影片
更多
2018-04-21
52 瀏覽
赤腳丫喺一個可以俾大人同小朋友一齊共享親子時光嘅好地方，除咗有餐廳、遊樂場、小動物之外，場內亦設有紀念品售賣處及農地。玩樂篇：進場後見到一大塊草地已經相當吸引，細看之下發現原來草地一旁設有小隧道俾小朋友玩樂之用。唔單止咁，喺園區內仲設置咗一啲小型氹氹轉，空間剛好夠一個小朋友坐，夠晒獨特。而且園區內仲設有好多得意嘅坐椅俾大人及小朋友影相及休息添。除此之外，園內亦設有沙池及嬉水池於園區後場，但園區後場只會開放到下午5點半咋。而草地盡頭就係一個遊樂場。遊樂場有兩層，分別設有三條不同高度嘅滑梯。頂層小房子內有巨型積木，而底層則設有小型波波池。波波池面積雖然不大，但對三歲或以下小B們而言就足夠有餘。係遊樂場底層除咗有波波池之外其實仲設有一個智樂遊戲區，入面放咗好多唔同種類嘅益智遊戲，實行考你智慧之餘仲考埋你嘅定力。動物篇：喺赤腳丫嘅前場及後場都分別飼養咗唔同嘅小動物以供小朋友認識，大至山羊，小至雀烏都一樣有。除咗分別飼養咗山羊、兔仔、家禽、青蛙及魚類，就連蝴蝶都一樣有。植物篇：玩完又睇完動物嘅不妨都去後場觀賞一下園內所種植嘅蔬果。小如士多啤梨，大如西瓜都一樣有。就連茼蒿、大蒜、大白菜、芭樂、桃樹
玩樂篇：
進場後見到一大塊草地已經相當吸引，細看之下發現原來草地一旁設有小隧道俾小朋友玩樂之用。唔單止咁，喺園區內仲設置咗一啲小型氹氹轉，空間剛好夠一個小朋友坐，夠晒獨特。而且園區內仲設有好多得意嘅坐椅俾大人及小朋友影相及休息添。
除此之外，園內亦設有沙池及嬉水池於園區後場，但園區後場只會開放到下午5點半咋。
而草地盡頭就係一個遊樂場。遊樂場有兩層，分別設有三條不同高度嘅滑梯。頂層小房子內有巨型積木，而底層則設有小型波波池。波波池面積雖然不大，但對三歲或以下小B們而言就足夠有餘。
係遊樂場底層除咗有波波池之外其實仲設有一個智樂遊戲區，入面放咗好多唔同種類嘅益智遊戲，實行考你智慧之餘仲考埋你嘅定力。
動物篇：
喺赤腳丫嘅前場及後場都分別飼養咗唔同嘅小動物以供小朋友認識，大至山羊，小至雀烏都一樣有。
除咗分別飼養咗山羊、兔仔、家禽、青蛙及魚類，
就連蝴蝶都一樣有。
植物篇：
玩完又睇完動物嘅不妨都去後場觀賞一下園內所種植嘅蔬果。小如士多啤梨，大如西瓜都一樣有。就連茼蒿、大蒜、大白菜、芭樂、桃樹同蓮霧都有！
唔單止咁，園內仲設有多個生態種植場及教室添架，不過想參觀或參加工作坊就要事先查詢一下開放時間啦！
食物篇：
園區內設有有餐廳及Cafe可以俾我地醫肚嘅，如果想BBQ燒下野食就可能要預早BOOK啦!我地去嘅日子為平日，所以人流唔算多，如果遇上假日建議可以先行訂坐，以免要等位。餐廳有內、外用餐區可供使用。
餐廳亦設有兒童餐以供小朋友們享用，
分別為小王子咖哩飯及小公主肉醬都兩款。（餐單）
剛好我地點咗小公主肉醬面，但唔知點解都係車車餐盤。不過兒童餐來講亦算豐富，有主菜、雞塊、甜品同飲品。味道亦算不錯，唔會太濃。
如果唔想食太飽亦可以考慮到遊樂場區附近嘅Cafe用餐，食件蛋糕嘆杯咖啡亦都係一個唔錯嘅選擇！
如果唔趕時間亦可以等埋夜晚亮燈之後先走，又會係另一種嘅格調。
張貼
