台灣高雄墾丁之旅，去到恆春古城搵食，呢間必試嘅甜品店「洋蔥雪榚」去到門面簡單，桌椅簡單，男店長有禮斯文，分兩日都去呢間店食甜品！店老闆會詳細介紹每樣甜品嘅做法！埋單會問下食後感！洋蔥雪榚藍莓味：洋蔥果醬、藍莓雪榚、洋蔥雪榚、奇異果、蘋果片、椰果！賣相好靚，原先以為會辣，點知好香甜，雪榚滑，同埋洋蔥粒爽脆，水果爽口！好味綠豆蒜：賣相靚，綠豆入味，甜湯甜滑，冰粒幼滑，面頭嘅彈牙爽口白麵條！珍珠圓子彈牙！好味！八寶冰：好大碗，材料好豐富，冰之外有芋頭、蕃薯、紅豆、珍珠圓子、黑白涼粉、彈牙涼條、布甸！每啖都唔同口感，每款都炆得入味！每款味道無衝突，好味！欣賞老闆嘅熱情，同對女兒嘅愛！祝每日大家都甜蜜滋味！
繼續閱讀
1
0
0
招牌菜
您可能會有興趣的...