬上點餐，小籠包，担担麵，蝦肉煎餃，炒水蓮，酸辣湯，酒釀丸子！担担麵，唔知點解冇湯，仲有麻辣味！水蓮爽脆！酒釀丸子，酒味太濃！蝦肉煎餃，內有韮王！味道ok！ 繼續閱讀

為怕年長嘅家人趕，哥哥專登選乘傍晚機返港，朝早辦理好退房手續，諗住可以行過去101食埋台灣名店「鼎泰豐」嘅小籠包先佗佗佻佻地去機場。真係冇諗過餐店早上十一點開門，十點九門外已企滿已取票嘅食客等位，七人用餐結果等咗成個鐘先可進場，即係食第二輪。幸好等待期間可先於網上點菜，打發咁啲時間。亦可於收銀處選購可愛嘅紀念品。仲印埋個101店紀念章添。無奈人齊先可入座，八旬家人要企咁耐確真有點兒吃力。餐廳面積開揚寬廣，又夠光猛，最入位置可見多位帶哂口罩同帽帽嘅廚師忙碌工作，透明度高且相當衛生。所有食物由餐飲機械人派送，節省人力且效率高。烤麩（NT 110）：烤麩前菜香甜鬆爽。紹興醉雞（NT 350）：醉雞嘅雞皮夠油滑，可惜肉質嚡口唔軟熟。香辣牛肚（NT 200）：以香蒜點綴嘅牛肚爽辣帶脆，惹味討好。高麗菜（NT 230）：大大塊高麗菜清脆唔油膩，只係冇乜味。清炒蝦仁（NT 490）：蝦仁尚算爽口，不過未為最鮮。紅油抄手（菜肉；NT 180）：雖然個賣相冇乜特別，但多款包包同餃餃中以此味紅油抄手嘅皮層最滑溜，菜肉餡心仲好脆嫩。香菇素餃（NT 27/個）：素餃皮厚偏硬同乾，完全唔掂當！蝦仁蛋炒飯（NT 270）：金黃吸睛嘅炒飯落得夠蛋蛋所以好香，飯粒飽滿肥潤，反而啲蝦仁偏乾同老。排骨麵（NT 240）：上枱時全塊排骨已經浸咗喺湯入面不知幾耐，食落好自然地超腍，個湯仲好油添，其實排骨如果分開上即能解決所有問題，有心做亦唔難。酸辣湯（NT 170/中）：酸辣湯為哥哥同媽咪所點，細佬一向怕酸所以冇試，只交由手機代食。小籠包（NT 250/十隻）：鎮店招牌小籠包雖則肉餡軟嫩鮮甜，弊在皮厚湯少，頗為失色。蟹粉小籠包（NT 400/十隻）：蟹粉小籠包除咗個籠入面多咗隻小黃蟹做記號之外，講真食落同普通小籠包無異，貴咁多都食唔出有蟹味喎，堅唔抵啦！小籠湯包（NT 380/二十隻）：只限週末提供嘅小籠湯包明顯細粒啲，姨媽真係好眼，留意到另一分別係個結原來係收喺包底嘅。應建議連另上嘅蛋花湯食，感覺限量貨色層皮比普通小籠包更厚且肉更少，點心盡失小籠包嘅特質，真心食唔過！紅燒牛肉麵（NT 280）：紅燒牛肉麵入面啲牛筋軟彈入味，湯底都好濃甜，唯一唔係好夠熱，同埋麵條有啲硬。元盅牛肉麵（NT 270）：元盅牛肉麵嘅湯餸分開上，湯底比紅燒牛肉麵熱辣，靚肉半鬆爽半軟腍，係三種湯麵中最美味嘅一款。商場餐廳「鼎泰豐101店」環境企理，服務生態度良好，運作流暢所以返枱迅速。或許期望過高所致，感覺招牌菜式包括小籠包嘅質量比較一般，價格亦不甚親民，要排成個鐘頭隊去食當真唔係咁值囉！ 繼續閱讀

晚上6點到餐廳，要等成90分鐘，食完就發覺點解遊客咁鐘意食🤣見好多人都推薦排骨蛋炒飯，我地都叫左一碟黎試下，果然不負眾望，好好食！炒飯加上蛋花和蔥香，極為滋味🤤炒飯粒粒分明，越食越開胃！再加上酥炸排骨🤤肉質一啲都唔鞋，反而好易咬好彈牙好入味！🤤酸辣湯(小)，配料超豐富，食極都食唔完，酸酸辣辣咁都十分之開胃！旁邊仲有醋同辣油可以自己添加，調出自己喜歡的口味😋味道真係十分之高質，價錢都唔係好貴，但真係等位等太耐了，不過好既係等位時店員會比個Qr code你可以係手機睇仲要等個多張桌，同埋可以先網上點餐，十分方便👍🏻 繼續閱讀

為了配合本店入坐及後補安排《請大大力歌頌店員們的努力👏👏》我們一行九人有老人及小孩，由詢問約等候兩個多小時，最終店員及我們的堅持下，三個多小時後能夠入坐啦💪等候入坐的過程神奇美妙😇一心諗住食開心😃午飯，慢慢地擔心需否改點晚飯😅！？相信不久將來，吃一餐午飯，我哋都需要在店開前就等待，相信這才能吃得一口午飯🥣 繼續閱讀

說到小籠包,不得不提起的就是揚名世界的鼎泰豐以前總覺得高攀不起的小籠包,一回生二回熟的品嚐過多家小籠包專門店會發現似乎也沒那麼難以親近而且不只是小籠包、排骨炒飯、絲瓜蝦仁小籠包、元盅雞湯都表現得可圈可點重點在服務很棒,翻桌率也很高💕信義台北101美食街最愛推薦💕babe最喜歡的鼎泰豐分店給了台北101不只是因為服務人員漂亮親切,重點是座位更多,一邊用餐一邊可以欣賞透明工作裡裡面滿滿的快手在桿麵皮、包小籠包一入座位,桌邊就有置物籃（還有布蓬遮蓋）服務人員立刻沖茶、而且時不時的就來幫你把茶斟滿送餐速度也很快、重點是大家都是穿著整齊而且配戴口罩現蒸出籠的絲瓜蝦仁小籠包170（可以一籠5顆的人性化小份量）輕輕一咬吹彈可破的麵皮,裡頭的湯汁潺潺流出絲瓜的清甜與鮮蝦的鮮美搭配再一起...單吃就很美味放上小籠包110前，服務人員會詢問是否需要幫你調配黃金比例的小籠包沾醬babe個人蠻喜歡鼎泰豐的小籠包因為湯汁不會太油、豬肉餡沒有腥臊味...重點是皮很薄,湯汁爆炸本身的風味十足是可以免沾醬非吃不可的不只是小籠包...排骨蛋炒飯240也是babe魂飛夢牽的家常料理排骨超大塊的躺在粒粒分明的黃金炒飯上份量可以在小碗上裝滿四次排骨去骨後敲打肉筋，醃製後油炸保持肉汁與軟嫩可口的肉質炒飯的閃耀打著光就閃爍了清甜高雅的元盅燉雞湯210、湯頭不油膩卻有溫暖的嫩薑提香去寒裡頭約莫有四大塊雞腿肉、肉質燉煮到超好咬卻不軟爛份量與誠意都很棒個人喝一碗大概會有六分飽的誠意喔加上一成服務費,兩個人八百左右就很飽足👍👍👍 繼續閱讀