。
1
老字號已連續七年鑊得一星榮譽
，咁猛料當然係要貼喺門口炫耀一吓啦！
1
星級食肆訂座一啲都唔容易，週末尤其艱辛
，上下兩層嘅大廳散座早已俾人訂哂！
1
八口子結果只訂到私人廂房。其中有幾點要留意嘅，包括包廂最低消費NT 15,000，聯絡人必需提供台灣電話，及確認訂座後要預先繳付訂金NT 5,000，相當嚴謹！店子室內光線充裕，裝潢簡潔樸實，以木為主嘅間隔、酸枝傢俬及屏風設計都流露出中國色彩。
1
1
做定功課嘅小肥當然係訂埋幾款必先預訂嘅招牌菜啦
！厚本餐牌實在太多頁，因相片嘅上載量有限，所以揀咗幾頁精選項目俾大家參考。
1
1
1
1
1
1
1
1
1
1
酒鬼們應推介一試獨創嘅「金蓬萊WAT紅心芭樂雞尾酒」（NT250/樽），飲品酒精度唔高，飲落似甜濃嘅石榴汁咁
，清新可口。
1
蓬萊排骨酥（NT 300）：外表金黃嘅排骨酥大件得黎炸得好乾身，酥脆嘅皮層下肉質鬆嫩多汁，送酒佳品也！
1
古早味干貝白菜滷（NT 680/大）：浸喺湯入面嘅紹菜腍到唔洗咬已經可以直接吞落肚，個人只係略嫌湯底咸咗啲。
1
主廚特製秘滷鮑魚（NT 480/顆）：鮑魚煙韌彈牙，清香帶鮮，選配無添加嘅粟米仔同青瓜十分清爽。
1
蓬萊蚵仔仁（NT 650/大）：淨睇相都應該感受到蚵仔肥嘟嘟仲滑捋捋，每隻均肥潤飽滿，簡單沾上蔥蒜豉油已夠鮮濃惹味
，必吃推介！
1
麻油腰花（NT 820/大）：看似平平無奇嘅豬腰原來好爽脆，不過依味餸一定要襯熱食，唔係啲豬腰好快會變得老同硬，建議人多都叫一客小嘅，情願唔夠先追加。
1
蔥燒煨蔘海膽麵（需預訂；NT 3,680/小）：必先預訂嘅招牌海膽麵賣相金黃吸睛
，服務生等大家影完相先攞開幫大家分，手勢相當純熟。
1
1
撈勻哂所有野黎食，碗中嘅麵條Q彈滑溜，海參絲嘅爽脆令口感更豐沛，唯獨唔係好食得出海膽應有嘅鮮甜，或許係依款海膽品種嘅味道較淡吧？！
1
桂花松葉蟹（NT 3,080/大）：用兩隻松葉蟹炒出嘅桂花蟹鮮美量足，而且好夠乾身，蟹肉清甜幼嫩，唔洗點野已經好好食，不過真係要點醋先冇咁溜，可以食多啲
。
1
1
滷鴨舌（NT 280）：鴨舌柔潤有嚼口，滷水味咸甜適中。
1
私房松葉蟹海膽麵 （需預訂；NT 4,480/小）：始終少去台灣，仲要係天母區咁遠，所以就一次過食埋加咗松葉蟹嘅海膽麵，感激廚房刻意安排隔咗一陣先上。
1
即場對比下，第二碗松葉蟹海膽麵明顯比冇蟹肉嗰碗鮮甜香濃得多
，碗中嘅蟹肉厚身得黎極之嫩滑，同桂花松葉蟹完全唔同食法，第一次幫襯一定要試依款！
1
滷霸三拼（雞腳/豬腳/肥腸；NT 1,150）：席上嘅長輩其實食到中途已經投哂降，但因未達最低消費額，服務生就建議叫個拼盤打包俾司機哥哥，果然有諗頭
。
1
一星台菜餐廳「金蓬萊遵古台菜餐廳」環境光猛企理，服務生專業有禮，經典台菜高質美味，當中獨創嘅招牌「私房松葉蟹海膽麵」堅正，順路的話絕對值得一試！
