九個太陽

營業中

休息中

今次台中遊，最多時間就係食食食，手信當然唔少得，為咗可以試多幾間不同味道嘅小食，所有有提供試食嘅店舖，都變成我嘅最佳選擇，Lee間店舖好大，原本打算一早去買太陽餅，九個太陽喎，聽個名就夠晒吸引啦！但一早去到，太早了，早到佢未開門，所以係第二度買咗，但佢個名又真係好吸引，佢又近我住嗰間酒店，哈哈... 最後經過都係入咗去走咗一轉，見到有個大雪櫃上面有張紙標示，推介嘅係"法式檸檬蛋糕"，聽個名好似好得，就去問店員係咪一定要雪住，原來唔係嘅，咁我就試下啦，方便送禮自用嘛，蛋糕面有一層簿簿嘅檸檬味白朱古力包住，唔太甜，原本以為檸檬會酸㗎啦，佢又唔會喎，反而係有一陣檸檬清香，我個人覺得幾好味，蛋糕口感都唔錯，大家有機會都可以試下，回家雪凍先食更好味。