RAPL澎派令果 (已結業)

經過見到大排長龍又有設限買，就諗住一試😋排隊嘅時候已經見好多酥皮放滿哂櫥窗，金黃色好飽滿，嗰陣仲未知係咩嚟就跟住排🤣🤣一開始以為呢啲千層酥入面比較多空氣，但拎上手比想像中重好多！！！！！一咬入面全部都係蘋果粒，店舖話係用咗日本蘋果，蘋果味道好足食得出好新鮮，而且係切粒狀而唔係打溶，保留咗蘋果本身少少爽口嘅口感🍏😋除咗蘋果，餡料仲有吉士醬，比例唔算多，但都好香滑，唔會蓋過本身蘋果嘅香甜👍🏻當時真係俾鬆脆嘅外皮同餡料吸引咗，隔日忍唔住再試多次，可惜第二次去嘅時候，酥皮已經冧哂一啲都唔脆😕雖然餡料味道一樣，但始終有啲失望...