！上網搵食時，發現大安區有間由兩個歐巴開設嘅「1993韓式無菜單料理」，食家們清一色嘅好評足以吸引長輩們一試
。
1
網上訂座流程簡易，如果唔食生蟹或有食物敏感問題就務必預先告知餐廳。地舖門面唔算特別起眼，不過睇見發哂光嘅「1993」
就知冇去錯地方。
1
小店一眼睇哂，合共有十個高櫈吧位圍繞著長形嘅開放式廚房。
1
走廊通道嘅牆櫃擺放出韓國酒品及鍋具，簡潔企理。
1
1
廚房內只見兩人工作，相中左後方嘅歐巴主廚乃創辦人之一，當晚其拍檔因病冇返，所以就請咗右前方嘅替工。
1
替工絕非hea角，都要落手幫忙擺盤架！
1
不潔餐具就交由洗碗機處理。
1
據悉，店名所用嘅「1993」其實係兩位歐巴老闆嘅出生年份。
1
每位席上都擺有自用嘅餐具。廚師發辦嘅「無菜單料理」用上當日最新鮮嘅食材烹調，分NT1,500/位（豬肉x海鮮）及NT,2500/位（牛 x海鮮）兩款，菜單大約每三個月換一次。
1
第一次幫襯就揀咗食平啲嗰款。餸菜冇得揀，但飲品項目就有一頁可選。
如貴客欲自攜佳釀，標準裝紅、白、汽、清酒嘅開瓶費均為NT700/樽，價位明顯比香港餐廳合理得多
！
1
餸菜上枱前都會由歐巴親自用流利嘅國語講解一番。
1
為晚餐打頭陣先黎韓國濟州島嘅特色開胃菜，用生菜塗點帶有麻油香嘅薏仁大醬。
1
冇幾耐，歐巴好有儀式感地為色彩鮮艷嘅生牛肉海膽脆脆即場製造出煙霧迷漫嘅仙境
，視覺效果絕對一流！
1
1
1
點心最底層嘅炸紫菜脆脆酥化巧脆且夠乾身，連埋以魚籽醬點綴嘅和牛海膽刺身食落口，鮮濃滑溜迅即洋溢口腔
，超正！食後呷一口金杯中酸酸甜甜嘅果醋可一解油膩，設計者諗得真係周到。
1
接著嘅菜式看似平平無奇，真係冇諗過竟然係韓國歷史中嘅宮庭御膳
！
1
盤中黃色呈球狀嘅係半生熟蛋蛋，白色嘅係秘製松子醬，旁邊仲有已預先去殼嘅蝦肉、空心菜、章魚。應建議撈勻哂黎食，第一啖嘅口感就好似慕絲咁絲滑，橙白鮮明嘅蝦蝦味道唔濃但滑中仍帶份爽脆，最突出係煙煙韌韌嘅章魚條，組合都幾得意。
1
去到中段，師傅好興奮咁介紹鎮店招牌拌飯。拌飯用上海苔醬醃出，配料除咗肉眼睇得到嘅三文魚刺身、魚籽醬、炸菇絲之外，其實仲有芬芳嘅紫蘇油，當真色香味俱全
！
1
DIY海苔三文魚拌飯嘅溫度涼浸浸，尤其清新
！簡單混入海苔醬及魚籽醬已夠鮮濃惹味，加埋肥潤嘅三文魚同脆卜卜嘅炸菇絲直令口感更加豐富。
1
其實喺台灣食韓國菜都已經算冷門，點知韓廚竟然煮出帶有墨西哥元素嘅炸鱔玉米餅，認真國際化！
1
脆脆嘅墨西哥玉米餅內鱔肉唔多，但勝在鱔肉鮮甜脆口，舖面嘅生菜絲好清爽，暗藏喺底嘅炸菜同唧喺面嘅自家製白汁成功添上恰到好處嘅調味，配搭相當新穎。
1
原本主菜係醬油蟹，但訂位時講明家人唔食生蟹，所以就轉咗做熟咗嘅螃蟹海鮮湯，另配魚肉石鍋飯。
1
石鍋飯用上勁多魚肉烹煮，分成小碗前當然係要展示一吓真材實料啦！
1
黑鍋中嘅螃蟹湯味道好濃，淨食或者係淨飲都覺得佢好咸。
1
湯入面仲有隻鮑魚同青口，一定要撈咗隻蛋黃入啲魚飯度先，然後再連埋啲海鮮一齊食個飯方才最鮮香。
1
結尾新鮮做嘅「糖餅」甜品要五分鐘備製。師傅介紹此乃韓國路邊小食，內含黑糖及肉桂粉，頂面球為香蕉味嘅雪糕。
1
貌似班戟嘅糖餅好乾身，層皮煎得夠脆，餅身就煙煙韌韌，當中嘅黑糖同肉桂味芳香得黎一啲都唔搶，微甜易入口，伴配雪糕更覺清涼。
1
台北人氣小店「1993韓式無菜單料理」簡樸衛生，服務優良，歐巴用心烹調嘅潮派韓式料理質高美味，價格合理，絕對值得一試
！
