丸咖 (已結業)

台灣的第二天，晚上我們遊饒河夜市，路過看見一間裝修靚靚的cafe就被佢吸引了。上前買了一杯咖啡珍珠來嘗嘗，黑糖珍珠奶茶就飲得多，第一次試咖啡珍珠的味道。 看見咖啡珍珠的第一眼賣相已經好靚，試第一啖先唔好攪勻， 試下原本的味道。 最底層有濃郁的咖啡香， 有層次的感覺， 中層有淡淡的奶味，之後攪勻飲一啖再試，甜度適中，還有煙韌彈牙有口感的珍珠。 簡簡單單的一杯咖啡珍珠就已經知道這間cafe的用心製作， 無論賣相和內涵都係攞得高分的。